Jasahar Chariu

SR No.: 001841
Original Sutra Author: Pushpadant
Author: Parshuram Lakshman Vaidya, Hiralal Jain
Publisher: Bharatiya Gyanpith
Publication Year: 1972
Total Pages: 320
Language: Apbhramsa
Classification: Book_Devnagari & Story
File Size: 22 MB

Page 147

[ ३.७.९
जसहरचरिउ पारद्धिडे जाइवि मलु संचिवि काणणु गिरवसेसु परियं चिवि । मिगु ण लहतिं पडिआवंतिं तं जोइवि कुसुमावलिकति । तिक्खखुरुपि खणि दोहाविउ छावर जीवमाणु अवलोइउ । घत्ता-दोणि वि दोखंडी हुयई ताई मयाइँ रुवंत ।
गब्भासइ महु अवलोइयई अटुंगई कंपंत. ॥७॥
दुवई-उअरं फालिऊण विभइएं हउँ राएण कढिओ।
अप्पिउ अयवइस्स सुणु ससिमुह तें कालेण वढिओ ॥१॥ तहिं सेवमि अण्णाणपवित्तिउ मायासससुआउ णियणत्तिउ । पडझडविहडाहियजूहाहिउ हउँ जावच्छमि ता वसुहाहिउ । देविहि अग्गई भणइ भडारिश महिसासुरवरदेहवियारिण। करि पारद्धिलाहु महु भयवइ तुह बलि महिस देमि हरिवरगइ । ता तहु वणि संपण्णउ मयवहु घरि आयउ पुणु पुण्णमणोरहु । तहिं थिर थोर महिस मारेप्पिणु पुज्जिय मासरसोइ करेप्पिणु । ता हउँ आणाविउ सूआरि मासखंडु जं सुणहिं घोरिं । उचिट्ठउ जं तं मई सुंघिउ सुज्झइ णासापवणिं लंघिउ । अच्छमि बद्धउ दीहें डोरें
णं भवभयकयकम्में घोरें। बंभण भुंजाविय महिणाहिं मासरसयघयखीरपवाहिं । घत्ता-परमेसरि सूलकवालधरि महिसामिसवसरुहिरपिय ॥
कंचाइणि पीणिजउ भणिवि राएं परिवाएवि दिय ।।८॥
दुवई-अण्णेक्कहिं हयारिपलकवलपथिप्पिरतुप्पधारयं ॥
दाउं भोज मज सुअ बहुरस विणिहयछुह वियारयं ॥१॥ कंकणाई णाणापरिहाण
दिण्णई गोदाण. भूदाणई। पुणु भासिउ राएण पसत्थहु पावउ महु बप्पहा सग्गत्थहु । दढरज्जुअपरिवेढियगत्ति
मुक्खातण्हासिहिपरितत्तिं । मई संचिंतिउ णिरलंकारिं विहवत्तणवजियसिंगारिं । अंतेउरणारियणें सवें
दिण्णु पिंडु पुत्तेण विगठवें । पासत्थहु जं कि पि वि णावइ सग्गत्थहु तं किरे कहिं पावइ। सँहुँ माउच्छियाहिं तहिं मुंजइ पुत्तु महारउ सयण. रंजइ । हउँ अंतेउरु सयलु णियच्छमि अमयमई पियरिणि ण पेच्छमि । णियणासउडि करग्गु णिउत्तउ ता एक्कई लंजियई पउत्तउ ।
२. A पारद्धिहिं । ३. S मउ; T मृगु । ४. AST पुणु णियडीहूएं ।। ८.१. A विभइयं; T चितइयं । २. T पुण: S मणि । ३. T omits this line; P gives this
line and the following in second hand. ४. भवभवकयकम्में। ५. T परिवारें वंदिय । ९. १. S संतत्तें । २. S कहिं किर ।३. T सहिमाउलियाई; A सहुं माउच्छएहिं ।