Page Text
________________
६२ ! उपशमनाकरणम
[ गाथा-३० (२) ततः प्रतिपद्यमानस्थानान्यसंख्येयगुणानि । (३) ततोऽप्रतिपाताऽप्रतिपद्यमानस्थानान्यसंख्यातगुणानि । (४) तीव्रमन्दताप्ररुपणा-अथ तीव्रतामन्दतेऽधिकृत्याऽल्पबहुत्वमुच्यते(१) तत्र देशविरतस्य मनुष्यस्य जघन्य प्रतिपातस्थानमल्पम् ।
सर्वसंक्लिष्टस्य मनुष्यस्य देशविरतेश्वरमसमये तदनन्तरसमये मिथ्यात्वं प्रतिपत्स्यमानस्य संभवज्जघन्यप्रतिपातस्थानम् । तच्च सर्वमन्दलब्धिम्थानम् । (२ ततो देशविरतस्य तिरश्च जघन्यं प्रतिपातस्थानमनन्तगणम् ।
मिथ्यात्वाऽभिमुखस्य संक्लिष्टस्य देशविरतस्य तिरश्वो देशविरतिचरमसमये घटमानं जघन्यं प्रतिपातस्थानं भवति । तच्च पूर्वतोऽनन्तगुणम् ।
(३) ततो देशविरतस्य तिरश्च उत्कृष्टं प्रतिपातस्थानमनन्तगुणम् । देशविरतस्य मनुष्यस्य तत्प्रायोग्यसंक्लिष्टस्याऽनन्तर समयेऽविस्तसम्यक्त्वगुणस्थानकं गमिप्यतो देशविरतिकालचरमसमये संभवदुत्कृष्टं प्रतिपातस्थानं भवति. तच्च पूर्वतोऽनन्तगुणम् ।
(५) ततो मनुष्यस्य जघन्यं प्रतिपद्यमानस्थानमनन्तगणम् ।
देशसंयतस्य मनुष्यस्य मिथ्यात्वगुणस्थानकतः सम्यक्त्वेन सह देशविरतिं प्रतिपद्यमानस्य तत्प्रथमसमये संभवजघन्यं प्रतिपद्यमानस्थानं भवति । तच्च पूर्वतोऽनन्तगुणं भवति ।
(६) ततस्तिरश्चो जघन्यं प्रतिपद्यमानस्थानमनन्तगुणम् ।
देशविरतस्य तिरथो मिथ्यात्वतः मम्यक्त्वदेशसंयमौ युगपदभिगच्छतस्तत्प्रथमसमये घटमानं जघन्यं प्रतिपद्यमानस्थानं भवति । तच्च पूर्वतोऽनन्तगुणं वर्तते ।
(७) ततस्तिरश्च उत्कृष्ट प्रतिपद्यमानस्थानमनन्तगुणम् ।
देशविरतस्य तिरश्वोऽविरतसम्यक्त्वगुणस्थानकतो देशविरतिं प्राप्नुवतस्तत्प्रथमसमये संभवदुत्कृष्टं प्रतिपद्यमानस्थानं भवति । तच्च पूर्वतोऽनन्तगुणं विद्यते ।
(८) ततो मनुष्यस्योत्कृष्ट प्रतिपद्यमानस्थानमनन्तगुणम् ।
देशविरतस्य मनुष्यस्याऽविरतसम्यक्त्वतो देशविरति लभमानम्य तत्प्रथमसमये घटमानमुत्कृष्टं प्रतिपद्यमानस्थानं संभवति । तच्च पूर्वतोऽनन्तगुणं भवति ।
(९) ततो मनुष्यस्य जघन्यमप्रतिपाताऽप्रतिपद्यमानस्थानमनन्तगुणम् ।
देशविरतस्य मनुष्यस्य मिथ्यात्वतः सम्यक्त्वेन सह देशविरतिं प्रतिपन्नस्य तद्वितीयसमये घटमानं जघन्यमप्रतिपाताप्रतिपद्यमानस्थानं भवति । तच्च पूर्वतोऽनन्तगुणमस्ति ।
Jain Education International
For Private & Personal Use Only
www.jainelibrary.org
| SR No. | 001832 |
| Book Title | Karmaprakrutigatmaupashamanakaranam |
| Original Sutra Author | Shivsharmsuri |
| Author | Gunratnasuri |
| Publisher | Bharatiya Prachyatattva Prakashan Samiti |
| Publication Year | |
| Total Pages | 332 |
| Language | Sanskrit, Prakrit |
| Classification | Book_Devnagari & Karma |
| File Size | 9 MB |