SearchBrowseAboutContactDonate
Page Preview
Page 211
Loading...
Download File
Download File
Page Text
________________ १४६ २५ जसहरचरिउ [४. २४. १२संवेयाउरु णियमणि झूरइ दिक्ख लेमि किं रजिं पूरइ । संसारासारत्तु मुणेविणु लइय दिक्ख वइराउ करेप्पिणु । रायदोस विण्णि वि संदाणिय तिव्वतवेण काय अवमाणिय । सो वइधव्वु दियंबरु जायउ एत्तहि तासु पुत्तु गुणराइउ । रज्जि बइठ्ठ महारिउमद्दणु हुउ गंधव्वसेणु घणसंदणु । रायरिद्धि पिउपट्टि णिसण्णउ हयगयरहवरपयपरिपुण्णउ । विझसिरी हुय मासोवासिणि भयवंतायमभावपयासिणि । घत्ता-इक्कईया तेण गंधव्वेण णियखंधारहिं जुत्तउ । कय जत्त पवित्त णिम्मलचित्तु पिउरिसिपासि पहुत्तउ ॥२४॥ संणासि परिहिउ दिट्ट साहु पुत्तहो खंधारु णिएवि साहु । रिसिवयहो पहावि होइँ सिद्धि ता होउ मज्झु एरिसिय रिद्धि । तुसकंडखंडु संगहिउ तेण रयणोहु पमेल्लि उ णिग्गुणेण । मरिऊण तेत्थु उज्जेणि पत्तु जसबंधुररायहो हुयउ पुत्तु । णामि जसोहु जसपूरियासु णिवपट्ट णिबद्धउ भालि तासु । जा विझसिरी भयवंतपाय आराहिवि सोसिवि णिययकाय । कयण्हाण मरेविणु तत्थ आय अजियंगरायघरि पुत्ति जाय । चंदमइ णाम अइमंदमेह परिणिय जसोहराएं सुणेह । तहो पुत्तुप्पण्णउ जसहरक्खु परिवारहो पोसणु कप्पविक्खु । जसहरहो रज्जु देविणु जसोहु किउ तउ बारसविहु चइवि मोहु । संण्णासु कियउ सुसमाहिजुत्तु बंभोत्तरसग्गि जसोहु पत्त । जा णिवसुय थिय मंतीहि सुण्ह सा देवररत्तिय सुरयतण्ह । रइविंभल चत्थरि रयइ जाम णियदइएं दिट्ठिय दुह ताम । पिक्खेवि विरत्तउ णारिसंगि गउ णिज्जणवणि जइवरहँ संगि । जिणदिक्ख लेवि जायउ णिसंगु तवचरणु चरइ जियसत्तु चंगु । चारित्तु चरिवि चिरु छड्डि काउ चंदमइहि गम्भि जियारि जाउ । हुउ जसहरु राउ जसोहतणउ जणणि जंपिउ जिं कियउ अणउ । णिवसुयविलसिउ सुणि रामु मंति वउ बंभचेरु किउ णिसुणि कंति । किं किउ कुकम्मु सुण्हाइ केम ता चंदलेह व उ गहइ तेम । बंभवएण दिढ मरिवि ते वि विज्जाहरगिरिउप्पण्ण वे वि। गंधव्वलच्छिकविसिट्रकम्म आयणिवि णिदिवि तियह जम्म । गंधव्वसेणु गिण्हेवि दिक्ख जिणमग्गहो केरी परमसिक्ख । अणसणु णिव्वाहिवि किउ णियाणु तुहुँ मारिदत्त सो अप्पु जाणु । घत्ता-णिसुणहि हो राय अण्णु कहतरु जणभरिय ।। मिहिलाउरि रम्म धणकणकणयसमावरिय ।।२५।। ४. A इक्कइया सो वि गंधवो वि । २५. १. A किं कियउ कम्मु । २. A गुणभरिय । Jain Education International For Private & Personal Use Only www.jainelibrary.org
SR No.001841
Book TitleJasahar Chariu
Original Sutra AuthorPushpadant
AuthorParshuram Lakshman Vaidya, Hiralal Jain
PublisherBharatiya Gyanpith
Publication Year1972
Total Pages320
LanguageApbhramsa
ClassificationBook_Devnagari & Story
File Size22 MB
Copyright © Jain Education International. All rights reserved. | Privacy Policy