Page Text
________________
८८ )
परिशिष्ट
घेत्तवाओ। तिरिक्खा उअस्स पुव्वं व तदुविहपयारेणुप्पण्णसमयपबद्धस्स संखज्जदिभागं वत्तव्वं । वेगुब्वियसरीरस्स विगुव्वणमुट्ठाविदसंजदासंजदतिरिक्खस्स संजमासंजमगुणसेढिं भाणिदव्वं । अजसगित्ति-इत्थि-ण सयवेद-उच्चागोदाणं अणंताणुबंधिविसंजोयणगुणसेढिं गहिदूण वत्तव्यं ।
__ कथं तिरिक्खेसु उच्चागोदस्स संभवो? ण, पग्गहेण पग्गहिदस्स होदि त्ति पुव्वमेव परूविदत्तादो।
__ ओरालिय-तेजा-कम्मइयसरीर-तिरिक्खगदि-जसगित्ति-पुरिसवेदाणं ( दाण- )लाभ-- भोग-परिभोग-वीरियंतराइय-भय-दुगुंछ-हस्स-सोग-रदि-अरदि-ओहिणाणावरण--मणपज्जवणाणावरण-ओहिदसणावरण-सुदणाणावरण-मदिणाणावरण-चक्खु-अचक्खुदंसणावरण-संजलणo-णीचागोद०-सादासादांणं दुविहसंजमगुणसे ढि-कदकरणिज्जगुणसेढीए सह तिण्णिगुणसेढीयो होति त्ति वत्तव्वं । णवरि ओहिणाणावरण ०-मणपज्जवणाण-ओहिदंसणा० सुदणाणावरण इदि तत्थ ताव एदेसिं चउण्णं पयडीणं विभंजणकमो उच्चदे--
दसणावरणस्स देसघादिउदयगोउच्छं पुव्वुत्ततिविहगुणसेढिपमाणं तिण्णं देसघादिपयडीणं यथासंभवं विभंजिदे तत्थंतिम ओहिदसणावरणदव्वं होदि । पुणो ओहिणाणावरणखओवसमजुत्तजीवस्स णाणावरणदेसघादिउदयं करेंतपुव्वुत्ततिविहगुणसे ढिगोउच्छं समयपबद्धपरिहीणं मदि-सुद-मणपज्जवणाणावरणेसु जहाकम विभंजिदे तत्थंतिमं मणपज्जवणाणावरणं (ण-) भागं होदि । तदा ओहिणाणावरणादो चउण्णं पयडीणं विभंजणेसुप्पण्णभेदो मणपज्जवणाणावरणं विसेसाहियं जादं। तत्तो ओहिदसणादरणं विसेसाहियं । केत्तियमेत्तेण? समयपबद्धस्स तिभागमेत्तेण । तत्तो सुदणाणावरणं विसेसाहिपं पयडिविसेसेण । सुगमाणि ।
__णवरि एत्थ तिरिक्खाणं सादासादाणं दोण्हं सरिसत्तणं अपज्जत्तकाले सुह-दुक्खाणि तिरिक्वगदीए साधारणा त्ति कारणं वत्तव्वं । अहवा भय-दुगुंछाणं वत्तव्यं । पुणो सूचिदपयडीणं णामस्स तेसि दुष्पयारभागहारसरूवं वा जाणिय वत्तव्वं ।
(पृ० ३१२ ) पुणो तिरिक्खजोगिणीए एवं चेव वत्तव्वं । णवरि सम्मामिच्छत्तप्पहडि जाव थीणगिद्धि त्ति तिरिक्खीण कदमंजमासंजमगुणसेढीयो, मिच्छत्ताणताणुबंधीणं दुविहसंजमगुणसेढीयो। पुणो सम्मामिच्छत्तप्पहुडि जाव सादासादे त्ति पयडीणं अणंताणुबंधीणं विसंजोजणगुणसेढीयो होदि त्ति वत्तव्वं । णवरि वेगुवियसरीर-संजमासंजमगुणसेढी होदि त्ति भाणिदव्वं ।
( पृ० ३१३ ) पुणो मणुसगदोए संभवंतपयडीणं ओघभंगो चेव । णवरि मिच्छत्तप्पहुडि जाव अणंताणबंधिचउक्के त्ति दुविहसंजमगुणसेढिसीसयं, अपच्चक्खाणावर० पच्चक्खाणावर० दुविहसंजमगुणसेढि-दसणमोहक्खवणगुणसेढि त्ति तिण्णं गुणसेढीणं, पयला-णिद्दाणं उवसंतगुणसेढीणं, केवलणाणावरणाणं केवलदसणावरणाणं खीणकसायगुणसेढीणं, पुणो अघादीणं मणुस्सा उगस्स पूव्वं व दुविहपयारे उप्पण्णगोउच्छं, बेगुव्यिय-आहारसरीराणं मंजमगुणसेढीणं , अजसगित्तिणीचागोदाणं दसणमोहक्खवणगुणसेढिसहिददुविहसंजमगुणसेढीणं, छण्णोकसायाणं अपुव्वखवगस्स चरिमसमयम्मि उदयगदगुणसेढीणं, इत्थि-णउंसय-पुरिसवेद-कोध-माण-मायासंजलणाण अणियट्टिगुणसेढीणं उदिण्णाणमुवरुवरि ट्ठिदाणं, ओरालियसरीरप्पहुडि जाव सादासादे त्ति पयडीणमोघपरूविदगुणसेढीणं च गहणं कायव्वं । एत्थ सूचिदपयडीणं सव्वाणं कारणं पुळां व जाणिय वत्तव्वं ।
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |