________________
३०८
सभाष्य-चूणिके निशीथसूत्रे
[ मूत्र-६२
जई ताव सावताकुलगिरिमंदरविसमकडगदुग्गेसु । साधिंति उत्तिमटुं, धितिधणियसहायगा धीरा ॥३६१२।। किं पुण अणगारसहायएण अण्णोण्णसंगहबलेण । परलोइयं ण सक्कइ, साहेउं उत्तिमो अट्ठो ॥३६१३॥ जिणवयणमप्पमेयं, महुरं कण्णाहूति सुणेतेणं । सक्का हु साहुमज्झे, संसारमहोयहिं तरिउं ॥३६१४॥ सव्वे सव्वद्धाते, सव्वणू सव्वकम्मभूमीसु। सव्वगुरू सव्वहिता, सव्वे मेरुम्मि अभिसित्ता ॥३६१॥ सव्वाहि व लद्धीहिं, सव्वे वि परीसहे पराइत्ता। सव्वे वि य तित्थगरा, पाओवगया तु सिद्धिगता ॥३६१६।। अवसेसा अणगारा, तीतपदुप्पण्णणागता सव्वे । केई पाओवगया, पच्चक्खाणिगिणिं केइ ॥३६१७।। सव्वाअो अज्जातो, सव्वे वि य पढमसंघयणवजा । सव्वे य देसविरता, पच्चक्खाणेण उ मरंति ।।३६१८॥ सव्वसुहप्पभावातो, जीवियसारातो सव्वजणितातो ।
आहारातो ण तरणं, ण विज्जती उत्तिमं लोए ॥३६१६॥ विग्गहगते य सिद्धे, मोत्तुं लोगम्मि जत्तिया जीवा । सव्वे सव्वावत्थं, आहारे हुंति उवउत्ता ॥३६२०॥ तंसारिसगं रयणं, सारं जं सव्वलोगरयणाणं । सव्वं परिचयित्ता, पाओवगता परिहरंति ॥३६२१।। एवं पाओवगम, णिप्पडिकम्मं जिणेहि पण्णत्तं ।
जं सोऊणं खमतो, ववसायपरक्कम कुणइ ।।३६२२।। ( २३ ) सारण -
केई परीसहहिं, बाउलिउवेतणुड्डतो वा वि! अोभासेज्ज कयाती, पढम बितियं च आसज्ज ॥३६२३॥ गीयत्थमगीयत्थं, सारेत्तुं मतिविसोहणं काउं । तो पडिबोहिय (छ) अट्ठा, पढमे पगयं सिया बितियं ॥३६२४||
Jain Education International
For Private & Personal Use Only
www.jainelibrary.org
