Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 73

जसहरचरिउ
[१.६.३वहुसिक्खहिं सहियउ डंभधारि घरि घरि हिंडइ हुंकारकारि। सिरि टोप्पी दिण्ण रवण्णवण्ण सा झंपवि संठिय दोणि कण्ण । अंगुलदुतीसपरिमाणु दंडु हत्थे उपफालिवि गहइ चंडु । गलि जोगवट्ट सजिउ विचित्त पाउंडियजुम्मु पइ दिण्णु दित्तु । तडतडतडतडतडत डियसिंगु सिंगग्गु छेवि किउ तेण चंगु । अप्पिं अप्पहो माहप्पु दप्पु अणउंछिउ जंपई थुणइ अप्पु । महु पुरउ पर्स प्पिय जुय चयारि । हउँ जरई ण घिप्पमि कप्पधारि । णल णहुस वेणु मंधाय जे वि महि अँजिवि अवरइँ गयई ते वि । मई दिट्ठ रामरावण भिडंत संगामरंगि णिसियर पडंत । मइँ दिट्ठ जुहिट्ठिलु बंधुसहिउ दुज्जोहणु ण करइ विण्हकहिउ । हउँ चिरजीविउ मा करहु भंति हउँ''सयलहँ लोयहँ करमि संति । हउँ थंभमि 'रविहि विमाणु जंतु चंदस्स जोण्ह छायमि तुरंतु । सव्वउ विजउ महु विप्फुरंति बहु तंत मंत अग्गइ सरंति । इय जंपंतहो तहो जाय वत्त सा मारिदत्तकण्णंतु पत्त । जायउ कोऊहलु रहसजुत्तु दीसइ झडत्ति एरिसउ पत्तु । पेसियउ महल्लउ गुणवरिट्ट गउ तेण भइरवाणंदु दिट्ठ । आएसु करेविणु भणइ मंति तुह दंसणि रायहो होई संति । सिग्घउ गउ जहिं ठिउ णरवरिंदु सहमज्झि परिट्ठिउ णं उविंदु । दिट्ठउ जोईसरु णरवरेण
सीहासणु मेल्लिउ रहसिरेण । संमुहु जाएविणु धरणि पडिउ दंडु व्व दंडपणिवाउ णडिउ । आसीसिउ णरवइ भइरवेण हउँ भइरउ तुट्ठउ णियमणेण । उच्चासणि बइसाविवि तुरंतु सलहणहँ लग्गु तहो पइ पडंतु । तुहुँ देव सिट्ठिसंहारकारि तुहुँ जोईसरु कुलमग्गचारि । तुहुँ चिरजीविउ जं हुवउ किं पि पयडहि जे होसइ कज्जु तं पि । तुहुँ महु उप्परि साणंदभाउ "वियरहि हो सामि महापसाउ । घत्ता-जोईसरु मणि तुट्ट उ चिंतइ दुट्ठउ इंदियसुहु महु पुज्जइ।
जं जं उद्देस मि तं मुंजेसमि आएसु हु संपज्जइ ॥६॥
(ala
१६
ता चवइ जोई महु सयल रिद्धि विप्फुरइ खणंतरि विज्जसिद्धि । हउँ हरणकरणकारणसमत्थु हउँ पयडु धरायलि गुणपसत्थु । जं जं तुहुँ मैग्गहि किं पि वत्थु तं तं हउँ देमि महापयत्थु । पप्फुल्लवयणु ता चवइ राउ महु खेयरत्तु करि विहियछाउ । तुह खेयरत्तु हउँ करमि बप्प परमोवएसु जइ णिव्वियप्प । ३. B हुंकारिकारि । ४. B सिरटोप्पी । ५. B अप्फालिवि। ६. B पावडिय । ७. AB add before this line बहुवियपासियउवएसदुठ्ठ चलघुम्ममाणु परलोयभठ्ठ । ८. B जं सइ। ९. B समप्पिय । १०. P चिरु। ११. B सव्वहं । १२. B रविह। १३. B कण्णंति ।
१४. B पय । १५. PB चिरु । १६. B विरयहि । ७.१. PA राय । २. B मंगहि ।