Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 151

जसहरचरिउ
[३.११ ९.. कोढिणितणु वणपूएं लित्ती तो वि ण मासहो उवरि विरत्ती। वेयधम्मवेहावियमाणसु तमतमपहमहि जाइ सतामसु । तिव्वई वेयणाई हउँ कंपमि जाणंतु वि पसु काइँ पयंपमि । तिहिँ पायहिं उन्भुन्भउ अच्छमि मेकरंतु दस दिसउ णियच्छमि । को आसंघमि किह किर गच्छमि सरणु ण को वि बप्प तहिं पेच्छमि । एत्थंतरि अण्णेक्कु कहाणउ
आयउ णिसुणहु दुक्खणिहाणउ । घत्ता-जा छाली होइवि तत्थ मुय भुंजिवि मायरि पावफलु ।।
सा सिंधुविसइ महिसिहि उअरि हूँई महिसउ भीमबलु ॥११।।
१२
दुवई-सो वणिभंडभारु पवहंतु पुरं पुणरवि समागओ।
सिप्पासरिसरम्मि जा मज्जइ दीहरपहसमाहओ ॥१॥ असिधररायपुरिसपरिरक्खिउ सीयलु सलिलु पियंतु णिरिक्खिउ । खुरिहिं हणंतु वारि परिओसि जाइसहावसमुब्भवरोसिं। उढिवि सिंगग्गेण वियारिउ रायतुरंगु तेण तहिं मारिउ । सो किंकरहिं धरिवि णिउ तेत्तहिं अच्छइ गरवइ जसवइ जेत्तहिं । सविसाणेहिं देव णिहारिउ
एण तहारउ हरि संघारिउ । एहु सदोसहु पहु मारिज्जइ राएं भणिउ सणिउ मारिजइ । जेम ण जाइ जीउ लहु एयहु तुरयणिहणयारिहि कुविवेयहु । तेम जियतु जियंतु अमित्तउ पयसु पयसु सूवारु पउत्तउ । तं णिसुर्णवि सूवारिं घोरिं णासारंधि विणिग्गयदोरिं। पुरुहुँतउ बद्धउ मुहु कढिवि पच्छाहोंतउ पुंछु समोडिवि । संखलाहिं चउपासहिं तालिउ पेट्टहु हेहि हुआसणु जालिउ । चलसिहिजालावलिहि जलंतहु णीणिराजीहह विरस रसंतह । खारउ तिक्खउ कडुयउ आणिउ अग्गइ ठवियउ तियडुयपाणिउ । घत्ता-तं पीयउ तण्हासोसि प्रण विरसंतहो' वम्मइँ हयई ।।
तेणंतई बहुमलपूरियई पच्छिमदारिं णिग्गयई ॥१२॥
१३
दुवई-जहिं जहि सिज्जमाणु सो सिज्जइ तहिं तहि वप्प छिज्जए ।
णामेण जियाहि सपउत्तें वरसोत्तियहँ दिज्जए ।॥१॥ कंदंतु वेयणइँ णिम्मुक्कताणाइ दासेण गहिऊण भूमीसराणाइ । अहमवि णिहित्तो वि पाणे हरंतम्मि इंगालपुंज म्मि धगधगधगंतम्मि। देभंकहत्थेण पित्तण चित्तण तिक्खेण सत्येण छित्तण छित्तूण ।
५. ST वेयधम्मवेहाविउ माणुसु । ६. ST बेकरंतु । ७. ST पुणु वि मुय । ८. ST महिसउ हूयउ । १२. १. T समागउ । २. ST read असिधर....रक्खि उ after सीयलु....णिरिक्खिउ ।
३. S जसवइ गरवइ । ४. ST संहारिउ । ५. AST भणु कि किज्जइ । ६. A तुरयारिहि एयहि ।
७. T विणिग्गयडोरि । ८. A उरुहुंतउ। ९. ST मुसट्टिवि । १०. ST ढोइउ । ११. P विरसंतई । १३. १. A दभंगहत्थेण ।