________________
भाष्यगाथा १३२-१३८]
पीठिका
५५
इदाणिं थीणद्धी सउदाहरणा भण्णति -
थीणती किमुक्तं भवति । ? भाइ, इदं चित्तं तं थीणं जस्स अच्चंत रसणावरणकम्मोदया सो थीणद्धी भण्णति । तेण य थीणेण ण सो किंचि उवलभति । जहा घते उदके वा थोणे ण किंचिदुवलन्भति । एवं चित्ते वि । इमे उदाहरणा -
पोग्गल-मोयग-दंते, फरुमग वडसाल-भंजणे चेव ।
णिद्दप्पमादे एते, आहरणा एवमादीया ॥१३॥
पोग्गलं मसं । मोयगा मोदगा एव । दंता हत्यिदंता । फरसगो कुभकरो । वडसाला डाली । एते पंचूदाहरणा थीणद्धीए ॥१३॥
पोग्गलवक्खाणं -
पिसियासि पुव्य महिसि, विगिचितं द? तत्थ णिसि गंतुं।
अण्णं हतं खइतं, उवस्सयं सेसयं णेति ॥१३६ ॥
जहा - एगमि गामे एगो कुडुबी । पकारिण य तलियाणि य तिम्मसु य अरणेगसो मंसप्पगारा भक्खयति । सो य तहारूवाण थेराण अंतिए धम्म सोऊण पवतितो। विहरति गामाइमु । तेगा य एगस्थ गामे मंसथिएहि महिसो विकिच्चमाणो दिट्ठो। तरस मांसअहिलासो जायो। सो तेगाभिलासेण अन्वोच्छिण्णेणेव भिक्खं हिंडितो। अव्वोच्छिण्णेणेव भुत्तो। एवं अवोच्छिणेण वियारभूमि गतो। चरिमा सुत्तपोरिसी कता । सभोवासणं' पडिसिया य पोरिसी । तदभिलासो चेव सुत्तो। सुत्तरसेव थीणद्धी जाता। सो उढितो गयो महिसमंडलं । अण्णं हतु भक्खिय । सेस आगंतु उवस्सगस्स उवरि ठवियं । पच्चूसे गुरूण आलोएति “एरिसो सुविरणो दिट्ठो”। साहूहि दिसावलोयं करेंतेहिं दिटुं कुणिमं । जाणियं जहा एस थीणद्धी । थीणद्धियस्स लिंगपारंचियं पच्छित्तं । तं से दिण्णं ॥१३६॥ इदाणिं मोअगो त्ति -
मोयगभत्तमलद्ध, भेत्तु कवाडे घरस्स णिसि खाति ।
भाणं च भरेत्तणं, आगतो आवस्सए वियडे ॥१३७॥ एगो साह भिक्खं हिंडतो मोयगं भत्तं पासति । सुचिरं उ इक्खियं । ण लद्ध। गो जाव तदझवसितो सुत्तो। उप्पण्णा थीणिद्धी । रातो तं गिहं गंतूण भेत्तूण कवाडं मोदगे भक्खयति। सेसे पडिग्गहे घेत्तुमागो । वियडणं चरिमाते, भायणाणि पडिलेहंतेण दिट्ठा । सेसं पोग्गलसरिसं ॥१३७॥ फरुसगे त्ति -
अवरो फरुसगमुंडो, मट्टियपिंडे व छिदितुं सीसे ।
एगते पाडेति, पासुत्ताणं वियडणा तु ॥१३८॥ एगत्थपतिवादगोदाहरणाणं कमो उक्कमो वा ण विज्जतीति भण्णति फरुसगं ।
एगंमि महंते गच्छे कुभकारो पव्वतितो। तस्स रातो सुत्तस्स थीणिद्धी उदीण्णा । सो १ पाउसिया ।
Jain Education International
For Private & Personal Use Only
www.jainelibrary.org
