________________
३२
जसहरचरिउ
[ १. २७.१६वरु गयउ ताम वइरियदुगेज्झि उज्जेणिणामणयरीहि मज्झि । णयरीतवंगि थिउ हरिसजुत्त णारीयणु पेक्खइ एयचित्तु । सलहइ किं रइ कि मयणु एहु जसहरु संपत्तउ मायगेहु । सीसेण णविय पुत्तेण माय अमयमइ देवि तहं णवइ पाय । सुण्हा पेक्खेप्पिणु रूवजुत्त चंदमइ तुह इह चंदवत्त । जसहरु परिणेविणु दिवभोउ मुंजइ भज्जइ सहुँ जणियमोउ । चिंतइ जसोहु हउँ रायकण्ण परिणावेसमि सइँ पंच अण्ण । जं वासवसेणिं पुव्वि रइउ तं पेक्खिवि गंधव्वेण कईंउ । परिणाविउ सुललियतणुभुआउ राएण पंच पत्थिवसुआउ । गयकाले पइहरि तहिं णिवेण दप्पणयलि मुंहु जोवंतिएण । घत्ता-ससहरकिरणुज्जलु पिक्खिवि कुंतलु चिंतिउ रइसवत्तिमहणु ॥
दोहग्गहँ रासिष्ट महु जरदासिन हा किं किउ केसग्गहणु ॥२७॥
२५
२८
तारुण्णि रण्णि दड्ढें खलेण उन्गि लग्गि कालाणलेण । सियकेसभारु णं छारु घुलइ थेरहो बलसत्ति व लाल गलइ । थेरहो पावि णं पुण्णसिहि वयणाउ पयट्टइ रयणविहि। जिह कामिणिगइ तिह मंद दिहि थेरहो लट्ठी वि ण होइ लट्ठि । हत्थहो होंती परिगलिवि जाइ किं अण्णविलासिणि पासि ठाइ । थेरहो पयाई ण हु चिक्कमंति जिह कुकइहिं तिह विहडेवि जति । थेरहो करपसरु ण दिठु केम कुत्थियपहु विणिहयगामु जेम । थेरहो जरसरिहि तरंगएहिं धोइउ तणुलोणु अहंगएहिं । घत्ता-सत्त वि रज्जंगई तणुअटुंगई कासु वि भुव णि ण सासयई ।।
तउ केरिवि असंगई दह धम्मंगई पालमि पंचमहन्वयइं ॥२८॥
इय भणिवि मज्झु किउ पट्टबंधु णं दीणहँ चामीयरणिबंधु कंदप्पसप्पदप्पावहारि मई मुणिउ कर गविजइल्लियाई चउवण्णु चारु तइयाइ सिट छु
- २९
णं बंधुसहासें णेहबंधु । णं परणरणाहहँ बाहुबंधु । हुउ जणणु परमजिणमग्गचारि । अप्पउ विज्जाइ पहिल्लिया। दंडिं दंडिउ उदंडु दुट छु।
५. PB रायगेहु । ६. AB तहो । ७. AB मणि 1 ८. A कहिउ । ९. PBT अणुहुंजियसिवेण । २८.१. ST अण्णणियबिणि । २. चरमि: A चरिवि । २९. १. PBT विज्जल्लियाइ।
Jain Education International
For Private & Personal Use Only
www.jainelibrary.org
