Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 157

जसहरचरिउ
[ ३. १७. १
दुवई-तणियडम्मि रत्तपत्तंचिउ हयपरतावदुक्खओ।
__सीयलु सोमु रम्मु णं णरवइ सहइ असोयरुक्खओ ॥१॥ दारियघोरचोरपरयारिं हिंसायारिं तेण तलारि । तहो तलि पविमलसिलहिं णिविट्ठउ झाणारूढऊ मुणिवरु दिउ । दोआसावंधणपरिचुकर
रायदोसदोदोसहि मुक्कउ । धरियतिमुंडु तिदंडविहंडणु छिण्णतिसल्लु तिलोयहु मंडणु । हयगारवति उ तिरयणभूसणु चउकसायसिप्पीरहुआसणु । चउसण्णाविसेसणिण्णासणु पचसंमिदिसब्भावपयासणु । पंचासवदारहँ कयसंवरु
पंचमहन्वयभारधुरंधरु । पंचमीसु पंचमगइसामिउ पंचाचारमहापहगामिउ । थिरु छज्जीवणिकायदयावरु सत्तभेयभयतिमिरदिवायरु । अहदुट्ठमयणिट्ठवणायरु
अट्ठमपुहविवासजाणायरु । अट्ठसिद्धगुणसंजोइयमणु
णवविहबंभचेरूँ जो बंभणु । दह विहु धम्मलाहु जि लद्धउ दहपाणक्खउ जेण णिसिद्धउ । घत्ता-एयारहपंडिमउ सावयहँ जेण वियारिवि उत्तियउ ।।
उद्धरिय जेण बारह वि तव तेरह चरिय विहत्तिय उ ॥१७।।
१८
दुवई-जो मयमोहलोहकोहाइरिऊण रणम्मि दुम्महो ।।
जो तवचरणकरणजालावलिदड्ढधगत्तिवम्महो ॥१॥ तं पिच्छिवि सो तलवरु रुहउ चिंतइ दुट्ट धिट्ठ पाविट्ठउ । विट्टलु णग्गउ दुक्ख छित्तउ थत्ति महारी दूसिवि थक्कउ । दीसइ ताम जाम अवेसउणउ । णिववणाइ णिद्धाडमि सर्वणउ । कित्तिउ णियमणि दूमिउ अच्छमि ___ कवडिं किं पि अपुच्छिउ पुच्छमि । जं जिह भासइ तं तिह दूसमि करिवि णिरुत्तर पच्छइ रूसमि । किं पि अर्जुत्तु दुरुत्त पबोल्लमि अवसवणउ णीसारिवि घल्लमि । इय सुमरंतिं मायावंति
वंदिउ साहु णिरिककयंतिं । तहिं अवसरि तहु जोउ समत्तउ जाणतेण वि पिसुणु अभत्तउ । आसीवाउ दिण्णु भयवंतिं धम्मबुद्धि तुह होउ भणंतिं । णियगुणु मोक्खु पयडु संपज्जउ सुहु संभवउ भंति तुह भजउ । घत्ता-णउ जिंदइ मच्छरु विच्छरइ ण पसंसइ वड्ढइ हरिसु ॥
समतणकंचणहँ महारिसिहि सत्तु वि मित्तु वि समसरिसु ।।१८।।
१७ १. वारिय। २.ST णिच्चल। ३. S T परिचक्कउ। ४. S T चक्कउ। ५. P कय ।
६. A समिइ । ७. S T जायणपरु । ८.S वंभचेरि । ९. T पडिमा। १८. १. ST दप्पिट्ठउ । २. AP अवसवणउ । ३. A खवणउ । ४. ST करमि । ५. ST दुरुत्तु अजुत्तु ।
६. ST अवसणु णीसारेप्पिणु । ७. ST omit this line and P gives it in second hand.