Shatkhandagama Pustak 15

SR No.: 001814
Original Sutra Author: Bhutbali
Author: Hiralal Jain, Fulchandra Jain Shastri, Balchandra Shastri
Publisher: Jain Sanskruti Samrakshak Sangh Solapur
Publication Year: 1994
Total Pages: 488
Language: Prakrit, Hindi, Sanskrit
Classification: Book_Devnagari, Agam, Canon, & Karma
File Size: 12 MB

Page 472

संतकम्मपंजिया
(९९) गोउच्छगुणगारभूदजोगादो संपहियगोउच्छजोगगुणगारो चउव्विहवडीए हाणीए विदो, तेहितो बंधदव्वस्स एत्थ वडिदंसणादो। किंतु संतगोउच्छविसेसादो एत्तियमेत्तादो| साएदं बंधगोउच्छं चउव्विहवडीए हाणीए वा ट्ठिदं होदि । पुणो तत्थ विसोहिकाले २६ । भुजगारोदयो चेव होदि । कुदो ? तत्थतणोकडणेण जादणिसेयम्मि उक्कड्डणणिसेयं सोहिदे तत्थ जादविसेसादो चउव्विवडि-हाणीए जादजोगणिबंधणसमयपबद्धणिसेयस्स सहिदादो। पुणो सत्त(संत)गोउच्छविसेसं थोवमिदि संकिलेसकाले वि भुजगारं संभवदि । कथं ? मंदसंकिलेसम्स एदस्स जादोक्कडणम्मि णिसेयं (-डुणणिसेयं) उक्कड्डुणणिसेयम्मि सोहिदे तत्थ विसेसादो संतगोउच्छविसेससहिदादो पुव्वं व जोगविसेसेण जादबंधणिसेयमहियगोउच्छसेसं जादमिदि । एवंविहाणेण संसारे केइ-केइजीवाणं भुजगारकालाणसंधाणं पलिदोवमस्सासंखेजदिभागमेत्तं होदि ति उत्तं होदि । जहा सासणसम्म्मादिहिस्स उक्कस्सकालाणुसंधाणं पुणो तव्विवरीदकमेणणुसंधाणेण अप्पदरवेदयकालं पलिदोवमस्स असंखेजदिभागं होदि त्ति वत्तव्वं ।
__ अहवा खविदकम्मंसिओ वा तप्पाओग्गखविद-गुणिदघोलमाणो वा एइंदिये आगंतूण णिरएसुप्पन्जिय तस्सुदयणिसेयजोगगुणगारादो तसाणं उववादजोगं मोत्तूण सेसजोगा एत्थ परिणामिजमामा णा असंखे० गुणा होति । एदेहितो बंधदव्वेणागदणिसेगेहिंतो उदयगोउच्छविसेसा असंखेजगुणहीणं होति त्ति । तदो पहुडि भुजगाराणि चेव होदूग गच्छंति त्ति ताव (जाव)पल्लस्स असंखे० भागकालो नि । तत्तो अहियकालं किं , लब्भदे ? ण, खविद-गुणिदघोलमाणाणं दोण्ह पि सेसेणुव्वरिददव्वादो बंधगोउच्छदव्वं एत्तियमेत्तकालब्भहियं होदि त्तिगुरूवदेसत्तादो। बंधदव्वविवक्खाए एत्तियं चेव कालं होदि मणुसअपज्जत्ताणं व ।
एवमप्पदरम्म वि वत्तव्वं । णवरि गुणिदकम्मंसियो वा तप्पाओग्गखविद-गुणिदघोलमाणो वा णेरडएसुप्पण्णम उदाणसेयजोगगुणगारो जीवजवमज्झादो हेहिमाणंतरम्मि हिदएगजीवगुणहाणिअभंतरम्हि दिजोगेसु अण्णदरेगजोगपमाणं होदि त्ति विवक्खिय पुणो तत्तो हेट्ठिमजोगणेमु परावत्तिय बंधमाणस्स गुणिद-खविदघोलमाणओक्कड डुक्कडणाण विसेसिददव्वाणं पुव्वं व अप्पहाणादो अप्पदरकालं पलिदोवमस्स असंखे० भागं लब्भदि ति वत्तव्वं ।
पुणो अवडिदवेदया० जहण्णेणेयसमय, उक्कस्सेण संखेजसमया । पृ० ३२५.
कुदो ? ओक्कडणगोउच्छं संतगोउच्छविसेससहिदं पुणो ओक्कडणगोउच्छेण बंधगोउच्छसहिदेण सरिसं होदूण वेदजमाणकालं संखेजसमयं होदि त्ति गुरूवदेसादो।
___ एवं सुद-ओहि-मणपजव-केवलणाणावरण-चक्खु-अचक्खु-ओहि-केवलदसणावरणाणं वत्तव्वं ! पुणो णिहाए भुजगारंवेदयकालो अप्पदरंवेदयकालो जहण्णेणेगसमयं, उकस्सेशंतोमुहुत्तकालं । कुदो ? वेदिज्जमाणगोउच्छादो अणंतरवेदिजमाणाणं गोउच्छाणं विचारणं पुव्वं व । तदो भुजगारप्पदरकालपमाणं णिद्दावेदयकालपमाणं चेव होदि त्ति पुव्वं व वत्तव्वं ।
पुणो अवढिदवेदयं जहण्णेणेगसमयं, उक्कस्सेण संखेजसमयं । पृ० ३२५. एदस्सत्थं पुव्वं व वत्तव्वं ।
एवं सेसणिद्दाचउक्काणं सोलसकसायाणं हस्स-रदि-अरदि-सोगाणं भय-दुगुंछाणं वत्तव्वं (पृ०३२६)। किमह हम्स-रदि-अरदि-सोगाणं कमेण उम्मासं, पलिदोवमस्स असंखे० भागमेत्तकालं ण लब्भदे ? ण लब्भदे, एदेसि वेदयकालभंतरे भय-दुगुंछाणं अवेदगो होदूण ट्ठिदो