________________
वड्डमाणचरिउ
[१. १४.१
तहि अवसरि राएँ निय-मणेण झाइय अणिच्च अणुवेक्ख तेण । वउ जीविउ संपय रूउ आउ सव्वु वि णासह जिह संझ-राउ । णिस्सेस वत्थु संतइ वियाणि चलयर खणद्ध रमणीय माणि। णिय-रायलच्छि सुहि सो विरत्तु वीरवइ-पियालंकरिय-गत्तु । मणि चिंतइ सो विस-सण्णिहेसु रइ वंधइ संसारिय सुहेसु । जिउ घर-घरिणी-मोहेण भुत्तु उवभोय-भोय तण्ह" णिरुत्तु । भव असि-पंजरे अमणोरमाश दूसह-दुरंत-दुक्खम्मि ताश। पेसिज्जइ जिउ अणवरउ तेम सूई-विवरंतर तंतु जेम। जम्मंबुहि-मज्जंतहँ जणाहँ नर-जम्मु रम्मु चिंतिय-मणाहँ । भव-कोडि-मज्झि दुल्लहु भणंति कुल-बल-देसाईय तह हवंति । सेसु वि मई हिययारिणि सयावि विसएहिँ न जिप्पइ जा कयावि । घत्ता-अवगण्णई णउ अणुमण्णई जिउ अणाइ-मिच्छत्ते ।
सदसणु पाव-विहंसणु भव-भवे ताविय-गत्ते ॥१४॥
10
5
अविरल-मिच्छत्तासत्तु जेण हिंडइ भव-सायर जीउ तेण । विसएसु विरत्तु अदूर-भव्यु परिहरिवि परिग्गहु दुविहु सव्वु । आवज्जिय रयणत्तउ रएण
जिण-दिक्ख लेइ मोक्खहो करण । इय जाणंतु वि णिच्छउ सकज्जु त'हए मुंजाविउ जाइ रज्जु । एव हिंसमूल सा मइ महंत
उम्मूलिवि दुम मण-गय लहंत । वल्लीव खिवव्वी वारणेण
किं जंपिएण बहुणा अणेण । इय मण मण्णवि दिक्खाहिलासु दूरुज्झवि सीमंतिणि-विलासु मंदिर-सिहरग्गहो उत्तरेवि
मणिमय सिंहासणि वइसरेवि । खणु एक्कु कुलक्कम-णंदणासु वाहरइ पुरउ णिय णंदणासु । तुहुँ पर असेस धरणीसराहँ
लच्छीमंडणु खंडिय-पराह। किं वासर-सिरि दिवसाहिवेण विणु सोहइ लद्ध-णवोदएण । वित्थारंतहो जणयाणुराउ
मेल्लंतहो रिउ विस्सासभाउ । घत्ता-मूल-बलहो जिय-वेरि-बलहो उण्णय-लच्छि करतहो ।
किं मई तुह अवरु कमल-मुह उवएसिव्वउ संतहो ।।१५।।
10
१४. १. D. वज्ज । २. V.° ई.। १५.१.D.J.V. तन्हए।
Jain Education International
For Private & Personal Use Only
www.jainelibrary.org
