________________
जसहरचरिउ
[२. ३०.१
३० जीवाहारें परिवढियउ
पावें सहँ देहु वि वढियउ । महु जायउ पिंछकलाउ किह वरपंचवण्ण मणिमाल जिह । अवलोइवि मेरी रूवसिरि तलवरु पभणइ उज्जेणिपुरि । जायवि इहु ढोयमि जसवइहि जसहरतणयहो कीलोरइहि । ता एत्तहिं महु पियपत्तियहे महुमहपयपंकयभत्तियहे । दियखद्धसेसमासासणिहे
मुक्कग्गहारदियसासणहे । अणवरयई पुजियदेवयहे
बलिदिण्णछिण्णमिंढयसयहे । गंगासरिसलिलपवित्तियहे सीसेण णवियगहसोत्तियहे । अयहरिणघवियपियरुल्लियहे प्रिंदियमुणिवरचरणुल्लियहे। घत्ता-उज्जेणिहिं सुहजोणिहिँ विसरसमुच्छियकायहे ॥
मंदमइहे चंदमइहे गयउ जीउ महु मायह ॥३०॥
बलवंतहि पवणजउद्धरिहि । सा केण वि कम्में कुक्कुरिहि । चलकुडिलकुलिसकक्कसणहरु हरिणयणुग्गामियकरपसरु । सिरि वलइयचलवालहिं चवलु दीहररोमावलिजडिलगलु। उरि गरुयउ पच्छई वित्थरिउ णं विहिणा मज्झि मुट्ठि धरिउ । पिंगलविलोलभासुरणयणु
बहुसूअरकुलघंघलवयणु । जमपुरकरवत्तदंतडसणु
हूई करहाडणयरि भसणु । राणी वि पवण्णी सुणहँ भउ परु किं पि ण मण्ण इ लच्छिलउ। सो आणिउ पाहुडु जसवइहे जिह तिह णिव हउँ मि पावमइहे। बिण्णि वि एक्कहिं दिणि दरिसियई महु सुयहु सुअंगई हरिसियई। हत्थे परमत्थे जोइयइं
पुणु दो वि तेण पोमाइयई। घत्ता-णिउणउ विहि एहउ सिहि किह विरइउ मणरावउ ॥
___ कमलच्छिहि वणलच्छिहि णावइ केसकलावउ ॥३१।।
भल्लु वि भल्लउ महु आवडइ कंचाइणिसीहहु अभिडइ। रहु वोउवेउ हरिणु वि छिवइ वेएं धावेप्पिणु मुहुँ घिवइ । एयहो हरिकिडि वि ण उठवरइ किं अण्णु को वि अग्गइ सरइ। हउँ घरमंडणु पवियप्पियउ सोणइयहो सो वि समप्पियउ ।
तिं सो अकंडमच्चुं गलए बद्धउ चामीयरसंखलए। ३०. १. ST इह । २. AST कोलणरइहि । ३. A एत्तहु । ४. S omits मुक्कग्गहार....देवयहे ।
५. A छेल । ६. ST समुहे । ७. T omits सीसेण णविय....पियरुल्लियहे। ३१. १. ST पहरु। २. S मुट्ठिमज्झि; T मज्झु मुट्ठिधरिउ । ३. P जिह तिह हउं वि; A जिह सो तिह
हउं मि । ४. ST परिमट्टई। ३२. १. ST महु भल्लउ। २. ST वाउदेव ।
Jain Education International
For Private & Personal Use Only
www.jainelibrary.org
