________________
३६
समाध्य-चूणिके निशीथसूत्रे
! मूत्र-२
आयरियो भणति - हे चोदक ! पायरिसहाया सव्वागमा भवंति जेण पढिज्जति ॥५२५१॥
णिउणो खलु सुत्तत्थो, न हु सको अपडिबोहितो नाउं।
ते सुणह तत्थ दोसा, जे तेसिं तहिं वसंताणं ॥५२५२॥ णिउणो ति सुहुमो सुत्तत्थो, सो य पायरिएण पडिबोहितो गजति, अण्णह ण णजति, जे अगोयत्याणं तहिं वसंताणं दोसा ते भण्णमाणे सुणसु ॥५२५२॥
अग्गीया खलु साहू, णवरं दोसा गुणे अजाणता ।
रमणिजभिक्ख गामे, ठायंती उदगसालाए ॥५२५३।।
अगीयसाधू साधुकिरियाए जुत्ता णवरं - सदोसणिद्दोस-वसहिअणुणवणे दोसगुणे ण याणंति, प्रजयणाए अणुण्णवणे दोसा, जयणाणुण्णवणाए य गुणा । सदोसाए य कारणे ठिया जयणं काउंण याणंति जे य तत्थ दोसा उप्पज्जति ।।५२५३॥
"रमणिज्ज" पच्छद्ध अस्य व्याख्या -
रमणिज्जभिक्ख गामो, ठायामो इहेव वसहि झोसेह ।
उदगघराणुण्णवणा, जति रक्खह देमि तो भंते ! ।।५२५४।।
अगीयस्थगच्छो दूइज्जंनो एगत्थ गामे बाहि ठितो, भिक्खा हिंडिया पभूता इट्ठा य लद्धा, ताहे भणंति- “एस रमणिनो गामो, भिक्खा य अस्थि, प्रत्येव मासकप्पविहारेणऽच्छिहामो, वसहि झोसेह धम्मकहि" ति । तेहि उदगसाला दिट्ठा, तं अणुण्णवेत्ता उदगघरसामिणा भणिता - "जति उदगं घरं वा रक्खिस्सह तो मे देमि" त्ति ॥५२५४॥ किं च ते गिहत्था भणति -
वसहीरक्खणवग्गा, कम्मं ण करेमो णेव पवसामो ।
णिचिंता होह तुमं, अम्हे रत्तिं पि जग्गामो ॥५२५॥
"उदयघरादिरक्खवावडा प्रम्हे किसिमादि कम्म पि ण करेमो, ण य प्रामंतणादिसु गामंतरं पि पवेसामो" । ताहे भगीयत्था भणंति - "णिच्चिंतो होहि तुम, अम्हे रति पि जग्गिस्सामो” ॥५२५५।। इमा वि अणुण्णवणे अविधी चेव -
जोतिस निमित्तमादी, छंदं गणियं च अम्ह साहित्था । '
अक्खरमादि व डिंभे, 'गाहेस्सह अजतणा सुणणे ॥५२५६॥ जति प्रणण्णविज्जते वसहिसामी भणति - 'जति जोइसं निमित्तं छदं गणियं वा अम्हं कहेस्सह, "उिभ' ति डिभरूवं तं प्रक्खरे गाहिस्सह. प्रादिसद्दातो अण्णं वा किं चि पावसुत्तं वागरणादि।"
__ एत्य साधू जति पडिसुणेति - "कहेस्तामो सिक्खावेस्सामो वा" तो अणुण्णवणे अजयणा कया भवति ॥५२५६॥
१ गाहिजह।
Jain Education International
For Private & Personal Use Only
www.jainelibrary.org
