________________
प्रस्ताव:
३५३
दिग्व्रते सुबंधु-कथा । नूणं इमा मसाणे रयणीए रक्खसी कावि ॥ इय भय-विहुरा चोरा नहा मुत्तूण सव्वमाभरणं । तं पुण गहिउं जणणी गया पभाए नियं गेहं । 8 जणणिं पुत्तो वहू य दुन्निवि चमकियाइं मणे । कहमागय त्ति पुट्ठा सा विणय-पुरस्सरं तेहिं ॥ तीए कहियं सग्गे गयम्हि तो विम्हिएहिं तियसेहिं । दिन्नमिणं आहरणं तं वेत्तुं आगयाहमिमा ।। भणियं वहूइ माए तं धन्ना जं सुरेहिं गोरविया । तीए वुत्तं थेवं गोरविया डोकरि त्ति अहं ॥ जइ छोकरिं कहवि ते लहंति तो गोरवं कुणंति बहुं । धण-लुद्धाए वहूइ भणियमहं तत्थ वच्चिस्सं ॥ गहियग्गि-सासुयाए तह पइणा सह गया मसाणम्मि । वहुया चियं पविट्ठा दड्डा जलणेण झत्ति मया ॥ लहु एही मज्झ पिय त्ति चिंतिरेणं गुणंघरेण पुणो । पुण पुण भणिया जणणी आगच्छइ गोमई किं न ॥ तीए भणियं मग्गेण तेण तुह वल्लहा गया वच्छ । जेण पुणो न नियत्तइ अहं तु कत्थवि तया न गया ॥ कहिओ निय-वुत्तंतो य तस्स तेणावि जंपिया जणणी । तुमए कयमुचियमिणं सढे सढत्तं नहि अजुत्तं ॥ लोभाउ धण-निमित्तं चलिया सग्गं पि गोमई मूढा । पंचत्तं सा पत्ता तमेवमसमंजसं दडे ॥ बेरग्ग- मग्ग-लग्गो गुरु-पासे संजमं पवन्नो सो। एसो सोहं तव-वस-पसरिय-मणपजव-नाणो ॥ ता भो! सुबंधु ! तुममवि विवर-पवेसाइणो बहु किलेसे। काउं वंछसि धण-लोभ-परिगओ तं पुण न जुत्तं ॥ देसंतराइं भमडउ पविसउ विवरम्मि लंघउ समुदं । आरुहउ नहं तहवि हुन पावए किं पि निपुन्नो ॥ तो संतोस-परेणं इह परलोए य कुसल-कामेण । उड्डाहो-तिरिय-दिसासु गमण-माणं विहेयव्वं ॥ तं सोऊण सुबंधू जंपइ धन्नो मुणिंद ! तुममेव ।
Jain Education International
For Private & Personal Use Only
www.jainelibrary.org
