________________
॥ कल्याणकलिका.
खं० २ ।।
।। ३३६ ।।
Jain Education International
जिणबिम्बपठ्ठे जे, करिति तह कारविंति भत्तीए । अणुमण्णन्ति पइदिणं, सब्बे सुइभाइणो होंति ॥ ५३ ॥ दव्वं तमेव भण्णइ, जिणबिंबपगुणमि धण्णाणं । जं लग्गड़ तं सहलं, दोग्गइजणणं हवइ सेसं ॥ ५४ ॥ एवं नाऊण सया, जिणवरबिम्बस्स कुणह सुपट्टं । पावेह जेण जरमरण वज्जियं सासयं ठाणं || ५५ || सत्तीए सङ्घपूया, बिसेसपूया य बहुगुणा एसा । जं एस सुए भणिओ, तित्थयराणंतरो सङ्घ ॥ ५६ ॥ गुणसमुदओ य संघो, पवयण तित्थन्ति होइ एगड्डा । तित्थयरोवि य एवं, नमए सुहभावओ चेव ||५७ || तप्पुब्विया अरया, पूइयपूया य विणयकम्मं य । कयकिच्चो वि जह कहं, कहेइ नमए तहा तित्थं ॥ ५८|| एयंमि पूइयंमि, नत्थि तयं जं न पूइयं होइ । भुवणेवि पूयणिज्जं न पुण ठाणं जओ अन्नं ॥ ५९ ॥ तप्पूयापरिणामो, हंदि महाविसयमो मुणेयब्वो । तदेसपूयणम्मि वि, देवयपूयाइ नाएण || ६० || आसन्न सिद्धियाणं, लिंगमिणं जिणवरेहिं पन्नत्तं । संघमि चेव पूया, सामन्नेणं गुणनिहिम्मि ॥ ६१ ॥ एसा य महादाणं, एस चिय होइ भावजन्नति । एसा गिहत्थसारो, एसच्चिय सम्पयामूलम् ||६२|| एईए फलं एयं परमं निव्वाणमेव नियमेण । सुरनरसुहाई अणुसंगियाई इह किसिपलालं व ॥ ६३॥ कयमेत्थ पसंगेणं, उत्तरकालोइयं इहाऽण्णं पि । अणुरूवं कायव्वं, तित्थुन्नकारगं नियमा ||६४ || जइओ जणोवयारो, बिसेसओ णवर सयणवग्गंमि । साहम्मिय वग्गम्मि य, एयं खलु परमवच्छलं ॥ ६५ ॥ अट्ठाहिया य महिमा, सम्मं अणुबन्धसाहिया केइ । अहवा तिनि य दियहे, निओगओ चैव कायव्वा || ६६ || अट्ठाहियावसाणे, पडिस्सरोम्मुयणमेव कायव्वं । भूपबलिदीणदाणं, एत्थंपि ससत्तिओ कुजा ||६७||
For Private & Personal Use Only
॥ श्री पादलिप्तसूरि
प्रणीतः प्रतिष्ठा
विधिः ॥
।। ३३६ ।।
www.jainelibrary.org
