________________
प्रस्तावः]
कुमारपालस्य तीर्थयात्रावर्णनम् । भणिओ भिक्खू तंदुल-जलेण कुरु पाय-लेवमेयंति । कुणइ तह चिय भिक्खू जाया नह-गमण-लद्धी से ॥ पालित्तयस्स सीसो व्व कुणइ नागज्जुणो तओ भत्तिं । नेमि-चरियाणुगरणं सव्वं पि कयं इमं तेण ॥ तं सोउं भत्ति-परो नरेसरो नेमिनाह-नमणत्थं । गिरिमारुहिउं वंछह तो भणिओ हेमसूरीहिं ॥ नर-वर ! विसमा पन्जा अओ तुम चिट्ठ चडउ सेस-जणो। लहहिसि पुन्नं संबो व्व भावओ इह ठिओ वि तुमं ॥ तो रन्ना पट्टविया पहुणो पूया पहाण-जण-हत्थे । तत्थ ठिएणावि सयं गुरु-भत्तीए जिणो नमिओ ॥ अह जिण-महिमं काउं अवयरिए रेवयाओ सयल-जणे । चलिओ कुमारवालो सत्तुंजय-तित्थ-नमणत्थं ॥ पत्तो तत्थ कमेणं पालित्ताणंमि कुणइ आवासं । अह कुमरनरिंदो हेमसूरिणा जंपिओ एवं ॥ पालित्ताणं गामो एसो पालित्तयस्स नामेण । नागज्जुणेण ठविओ इमस्स तित्थस्स पुजत्थं॥ पुहइ-पइहाण-भरुयच्छ-मन्नखेडाइ-निवइणो जं च । धम्मे ठविया पालित्तएण तं कित्तियं कहिमो॥ सत्तुंजयमारूढो राया रिसहस्स कुणइ गुरु-भत्तिं । सो पासायं दद्रूण विम्हिओ जंपिओ गुरुणा ॥ बाहड-महत्तमेणं उद्धरिओ एस तुह पसाएण । तिहुयण-भरणुचरिउ व्व पुंजिओ सहइ तुज्झ जसो॥ तो उत्तरि सत्तुंजयाओ निय-नयरमागओ राया। उजिंते नेमिजिणो न मए नमिओ त्ति झूरेइ ॥ जंपइ सहा-निसन्नो सुगम पहं गिरिम्मि उजिते । को कारविउं सक्को ?, तो भणिओ सिद्धवालेण ॥ प्रष्ठा वाचि प्रतिष्ठा जिनगुरुचरणाम्भोजभक्तिगरिष्ठा __ श्रेष्ठानुष्ठाननिष्ठा विषयसुखरसास्वादसक्तिस्त्वनिष्ठा । बंहिष्ठा त्यागलीला स्वमतपरमतालोचने यस्य काष्ठा
धीमानाम्रः स पद्यां रचयितुमचिरादुजयन्ते नदीष्णः॥
Jain Education International
For Private & Personal Use Only
www.jainelibrary.org
