________________
अथ तृतीयः प्रस्तावः।
अह जंपइ मुणि-नाहो जीव-दया-लक्खणस्स धम्मस्स । कारण-भूअं भणियं दाणं पर-दुक्ख-दलणं ति ॥ नो तेसिं कुवियं व दुक्खमखिलं आलोयए सम्मुहं __नो मिल्लेइ घरं कम कवडिया दासि व्व तेसिं सिरी। सोहग्गाइ-गुणा चयंति न गुणाबद्ध व्व तेसिं तणुं
जे दाणंमि समीहियत्थ-जणणे कुव्वंति जत्तं जणा॥ दाणं पुण नाणा-ऽभय-धम्मोवटुंभ-भेयओ तिविहं । रयण-त्तयं व सग्गापवग्ग-सुह-साहणं भणियं ॥ नाणं तत्थ दु-भेयं मिच्छा-नाणं च सम्म-नाणं च । जं पाव-पवित्ति-करं मिच्छा-नाणं तमक्खायं ॥ तं च इमं वेजय-जोइसत्थ-रस-धाउवाय-कामाणं । तह नट्ट-सत्थ-विग्गह-मिगयाण परूवगं सत्थं ॥ जं जीव-दया-मूलं समग्ग-संसार-मग्ग-पडिकूलं । भाव-रिउ-हियय-सूलं तं सम्मं नाणमुद्दिदं ॥ तं पुण दुवालसंगं नेयं सव्वन्नुणा पणीयंति।
मोक्ख-तरु-बीय-भूओ धम्मो चिय वुच्चए जत्थ ॥ किञ्च
सम्मत्त-परिग्गहियं सम्म-सुयं लोइयं तु मिच्छ-सुयं । आसज्जउ सोआरं लोडय-लोउत्तरे भयणा॥ नाणं पितं न नाणं पाव-मई होइ जत्थ जीवाणं ।
न कयावि फुरइ रयणी सूरंमि समुग्गए संते ॥ नाणं मोह-महंधयार-लहरी-संहार-सूरुग्गमो
नाणं दिट्ठ-अदिट्ट-इ-घडणा-संकप्प-कप्प-नुमो। नाणं दुजय-कम्म-कुंजर-घडा-पंचत्त-पंचाणणो
नाणं जीव-अजीव-वत्थु-विसरस्सालोयणे लोअणं ॥ नाणेण पुन्न-पावाई जाणिउं ताण कारणाइं च ।
Jain Education International
For Private & Personal Use Only
www.jainelibrary.org
