________________
[३. २.३
जसहरचरिउ उजलम्मि कोमलम्मि तत्थ सच्छविच्छुलम्मि। संचरंतु हं तरंतु मीणमंडलं गिलंतु। ताउ माउपण्णएण दंतपंतिभिण्णएण। पुत्वयालि मे हएण तम्मि रण्णए मएण। बद्धघोरकम्मरण
लद्धवारिजम्मएण। सुंसुमारहूयएण . सुसुमारियासुएण। दंतएहिं पीलिऊण
णक्खएहि फालिऊण | जीव हणियच्छिओ मि खाइउं समिच्छिओ मि । ता णईसमागयाइँ सोमउंजुअंगयाइँ घग्घरावलीरवाई
णीरकीलणुच्छवाई। चारुचीरसोहियाई संपयाविलोहियाइँ। दिव्वगंधवासियाई हारदोरभूसियाई। साविणोय सियाई खुज्जयाई वावणाई। तोयमज्झए तरंति णिव्वुडेवि उच्छलंति । जा रमति ण्हंति थंति एंति जति संभवति ।
एकमेक सिंचयंति पंजलीहिँ के घिवंति । घत्ता-ता तेत्थु तरंतु तरंतु जले एक एक णिसुंभियउ ।।
खंज्जुल्लिय अम्ह उवरि पडिय दिट्ठउ दइयवियंभियउ ।।२।।
दुवउ-सा धरिया गेलेण जलवइणा हउँ मुक्कउ पणट्ठओ ॥
जममुहकुहरणित भयवेविरु सरिविवरं पइट्टओ ।।२।। गोमि गीसामिणीमाणिणीमाणओ धाविया किंकरा बोल्लिओ राणओ। मज्जमाणा समाणा तए पुजिया देव कीलाविलासुजिया खुजिया। घित्त गाहेण गाहेण णिव्वट्टिया आमिसालुद्धएणं मुहावट्टिया । ता रुसा कंपियं राइणा जंपियं एरिसं विप्पियं कस्स होही पियं । सूअरा संवरा मुक्कदोसा वणे मेसया मारिया भूय भीसावणे । रुद्धसिप्पासरो खद्धणारीणरो एस दोसायरो णेमि वारीयरो। दंडिणो मंदिरं लोयणासुंदरं अग्गिजालाघरं भासुरं भीयरं। वुत्तुमेयं सकोहो सजोहो सरि झत्ति पत्तो णिवो वाहिऊणं हरिं । तेण केवट्टविंदं समाणत्तयं
तस्स सहेण फुट्ट व लोयत्तयं ।
२. १. ST ताव । २. A सुंसुमारओ हुएण; ST संसुआरहूयएण । ३. T सिंसुमारिया। ४. A जाम हं
णियच्छिऊण....समिच्छिऊण । ५. ST भाइणाई। ६. PST omit तोय ...उच्छलंति । ७. PST
omit एक्कमेक्क सिंचयंति । ८. T खुज्जल्लिय। ३.१. AST बलेण । २. जलबलिणा with note जले बलं यस्य । ३. T णियंत । ४. AT
विलासुज्जया। ५. A भरि । ६. S खद्धणारीणरो रुद्धसिप्पासरो। ७. S अग्गिजालाहर: A अग्गिजालाउलं।
Jain Education International
For Private & Personal Use Only
www.jainelibrary.org
