________________
कुमारपालप्रतिबोध-संक्षेपः।
पृष्ठ १.
ग्रन्थकारस्य चउसु दिसासु पसरियं मोह-बलं निजिउं पयट्टो व्व । प्रस्तावना। पयडिय-धम्म-चउको चउ-देहो जयइ जिण-नाहो ॥
तं नमह रिसह-नाहं नाण-निहाणस्स जस्स अंसेसु । अलि-कसिणो केस-भरो रेहइ रुक्खे भुयंगो व ।। तं सरह संतिनाहं पवन-चरणं पि जं चरण-लग्गा । तियस-कय-कणय-पंकय-मिसेण सेवंति नव निहिणो ।। कजल-समाण-वन्नं सिवंग-भूयं निसिद्ध-मय-मारं । परिहरिय-रायमइयं दुहा नमंसामि नेमिजिणं ॥ मज्झ पसीयउ पासो पासे जस्सोरगिंद-फण-मणिणो । दिप्पंति सत्त-दीव व सत्त तत्ताई पायडिउं ॥ सो जयइ महावीरो सरीर-दुग्गाओ भाव-रिउ-वग्गो। चिरमन्न-पाण-रोहं काउं निव्वासिओ जेण ॥ वित्थारिय-परमत्थं अणग्घ-रयणासयं सुवन्न-पयं । दोगच्च-दलण-निउणं नमह निहाणं व जिण-वयणं ।। जेसिं तुढेि लट्ठि व लहिउ मंदो वि अखलिय-पएहिं । विसमे वि कव्व-मग्गे संचरइ जयंतु ते गुरुणो ॥ कइणो जयंतु ते जलहिणो व्व उवजीविऊण जाण पयं । अन्ने वि घणा भुवणे कुणंति धन्नाण उकरिसं ॥ जलहि-जल-गलिय-रयणं व दुल्लहं माणुसत्तणं लहिउं । जिणधम्ममि पयत्तो कायव्वो बुद्धिमंतेण ॥ सग्गो ताण घरंगणं सहयरा सव्वा सुहा संपया
सोहग्गाइ-गुणावली विरयए सव्वंगमालिंगणं । संसारो न दुरुत्तरो सिव-सुहं पत्तं करंभोरहे
जे सम्मं जिणधम्म-कम्म-करणे वटुंति उद्धारया ।। सप्पुरिस-चरित्ताणं सरणेण पयंपणेण सवणेण । अणुमोयणेण य फुडं जिणधम्मो लहइ उक्करिसं ॥ पुव्वं जिणा गणहरा चउदस-दस-पुग्विणो चरिम-तगुणो। चारित्त-धरा बहवो जाया अन्ने वि सप्पुरिसा ॥ तह भरहेसर-सेणिय-संपइनिव-पभिइणो समुप्पन्ना !
पृष्ठ २,
Jain Education International
For Private & Personal Use Only
www.jainelibrary.org
