Page Text
________________
माणगाथा २८५८-२८६० ]
दशम उदेशक:
भण्णति -
उज्जेणी णाम णगरी। तत्थ य 'गद्दभिल्लो' णाम राया ! तत्थ 'कालगज्जा' णाम आयरिया जोतिस-णिमित्त-बलिया। ताण भगिणी रूववती पढमे वए वट्टमाणी गद्दभिल्लेण गहिता। अंते पुरे छूढा । अबकालगा विण्णवेंति, संघेण य विण्णत्तो ण मुचति ।
ताहे रुट्ठो अज्नकालगो पइण्णं करेति- “जइ गद्दभिल्लं रायाणं रज्जानो ण उम्मूलेमि, तो पवयण-संजमोवग्घायगाणं तमुवेक्खगाण य गतिं गच्छामि" |
ताहे कालगज्जो कयगेण उम्मत्तली भूतो तिग-च उक्क-चच्चर-महाजणट्ठाणेसु इमं पलवंतो हिंडंति - “जइ गद्दभिल्लो राया तो किंमतः परं ।
जइ वा अंतेपुरं रम्मं तो किमतः परं । विसो जइ वा रम्मो तो किमतः परं। सुणिवेट्टा पुरी जइ तो किमतः परं । जइ वा जणो सुवेसो तो किमतः परं । जइ वा हिंडामि भिक्खं तो किमतः परं । जइ सुण्णे देउले वसामि तो किमतः परं"
एवं भावेउं सो कालगज्जो पारसकुलं गतो। तत्थ एगो साहि त्ति राया भण्णति, तं समल्लीणो णिमित्तादिएहिं प्राउट्टेति । अण्णया तस्स साहाणुसाहिणा परमरायाणेण कम्हि यि कारणे रुटेणं कट्टरिगा मुद्देउं पेसिया सीसं छिदाहि त्ति, तं प्रकोप्पमाणं यातं सोयं विमणो संजातो।
ताहे कालगज्जेण भणितो मा अप्पाणं मारेहि । साहिणा भणियं - परमसामिणा रु?ण एत्थ अच्छिउण तरइ ।
कालगज्जेण भणियं - एहि हिंदुगदेसं वच्चामो। रण्णा पडिस्सुयं । तत्तुल्लाण य अण्णेसिं पि पंचाणउतीए साहिणा संग्रहण कट्टारियानो मुद्देउ पेसियालो । तेण पुग्विल्लेण या पेसिया मा अप्पाणं मारेह। एह वच्चामो हिंदुगदेसं । ते छण्णउति पि सुरटुमागया। कालो य णवपाउसो वट्टइ वरिसाकाले ण तीरति गंतु। छण्णउइं मंडलाइं कयाति (णि) विभत्तिऊणं । जं कालगजो समल्लीणो सो तत्थ राया अधिवो राया ठवितो, ताहे सगवंसो उप्पण्णो। वत्ते य वरिसाकाले कालगज्जेण भणियो-गद्दभिल्लं रायाणं रोहेमो। ताहे लाडा रायाणो जे गद्दभिल्लेण अवमाणिता ते मेल्लेई अण्णे य ततो उज्जेणी रोहिता । तस्स य गद्दभिल्लस्स एका विजा गहिरूवधारिणी अत्यि। सा य एगम्मि अट्टालगे परवलाभिमुहा ठविया। ताहे परमे प्राधिकप्पे गद्दभिल्लो राया अट्टमभत्तोववासी तं अवतारेति । ताहे सा गद्दभी महंतेण सद्देण णादति, तिरिओ मणुप्रो वा जो परबलिच्चो सदं सुणेति स सव्वो रुहिरं वमंतो भयविहलो गट्ठसण्णो धरणितलं णिवडइ।
कालगन्जो य गद्दभिल्लं अट्ठमभत्तोववासिं गाउं सद्दवेहीण दक्खाणं अट्ठसतं जोहाण णिस्वेति - "जाहे एस गद्दभी मुहं विडंसेति जाव य सदं ण करेति ताव जमगसमगं सराण मुह पूरेज्जेह"।
Jain Education International
For Private & Personal Use Only
www.jainelibrary.org
| SR No. | 001829 |
| Book Title | Agam 24 Chhed 01 Nishith Sutra Part 02 Sthanakvasi |
| Original Sutra Author | N/A |
| Author | Amarmuni, Kanhaiyalal Maharaj |
| Publisher | Amar Publications |
| Publication Year | 2005 |
| Total Pages | 498 |
| Language | Prakrit |
| Classification | Book_Devnagari, Agam, Canon, Ethics, & agam_sanstarak |
| File Size | 24 MB |