Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 81

जसहरचरिउ
[ १. १३. १२घत्ता-पालियजिणदिक्खहिं गच्छहुँ भिक्खहि भणिवि णवेवि णियच्छियउ ।
तेहिं गुरु परमेसर हयवम्मीसरु खुल्लयजुयलिं पुच्छियउ ॥१३॥
१४
णाणालक्खणचच्चियगत्तं
पहसियवत्तं कयकरपत्तं । पंकैयणेत्तं पालियवित्तं
जिणपयभत्तं विसयविरतं । कलिमलचत्तं सुयणविरत्तं
दयसंजुत्तं उत्तमपत्तं। धम्मासत्तं गुरुणा मुक्कं
सगुणगुरुक्कं जियमयचक्कं । अहिमाणिकं रुइरहियक्त
पुरवहिढुकं कम्मविमुक्कं । बालयजुयलं दह्र विमलं
धुणियं कमलं लवियं समलं । णरणियरेणं खग्गकरेणं पावपरेणं कडुयसरेणं । एयं मिहुणं परमं गहणं
सुहसंगहणं दुणिम्महणं । चारुकरग्गं रुवसमग्गं
विहिवसभग्गं मारणजोग्गं । मयउलविलए णैच्चियविलए महियलतिलए देवीणिलए।
घत्ता-इय तेहि भणेप्पिणु भिउडि करेप्पिणु सयणुकिरणमालाफुरिउ । तं सिसुजुयलुल्लउ तिहुवणि भल्ल उ रूसिवि करपल्लवि धरिउ ॥१४॥
१५ तं जणभयजणणं सिरणिल्लुणणं णाऊणं । कयजीवविमई मारणसई सोऊणं ।।। अभयरुइकुमारो णिज्जियमारो थिरु चवइ । सुकियहलवेल्ली णियबहिणुल्ली संठवइ । मा बीहसु कण्णे अज्ज पवण्णे मरणदिणे । हिययं अविवंकं गयखयसंकं ठवसु जिणे ॥ छिंदउ तणुचम्म भिंदउ वम्म रसवसउ । भक्खउ जंगलयं चंउ गलयं रक्खसउ ।। घुट्टउ कीलालं खंडउ सीलं जइ ण मुणी। ता होइ पसिद्धो देवो सिद्धो अद्वगुणी॥ किं कुणइ रउद्दो राओ खुद्दो असुहरणं । अम्हाण अछम्मो जिणवरधम्मोसहि सरणं ।। ता भणियं तीए चंद मुहीए कयपुलयं । प. उत्तं जुत्तं जं जिणसुत्तं णिम्मलयं ॥ अवरोप्परु खंतई संतई दंत. दमियाइं । दुइमि भवकद्दमि जं चिरु णिरसमि भमियाइं ॥ मइँ हियएं धरियं ण हु वीसरियं तं खणु वि।।
एवहिं अवगण्णमि जीविउ मण्णमि ण उ तणु वि ।। ६.T ता। १४.१. This line and the two following ones are arranged in Mss in various
ways, the wording being the same | २. T भावसमग्गं । ३. T णिच्छियणिलए। १५.१. AB सिरु । २. T सुक्कय । ३. STB अज्ज । ४. AS चप्पउ । ५. T तइ। ६. ST दइवें
होतई। ७. AB णिस्समि; S णिसमे । ८. B हियइ पधरियं ।
___www.jainelibrary.org