Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 87

जसहरचरिउ
[ १.१८.१९सवित्तोपउत्तं
पसाहेह वत्तं । मुसावायचत्तं
अयं इत्थ पत्तं ।। सरज्जा पभट्ठो
पुराओ पणट्ठो। रिऊणं भयाओ
पमोत्तु पयाओ। तुमं राय उत्तो
ण किं को वि धुत्तो। पुरं मज्झ पत्तो,
सढो गूढगत्तो। इमी कस्स धूया
कुलाणंदभूया। अमाणं णवाणं
जुवं माणवाणं। घराओ पउत्थं
किमत्थं वउत्थं । सिसूणं पि सिक्खा सिसूणं पि भिक्खा। सिसूणं पि दिक्खा : गुणेसुं परिक्खा। महाअब्भुयं भो
महाअब्भुयं भो। घत्ता-अम्हारउ पुरवरु छुहपंकियधरु किं आयउ कुमरीश सहुं॥ भणु दुरियखयंकरु सवणसुहकर सकहतरु भो कुमर महुँ ॥१८॥
१९ ता णरवइणो हरिसं जणियं उत्तमसावयवइणा भणियं । अंधे णटुं बहिरे गीयं
ऊसरछेत्ते वैवियं बीयं । संढे लग्गं तरुणिकडक्खं
लवणविहीणं विविहं भक्खं । अण्णाणे तिव्वं तवचरणं
बलसामत्थविहीणे सरणं । असमाहिल्ले सल्लेहणयं
णिद्धणमणुए णवजोठवणयं । णिब्भोइल्ले संचियदविणं णिण्णेहे वरमाणिणिरमणं । अवि य अपत्ते दिण्णं दाणं
मोहरयंधे धम्मक्खाणं । पिसुणे भसणे गुणपडिवण्णं रणे रुण्णं वियलई सुण्णं । घत्ता-जो जिणपडिकूलहो मत्थइ सूलहो गुरु परमागमु भासइ ॥ सो वयणई सुद्धई णं घयदुद्धइँ सप्पहो ढोइवि णासइ ॥१९॥
२० मुच्छं गइ दिज्जइ सलिलु पवणु उवसंतहो किज्जइ धम्मसवणु । किं सुक्के रुक्खें सिंचिएण अविणीयं किं संबोहिएण । कह राय महारी धम्मविज्ज । उत्तमपुरिसहँ सवणिज्ज पुज्ज । तं णिसुणिवि मणि उवसंतु राउ वारिउ भंभाभेरीणिणाउ । चामुंडचंडडिंडिमु रसंतु
वारिउ किलिकिलिकलयलु महंतु णिम्मुक्कु भीमु हिंसाविणोउ। थिउ णिच्चलु णिहुय उ सयंलु लोउ। । ण चलई ण वलइ णं लेप्पि विहिउ णं भित्तिहिं चित्तयरेण लिहिउ । ता पभणइ अभयरुई सुवाय देवाणं पिय भो णिसुणि राय । दिउ णिसुणउ अणुहूई जं पि आयण्ण हि णरवइ कह मि तं पि । एत्थ स्थि अवंती णाम विसउ महिवहु मुंजाविउ जेण विसउ ।
६. I पवाहेह । ७. ST omit अयं इत्थ पत्तं । ८. AB कुमरीहि । १९.१.S महिवइणो । २. BT च इयं. ३. S अवत्ते: B अवित्ते । ४. T वियलियसन्न । ५. S ढोयवि । २०.१. ABST सव्वु । २. S चबइ। ३. Pणं लेवविहिउ। ४. S कि पि. ।
१०