________________
भाष्यगाथा ५७४६-५७५८]
षोडश उद्देशकः
अणुयाणे अणुयासी, पुप्फारुहणाइ उक्खिरणगाई।
पूयं च चेतियाणं, ते वि सरज्जेसु कारति ॥५७५४॥ अणजाणं रहजत्ता, तेसु सो राया अणुजाणति, भडचडगसहितो रहेण सह हिंडति, रहेसु पुष्फारुहणं करेति, रहग्गतो य विविधफले खज्जगे य कवडगवत्थमादी य उक्खिरणे करेति, अन्नेसि च चेइयघरट्ठियाणं चेइया पूयं करेंति, ते वि रायाणो एवं चैव सरज्जेसुकारावेंति ॥५७४७॥ इमं च ते पच्चंतियरायाणो भणंति -
जति मं जाणह सामि, समणाणं पणमधा सुविहियाणं ।
दम्वेण मे ण कज्ज, एयं खु पियं कुणह मज्झ ॥५७५।। गच्छह सरज्जेसु, एवं करेह ति ॥५७५५।।
वीसज्जिता य तेणं, गमणं घोसावणं सरज्जेसु ।
साहूण सुहविहारा, जाया पच्चंतिया देसा ॥५७५६॥ तेण संपइणा रण्णा विसज्जिता, सरज्जाणि गंतु अमाघातं घोसंति, चेइयघरे य करंति, रहजाणे य । अंवदमिलकुडक्कमरहट्ठता एते पच्चंतिया, संपतिकालातो पारब्भ सुहविहारा जाता।
संपतिणा साधू भणिया - गच्छह एते पच्चंतियविसए, विबोहेंता हिंडह।
ततो साधूहिं भणियं - एते ण किंचि साधूण कप्पाकप्पं एसणं वा जाणंति, कहं विहरामो ? ।।५७५६।। ताहे तेण संपतिणा
समणभडभावितेसुं, तेसुं रज्जेसु एसणादीहिं । .
साहू सुह पविहरिता, तेणं चिय मद्दगा ते उ ॥५७५७॥ समणवेसधारी भडा विसज्जिया . बहू, ते जहा साधूण कप्पाकप्पं तहा तं दरिसंतेहि एसणसुद्धच भिक्खग्गहणं करेंतेहिं जाहे सो जणो भावितो ताहे साधू पविट्ठा,तेसि सुहविहारं जातं, ते य भद्दया तप्पभिई जाया ॥५७५७।।
उदिण्णजोहाउलसिद्धसेणो, स पत्थिवो णिज्जितसत्तुसेणो । ___ समंततो साहुसुहप्पयारे, अकासि अंधे दमिले य धोरे ॥५७५८॥
उदिण्णा संजायबला, के ते?,जोहा, तेहिं पाउलो-बहवस्ते इत्यर्थः। तेण उदिण्णाउलत्तणं सिद्धा सेणा जस्स सो उदिण्णजोहाउलसिद्धसेणो । उदिण्णजोहाउलसिद्धसेणत्तणतो चेव विपक्खभूता सत्तुसेणा ते निज्जिया जेण स पत्थिवो णिज्जियसत्तुसेणो सो अंघडविडाईसु प्रकासि कृतवान् सुहविहारमित्यर्थः ॥५७५८॥ जे भिक्खु दुगुंछियकुलेसु असणं वा पाणं वा खाइमं वा साइमं वा पडिग्गाहेइ,
पडिग्गाहेंतं वा सातिज्जति ॥२०॥२७॥
Jain Education International
For Private & Personal Use Only
www.jainelibrary.org
