________________
द्वार १४३
६४
|१४३ द्वार:
लोक-स्वरूप
माघवईए तलाओ ईसिं पब्भारउवरिमतलं जा। चउदसरज्जू लोगो तस्साहो वित्थरे सत्त ॥९०२ ॥ उवरिं पएसहाणी ता नेया जाव भूतले एगा। तयणुप्पएसवुड्डी पंचमकप्पमि जा पंच ॥९०३ ॥ पुणरवि पएस हाणी जा सिद्धसिलाए एक्कगा रज्जू । घम्माए लोगमज्झो जोयणअस्संखकोडीहिं ॥९०४ ॥ हेट्ठाहोमुहमल्लगतुल्लो उवरिं तु संपुडठिआणं । अणुसरइ मल्लगाणं लोगो पंचत्थिकायमओ ॥९०५ ॥ तिरियं सत्तावन्ना उड्डे पंचेव हुंति रेहाओ। पाएसु चउसु रज्जू चउदस रज्जू य तसनाडि ।९०६ ॥ तिरियं चउरो दोसु छ दोसुं अट्ठ दस य इक्किक्के । बारस दोसुं सोलस दोसुं वीसा य चउसुंपि ॥९०७ ॥ पुणरवि सोलस दोसुं, बारस दोसुपि हुंति नायव्वा । तिसु दस तिसु अट्ठच्छा य दोसु दोसुपि चत्तारि ॥९०८ ॥
ओयरिय लोयमज्झा, चउरो चउरो य सव्वहिं नेया। तिग तिग दुग दुग एक्किक्कगो य जा सत्तमी पुढ़वी ॥९०९ ॥ अडवीसा छव्वीसा चउवीसा वीसा सोल दस चउरो । सत्तासुवि पुढवीसुं तिरियं खण्डुयगपरिमाणं ॥९१० ॥ पंच सय बारसुत्तर हेट्ठा तिसया उ चउर अब्भहिया। अह उड़े अट्ठ सया सोलहिया खंडुया सव्वे ॥९११ ॥ बत्तीसं रज्जूओ हेट्ठा रुयगस्स हुंति नायव्वा । एगोणवीसमुवरिं इगवन्ना सव्वपिंडेणं ॥९१२ ॥ दाहिणपास दुखंडा वामे संधिज्ज विहिय विवरीयं ।
Jain Education International
For Private & Personal Use Only
www.jainelibrary.org
