________________
सभाष्य-चूणिके निशीथसूत्रे
[सूत्र ५७-५८
इमा णिज्जुत्ती
परिसाडिमपरिसाडि य, सागारिय संतियं तु संथारं ।
अविकरणं कातूणं, दूतिज्जंतम्मि आणादी ॥१३१०॥ दोसु सिसिर - गिम्हासु रीइज्जति, दूइज्जति वा, दोसु वा पदेसु रीइज्जति ॥१३१०॥ अधिवकरणे इमे दोसा -
किड्ड तुयट्ट अणाचार णयणे डहणे य होति तह चेव ।
विगरण पासुड्ढं वा, फलगतणेसुं तु साहरणं ॥१३११।। कप्पढगाणं किडणं, तुअट्टणं, थीपुरिसाणं तुयट्टणे अणायारसेवणं वा, अण्णत्थ वा णयणं, डहणं वा, एतेसु चेव जे दोसा पच्छित्तं च पूर्ववत् । फल गस विकरणं पासल्लियं करेति, उड्डे वा करेइ. तणेसु साहरणं, कंबीसु बंधण छोडणं वा ।।१३११।। कि च -
पुंजा पासा गहितं, तु जं जहिं तं तहिं ठवेतव्वं ।
फलगं जुत्तो गहितं, वाघाते विकरणं कुज्जा ॥१३१२॥
जे तणा पुंजातो गहिता ते पुंजे ठवेयन्वा । जे पासातो गहिता ते तहि ठवेयव्वा । जं वा जतो गहियं तं तहियं ठवेयध्वं ति । कंबीमादी फलगं जतो पदेसातो गहितं तं तहि ठवेयव्वं । मासकप्पे वा - पुणे अन्तरा वाघाते उप्पण्णे णयमा विकरणं कायव्वं, ण करेजा वि विकरणं, ण य पावेजा पच्छित्तं॥१३१२॥
बितियपदमधासंथड देसुट्ठाणे व बोहिगादीसु ।
अद्धाणसीसए वा, सत्थो व पधावितो तुरितं ॥१३१३॥ महासंयडं नाम णिप्पकंप पट्टादि । शेषं पूर्ववत् ।।१३१३।। जे भिक्खू पाडिहारियं वा सागारिय-संतियं वा सेज्जा-संथारंय विप्पणटुं
. ण गवसति, ण गवसंतं वा सातिज्जति ।।सू०॥५८॥ वि इति विधीए, प इति प्रकारेण, रक्खिज्जमाणो णट्ठो विपणट्ठो । शेषं पूर्ववत् । . संथारविप्पणासे, वसधीपालस्स मग्गणा होति ।
सुण्णे बाल-गिलाणे, अव्यत्तारोवणा भणिता ||१३१४||
मुत्ते संथारविप्पणासो दिट्टो । सो पुण णासो अरक्खिते संभवति, कुरविखते वा । अतो वसही - पालगस्स मग्गणा कज्जति, सुणं वा वहिं करति, बालं वा वसहीपाल ठवेति ॥१३१४॥ एतेसु पदेसु गणाधिपतिणो आरोवणा भणति -
पढमम्मि य चतुलहुगा, सेसाणं मासिगं तु णाणत्तं । दोहि गुरू एगेणं, चउत्थपदे दोहि वी लहुओ ॥१३१५॥
Jain Education International
For Private & Personal Use Only
www.jainelibrary.org
