Page Text
________________
जसहरचरिउ
[ १. २. १०जय मल्लि मल्लियादामगंध जय मुणिसुव्वय सुव्वयणिबंध । जय णमि णमियामरणियरसामि जय णेसि धम्मरहचक्कणेमि । जय पास पासछिंदण किवाण जय वड़ढमाण जसवढमाण । घत्ता-इय जाणियणामहि दुरियविरामहि परिहिवि णवियसुरावलिहिं ।
अणिहणहि अणाइहि समियकुवाइहि पणविवि अरहंतावलिहिं ।।२।।
पुणु पभणमि जसहरणिवचरित्तु वइयरविचित्तु जं जेम वित्तु । बहुदीवमहण्णवमंडलिल्लि.. इह तिरियलोइ मयसंकडिल्लि । वित्थिण्णण जंबूंदीवि भरहे खरकिरणकरावलिभूरिभरहे। जोहेयउ णामि अत्थि देसु णं धरणिय धरियउ दिव्ववेसु । जहिं चलई जलाई सविब्भमाई णं कामिणिकुलइँ सविब्भमाई। भंगालई कुकइत्तणाई
जहिं णीलणेत्तणि ई तणाई। कुसुमियफलिय इँ जहिं उववणाई णं महिकामिणिणवजोव्वणाई । गोवाल मुहालुंखियफलाई
जहिं महुरई णं सुकयहो फलाई। मंथररोमंथण चलियगंड
जहिं सुहि णिसण्ण गोमहि सिसंड । जहि उच्छुवणई रसदंसिराइँ णं पवणवसेण पणञ्चिराई। जहिं कणभरपर्णविय पिर्क सालि जहिं दीसइ सयदलु सदलु सालि । जहिं कणिसु कीररिंछोलि चुणइ गहवइसुयाहि पडिवयणु भणइ । छोकरणरावरंजियमणेण
पहि पउ ण दिण्णु पंथियजणेण । जहिं दिण्णु कण्णु वणि मय उलेण गोवालगेयरंजियमणेण । जहिं जणेधणकणपरिपुण्ण गाम पुर णयर सुसीमाराम साम ।
घत्ता-राय उरु मणोहरु रयणंचियघरु तहिँ पुरवरु पवणुद्धयहिं ॥ चलचिंधहि मिलियहिँ णहयलि घुलियहिं छिवइ व सग्गु सयं भुअहिं ॥३॥
जं छण्णउ सरसहि उववणेहिँ कयसद्दहिं कण्णसुहावरहि गयवरदाणोल्लिय वाहियालि सरहंसइँ जहिं णेउररवेण जं विभुयासिवरणिम्मलेण पडिखलियवइरितोमरझसेण णं वेढि उ वहुसोहम्गभारु जहिं विलुलियमरगयतोरणाई
णं विद्धउ वम्महमग्गणेहिं । कणइ व सुरहरपारावएहिं । जहिं सोहइ णं पवसियपियालि । मउ चिकमंति जुवईपहेण । अण्णु वि दुग्गउ परिहाजलेण । पंडुरपायारिं णं जसेण । णं पुंजीकयसंसारसारु । चउदारई णं पउराणणाई।
५. S जयवड्ढमाण । ६. B परहवि । ३.१. ST इय । २. S। जंबुदीवभरहे। ३. P भंगालय । ४. T णिद्धतणाई। ५. T सुक्कय ।
६. SB सुहुणिसण्ण; T सुहणिसण्ण । ७. SB पणमिय; T विणमिय। ८, P पक्क । ९. T कण
धणभर । १०. S 3 सणीलाराम । ११. PB पवणुधुएहिं । १२. P सयंभुएहिं । ४. १. T सुहावणेहिं । २. PB चिरु। ३. S चिक्कमंति; T विक्कवंति। ४. ST पवराणणाई ।
Jain Education International
For Private & Personal Use Only
www.jainelibrary.org
| SR No. | 001841 |
| Book Title | Jasahar Chariu |
| Original Sutra Author | Pushpadant |
| Author | Parshuram Lakshman Vaidya, Hiralal Jain |
| Publisher | Bharatiya Gyanpith |
| Publication Year | 1972 |
| Total Pages | 320 |
| Language | Apbhramsa |
| Classification | Book_Devnagari & Story |
| File Size | 22 MB |