________________
३१७
प्रस्तावः ]
स्थूलप्राणातिपातविरतौ सिवकुमार-कथा। सो नत्थि नरो मन्ने इमीइ रूवेण जो वरो जोग्गो। तत्तो विजाहर-मागहेण एक्केण संलत्तं ॥ अस्थि विदन्भा-पहुणो हरिसेण-नराहिवस्स अंगरुहो । नीसेस-कला-निलओ सिवो त्ति स्वेण जिय-मयणो॥ जह केसवो सिरीए सईइ सक्को हरो गिरिसुयाए । तह देव ! कुमारीए इमीइ सो चिय वरो उचिओ ।। एवं सोउं तीए तहाणुराओ तुमम्मि संजाओ। जह विज्जाहर-कुमराण सहइ नाम पि कहवि न सा॥ कत्थ वि रइमलहंती अपत्त-निद्दा-सुहा निसासुं पि । कर-यल-कलिय-कवोला चिट्टइ तुह संकह-खित्ता ॥ एयं नाऊण मए कुमार ! आणाविओ तुम इत्थ । ता कणयसुंदरि परिणिऊण मह कुणसु परिओसं ॥ कुमरो जंपइ जं आणवेसि सज्जोम्हि तत्थ किं बहुणा । न कुलीण-जणो जाणइ गुरूण पडिकूलमायरित्रं ॥ तो कणयसुंदरीए पाणिग्गहणं कराविओ कुमरो । गुरु-रिद्धि-पबंधेणं पवणंजय-खेयरिंदेण ॥ अह अत्थाण-निसन्नो सिवकुमर-अणेय-खयर-परियरिओ। एक्केणागंतुं खेयरेण पवणंजओ भणिओ ॥ सूरपुर-प्पहुणो सूरतेय-खयरेसरस्स दूओऽहं । सो भणइ न मह दिन्ना मग्गंतस्सवि तए धूया ॥ भूगोयरस्स दिन्ना ता जंपिस्ससि तुमं न मे कहियं । अजवि तं मह अप्पसु वयराणं छड्डियं किंतु ॥ हणिऊण अन्नहा भूमिगोयरं तं सयं वि गिहिस्सं । पवणंजएण भणिओ दूओ-भो ! कहसु निय-पहुणो । धूयाइ नाभिरुइउ त्ति जइ मए तं विवाहिओ न तुमं । तत्थ उवालंभ विहिं जेण तुमं मणहरो न कओ॥ . संपइ पुण पर भज्जं तं वंछंतो न लज्जसे कीस । भण्णंति महापुरिसा परदार-परंमुहा जम्हा ॥ सिवकुमरेणं भणिओ दूओ-जइ भूमि-गोयरं हणिउं । फुरइ मई तुह पहुणो सो आगच्छउ तओ तुरियं ॥
Jain Education International
For Private & Personal Use Only
www.jainelibrary.org |
