Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 299

२२२ कुमारपालप्रतिबोधे
[तृतीयः बालत्तणओ वि पुव्व-कय-सुकय-वसेण सउण-रुय-पजंताहिं कलाहिं सहीहिं व पडिवन्ना । इमीए अणुरुवं वरं अलहंतस्स मे अचंतं चिंता। अओ मए एसा विचिंत त्ति वुत्ता। मए भणियं सिट्टि ! मा संतप्प, अस्थि नंदणपुरे रयणायरसिट्ठिणो विसिठ्ठ-रूवाइ-गुणो, पुत्तो अजियसेणो सो तुह धूआए अणुरूवो वरो त्ति । जिणदत्तेण वुत्तं भद्द ! तुमए मे महंत-चिंता-समुद्द-मग्गस्स पवर-वरोवएस-बोहित्थेण नित्थारो कओ त्ति भणिऊण तेण अजियसेणरत सीलमई दाउं पेसिओ जिणसेहरो निय-पुत्तो मए समं । सो इहागओ चिट्ठइ । ता जहा जुत्तभाइसउ सिट्ठी । जुत्तं कयं तुमए त्ति भणिऊण हक्काराविओ जिणसेहरो सिटिणा। सगोरवं दिन्ना तेण अजियसेणस्स सीलमई। अजियसेणेणावि तेणेव सह गंतूण कयंगलाए परिणीया सीलभई । चित्तूण तं आगओ स-नयरं अजियसेणो। भुंजए भोए । अन्नया मज्झ-रत्ते घडं चित्तूण गिहाओ निग्गया सीमई । कित्तिय-वेलाए आगया दिवा ससुरेण । चिंतियं नृणं एसा कुसील त्ति गोसे गहिणी-समक्खं वुत्तो पुत्तो वत्थ ! तुहेसा घरिणी कुसीला, जओ अज मज्झ-रत्ते निग्गंतूण कत्थवि गया आसि, ता एसा न जुज्जइ गिहे धरिङ।
जओघण-रस-वसओ उम्मग्ग-गामिणी भग्ग-गुण-दुमा कलुसा।
महिला दो वि कुलाई कूलाई नइ व्व पाडेइ ॥ ता पराणेमि एयं पिइ-हरं । पुत्तेण वुत्तं-ताय ! जं जुत्तं तं करेसु । भणिया बहुया-भद्दे ! आगओ 'सीलवई सीग्धं पेसिजसुत्ति तुह जणयसंदेसओ। ता चलसु जेण तुमं सयं पराणेमि । सा वि 'रयणि-निग्गमणेण ममं कुसीलं संकमाणो एवमाइसइ ससुरो, पिच्छामि ताव एयं पित्ति चिंतिऊण चलिया रहारूढेण सिटिणा समं । वचंतो सेही पत्तो नई। सेट्टिणा वुत्ता वहू-पाणहाओ मुत्तूण नइं ओयरसु। तीए न मुक्काओ ताओ। सेटिणा चिंतियं अविणीय त्ति । अगओ दिखै पढम-वत्ता-पइन्नं अच्चंत-फलियं मुग्गखेत्तं । सेटिणा भणियं-अहो! मुफलियं मुग्ग-खेत्तं । सव्व-संपया खेत्तसामिणो । तीए भणियं एवमेयं, जइ न खलु ति । सेटिणा चिंतियं अक्खयं पेक्खंती वि खडं ति अक्खइ । अओ असंबद्ध-प्पलाविणी एसा । गओ एगं समिद्ध-पमुइय-जण-संकुलं नगरं । सेट्टिणा भणियं अहो ! रम्मत्तणं इमस्स। तीए भणियं जइ न उव्वसं ति । सेटिणा चिंतियं उलंठ-भासिणी इमा।