Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 75

जसहरचरिउ - भो भो णिवकुलकुवलयमयंक दुव्वारवइरिवारण असंक।
माँ णिसुणहि णियपरिवारवयणु णिस्संकि लब्भइ गयणगमणु । जइ देविपुज्ज आगमिण उत्त जइ जुयलजुयल जीवेहि जुत्त । णहयर थलयर जलयर अणेय पसुपक्खिमिहुण बहुवण्णभेय । जइ णरमिहुणुल्लउ अवयपुण्णु देवीमंडउ तुहुँ करहि पुण्णु । तुह एम करंतहो बलिविहाणु हउँ तृसमि तुर्ह चंडियसमाणु । ता तुज्झ होइ खेयरियसत्ति विज्जाहर सेवहिं अतुलसत्ति । तुह खरिंग वसइ जयसिरि सछाय अमरत्तु होइ तह अजर काय । घत्ता-इउँ सयलु सुणेवि कउलायरिएं जं भणिउ ।
खगविज्जालाहु अवसि होसइ मई मुणिउ ।।७।।
ता रायहो चित्ति चमक्कु जाउ दिढु होएप्पिणु कजाणुराउ । णिच्छउ अणेण जं कहि उ मज्झु तं करमि जइ वि करणहँ असज्झ । आढत्तु तलारहँ किंकराहँ वलियहँ जमैदूअभयंकराहँ । पसुपक्खिमिहुण आणेहु सज्ज देवीमंडउ पूरेहु अज्ज ! अहियारियाहँ कहियउ विसेसु एयहो जोईसहो धणु असेसु । सुपयच्छहु भत्तिभरेण णवहु उप्परि आयहो सियछत्तु तडहु । जं किं पि चवइ तं करहु आसु जिह होइ मज्झु पुण्णाहिलासु । रहसिल्लु राउ हिंसाहिणंदु उवएसिं कलहो हुवउ णंदु । अइकूरदुरग्गहगहिउ जेण कज्जु व अकज्जु वावरइ तेण । जो होइ मिच्छमयगहिउ सहिउ ण वि मण्णइ सो बुहयणहिं कहिउ । जह अंधु ण णियइ कुमग्गमग्गु जह जलु धोरणिकि उ तहिं विलग्गु । जह करिहि सुंड चउदिसिहि वलइ तह णरवइमणु पेरियउ चलइ । इम मारिदत्तु परिहरिवि सव्वु जोईसहो वयणि विलग्गु भन्दु । हिंसा जीवहँ संसारसरणि जीवहँ अहिंस सुह कम्मधरणि । गंधव्वु भणइ मइँ कियउ एउ णिवजोईसहो संजोयभेउ । घत्ता-अग्गइ कइराउ पुप्फयंतु सरसइणिलउ ॥
देवियहि सरूउ वण्णइ कइयणकुलतिलउ ।। ८॥
९
वेयालकालमग्गिय मिसाहि तण्णेयरदाहिणुल्लियदिसाहि ।। तहो रायहो केरी वइरिमारि कुलदेवय णामि चंडमारि । उरयलि विलुलियणरमुंडमाल सिसुससिसममुहदाढाकराल । फणिबद्धदीहलंबिरथणाल
तइयच्छिविणिग्गयजलणजाल । ३. B omits मा। ४. B णिस्संकें। ५. B जुवलजुयल । ६. B बहुवण्णि । ७. B अवइपुण्णु ।
८. Bहं। ९. B इय । १०. B अवसें। ८. १. AB तो। २. B होएविणु। ३. B जम इव । ४. B कवलहो । ५. B जाणइ ।
६. B. कुमग्गु मग्गु । ७. B जिह जलि । ८. B. तहिमि लग्गु । ९. P. सुंडु ।। ९. १. T तं नयरह। २. T दाहिणिल्लिय। ३. T वेरिमारि । ४. AB उरयल । ५. AB रुंड ।
www.jainelibrary.org.