Page Text
________________
संतकम्मपंजिया
( २७
उत्ते पलिदोवमस्स असंखेज्जदिभागमेत्तस्स उवसमसम्मादिट्ठि उक्कस्सरासिपमाणस्स असंखेज्जदिभागपमाणमिदि घेत्तव्वं ।तं चेदं प ।। एदाणि दो वि वयणाइं सुगमाणि । पुणो णाणाजीवउक्कस्सकालो असंखेज्जगुणो।। २७२२ । इदि कथमेदं परिच्छिज्जदे ? ण, वेदगसम्मत्तपाओग्गमिच्छाइट्ठीदो वा वेदगसम्माइट्ठीदो वा कदाचि उवसमसम्मादिट्ठीणं संभवे संते तेसिं उवसमसम्मादिट्ठीदो वा सम्मामिच्छत्तगहणद्धमंतोमुत्तमंतरिय एगादिए गुत्तरकमेण जीवा णिस्सरंति जाव सम्मामिच्छत्तुक्कस्सदव्वं सगुवक्कमणकालेण खंडिदेयखंडमेतपमाणं तिसु वि पंतीसु पत्तो त्ति । णवरि एगसमयादिअंतोमुत्तमेत्तरं पि संभवदि । किंतु एत्थतणुक्कस्संतरं गहिदं । पुणो एगसमयादुक्कस्सेण आवलियाए असंखेज्जदिभागमेत्तुवक्कमणकालस्स संभवे संते एत्थतणुक्कस्सुवक्क्रमणकालवियप्पं पडिगहिदं। पूणो ताणि परावत्तणसरूवेण णिस्सरिदण सम्मामिच्छत्तं पडिवज्जति । पूणो एगादिएगत्तरवडिढकमेण सम्मामिच्छत्तं पडिवण्णवाराणि वि तेत्तियाणि चेव होति । तदो एदाणि वाराणि तेरासिएण अंतोमहत्तण गणिदे णाणाजीव उक्कस्सकालं सगजीवदव्वपमाणादो असंखेज्जगुणमेत्तपमाणं होदि त्ति संदेहाभावादो। तं चेदं |प २७ ।
२७२२२ पुणो णाणाजीवउक्कस्संतर असंखेज्जगुणमिदि। कुदो ? वेदगसम्मत्तपाओग्गमिच्छाइट्ठिरासीदो एगादिएगुत्तरकमेण ण वेदगसम्मत्तरासिं सगुवक्कमणकाले ण खंडिदेयखंडमेत्तजीवा णिस्सरिदूण वेदगसम्मत्तं पडिवज्जति । पुणो आयाणुसारी वयो होदि त्ति णायादो सम्मत्तादो तेत्तियमेत्ताणि णिस्सरिदूण मिच्छत्तं पडिवज्जति। णवरि दो वि पंतीओ एगादेगुत्तरकमेण जाव सम्मामिच्छत्तं पडिवज्जमाणरासिपमाणं ताव पत्ता ति । एदाणि कमेण सम्मत्त-सम्मामिच्छत्त (?) पुणो मिच्छत्त-सम्मामिच्छत्ताणं साधरणाणि होति । पुणो एत्थतणसम्मत्त-मिच्छत्तपाओग्गजीवाणि सम्मामिच्छत्तगहणपाओग्गजीवसंखादो उवरिमसंखहि णिस्सरिदूण विदजीवेहिं सह परावत्तणसरूवेहि ण बहुवारं पल्लट्ठिय सम्मत्त-मिच्छत्तपडिवज्जणवारकालाणि ताणि होति त्ति । तदो पडिवज्जणवारं तेरासिएण अंतोमुहुतेण गुणिदे सम्मामिच्छत्तविरहिदवेदगसम्मत्त-मिच्छत्ताणं कालाणि होति । तदो ताणि तस्संतरपमाणं होति । पुणो पुव्वुत्तकालादो एदमसंखेज्जगुणपमाणत्तादो | प २७ ।।
| २३३
( पृ० ७४ ) पुणो अंतराणुगमो सुगमो। सण्णिकासाणुगमो वि सुममो।
णवरि सत्थाणसण्णिकासेसु वण्ण-गंध-रसफासाणं सगभेदेसु अण्णदरमुदीरेंतो सेसाणं सिया उदीरयो बिरोहाभावाद्दो, इदि गंथे भणिदं ।
( पृ० ७९) एदेण अण्णदरउदीरणे संते सेसाणं उदीरणं पडिसेहापडिसेहाभावेण किमळं जाणाविदं? उच्चदे- वण्ण-गंध-रस-फासणामकम्माणि स (सा) मण्णावेक्खाए धुवोदयाणि । पुणो तेसिं विसेसावेक्खाए वण्ण-गंध-रसकम्मेसु पुह पुह सग-सगभेदेसु एगेगं पि उदीरिज्जदि, पुणो सगसगसेसपयडीणं एगादिसंजोगेण वि उदीरिज्जति । एवमुदीरणसव्ववियप्पाणिकमेण एक्कत्तीसाणि तिणि एक्कत्तीसाणि होति त्ति जाणविदं । पुणो वि फासस्स चत्तारि जुगलाणि होति त्ति तत्थ एगेगजुगलस्स पुह पुह जोइज्जमाणे एगेगपयडीणं वा दोपयडीणं वा संजोगेहि
Jain Education International
For Private & Personal Use Only
www.jainelibrary.org
| SR No. | 001814 |
| Book Title | Shatkhandagama Pustak 15 |
| Original Sutra Author | Bhutbali |
| Author | Hiralal Jain, Fulchandra Jain Shastri, Balchandra Shastri |
| Publisher | Jain Sanskruti Samrakshak Sangh Solapur |
| Publication Year | 1994 |
| Total Pages | 488 |
| Language | Prakrit, Hindi, Sanskrit |
| Classification | Book_Devnagari, Agam, Canon, & Karma |
| File Size | 12 MB |