________________
जसहरचरिउ
[ ३. १५. ५जीवरासिखंडिराई एत्थ तत्थ हिंडिराई। चोरमारए रएण
राइणो तलारएण। दूरमुक्कसंसएण
दो वि चंडयम्मएण । दिट्ठयाइँ आणियाई हत्थफंसमाणिया। ढोइयाइँ पत्थिवरस पुठवजम्मणंदणस्स। रूवरिद्धिभायणेहि णेहणिद्धलोयणेहिँ। वारवार जोइया
तेण तं णिरूवियाइँ। उत्तिमाई लक्खियाई मेमेणे परिक्खियाई। तंबचूलडिंभयाई पीययंगणंभयाई। ताम तुज्झ मंदिरम्मि संक्संतु सुंदरम्मि। एयरहिं जायएहिं
दिण्णणक्खघायएहिं। रोसिरेहिं पत्तिएहिं पुत्तएहि णत्तिरहिं। वाहियंघियारएहिँ भूघुलंतगत्तएहि । उद्धकंठ केसरेहिं
रत्तणेत्तभासुरेहि। उड्डिरेहिँ रंगिरेहिं विभम पयासिरेहि।
जुज्झिरेहिं कीलिहीमि जुझियाई पिच्छिहीमि । घत्ता-ता णिसुणिवि णरवइणियमविहि भिच्चई ठवियइँ णियभवणे ॥
गय रयणि तित्थु पंजरि ठियइँ सुप्पहाइ जहिँ राउ वणे ॥१५॥
दुवई-तत्थ णियाइँ दो वि दाहिणमंदाणिलचलियदुमदलं ।।
___दिलु वणमणेयखयरावलिकलरवजणियकलयलं ॥१॥ झरंतसच्छविच्छुलंभणिज्झरं भरंतरूंदकुंडकूवकंदर। ललंतवेल्लिपल्लवोहकोमलं मिलंतपक्खिपेक्खलक्खचित्तलं। सिणिद्धरुक्खपुप्फरेणुपिंजरं फलोवडंतवुक्करंतवाणरं । दिसाचरंतजक्खकिंकिणीसरं लयाहरत्थकीलमाणकिणरं । वहूपलित्तगेयमोहिएणयं
णहोयरंत देवयाविमाणयं । सिलायलासणत्थसिद्धखेयर गहीरपंकलोलमाणसूअरं । णरिंददंतिदंतभिण्णचंदणं
पुरंधिचित्तहारदित्तवंदणं । पढंतकीररिच्छसद्दपेसलं
मरालियाणुगामिबालपाडलं । तुसारफारफेणरासिसेयओ वण म्मि तम्मि राइणो णिकेयओ। धत्ता-तहो पंगणि मंडउ पडरइउ पंचवण्णु किंकिणिमुहलु ।।
तहिं अम्हइँ पंजरएण सहुँ ठवियइँ णं जममुंहकवलु ॥१६॥ १५. १. T सण्णएण । २. मम्मणे । ३. AT पीइएं गएं भयाइं । ४. AP एययाण । ५. AST add :
"णित्त (T णेत्त ) रत्तधारएहिं ( A adds efter it णिठ्ठरापहारएहिं ) चंचुघायघुम्मिरेहिं सेयतोय- तिम्मिरेहि, but P erased this by means of हरिताल । ६. T णिच्च । १६. ST दोहिं वि । २. ST लक्खपक्ख । ३. ST जममुहि कवलु ।
Jain Education International
For Private & Personal Use Only
www.jainelibrary.org
