Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 71

जसहरचरिउ
[ १. ४.९जहिं धवलमंगलुच्छवसराई दुतिपंचसत्तभोमई घराई। णवकुंकुमरसछडयारुणाई विक्खित्तदित्तमोत्तियकणाई। गुरुदेवपायपंकयवसाई
जहिं सव्वई दिव्वई माणुसाई। सिरिमंतई संतई सुत्थियाई जहिँ कहिँ मि ण दीसहिं दुत्थियाई । जहिं णिच विजयदुंदुहिणिणाउ तहि मारिदत्तु णामेण राउ।
घत्ता-कोवग्गि जलियहिं परमंडलियहिं जो खंडइ अहिमाणसिह ।
जसु गिहिघडधारिणि आणाकारिणि वियरइ सिरि घरदासि जिह ॥४॥
चाएण कण्णु विहवेण इंदु रूवेण कामु कंतीण चंदु। दंडे जमु दिण्णपयंडघाउ
परबल दुमदलण-बलेण वाउ । सुरकरिकरथोरपयंडबाहु
पञ्चंतणिवइमणि दिण्णदाहु । भसलउलणीलधम्मिल्लसोहु सुसमत्थभडहँ गोहाण गोहु। गोउरकवाडअइविउलवच्छु
सत्तित्तयपालणु दीहरच्छु । लक्खणलक्खंकिउ गुणसमुद्दे सुपसण्णमुत्ति घणगहिरस । विण्णाणणाणतेएण तरणि
पर णिवइ ण बुज्झइ धम्मसरणि । तहो वुड्ढ हूव जससेस सव्व संठिय जे तरुण सरंतगव्य । हिंडइ समवयसभडेहिं जुत्तु परिपक्कबुद्धि एक्कु वि ण पत्तु । जोव्वणमउ सिरिमउ जेत्थु फार वटुंति तेत्थु बहलंधयार । कहिं दीसइ तहिं सुहमग्गु सारु बुहरवियरेहिं विणु विहिउ चारु । कइया वि तुरइ आरुहि वि भमइ धर दिवि खरखुरखण्णु कमई । कइया वि हत्थि चडि रमइ रंगि अंकुसण भमाडइ विविहभंगि । वणि भमइ कील उच्छल्ल चित्त रमणीहि पओहर णियइ चित्तु । वल्लीमंडवि कामिणिसमाणु रइसुहं मुंजइ रइबद्धठाणु । पुण कक्खि जाइ सुणहहिं समग अवलोयइ मयसयरह मग्ग । कइया वि पुरउ गिजं व गीउ अप्पुणु गायइ रहसिं अभीउ । णञ्चावइ घरिणि धरेवि तालु वजउ वज्जावइ पुणु णिवालु । छंदें विरजइउ करइ कम्म _ विणु बुहयणेहिँ कहिँ लहइ धम्मु । घत्ता-तहो रज्जु करतहो जणु पालंतहो मंतिमहल्लहिँ परियरिउ ।
एत्तहिं रायउरहो धणकणपउरहो संपत्तउ कउलायरिउ ।।५।।
२०
तिह जगह भयाउलु अलियरासि भइरउ अहिहाणि सव्वगासि । तहिं भमइ भिक्खअरु देइ सिक्ख अणुगयहँ जणहँ कुलमग्गदिक्ख ।
५. S भउमई; T भूमी । ६. S दिट्ठई। ७. T णिच्चु । ८. S घरि दासि । ५.१.STB परबलदलणबलेण वाउ । २. Portion beginning with this line and ending
with कडवक 8, is, curiously enough, omitted in S. As well as in T.। ३. B समह ।
४. B सोहु । ५. B करइ। ६. B रइसुह । ७. B अप्पणु । ८. B घरणिहिं । ९. B परिवरिउ । ६. १. PA जगडइ राउल । २. PA अहिणामि ।