________________
४०४
द्वार २६९
मूले सहस्सदसगं विक्खंभे तस्स उवरिसयदसगं। तेसु घणमणिमयाई सिद्धाययणाणि चत्तारि ॥१४७५ ॥ जोयणसयदीहाइं बावत्तरि ऊसियाइं रम्माई। पन्नास वित्थडाइं चउदुवाराई सधयाइं ॥१४७६ ॥ पइदारं मणितोरणपेच्छामंडवविरायमाणाई। पंचधणुस्सयऊसियअद्भुत्तरसयजिणजुयाइं ॥१४७७ ॥ मणिपेढिया महिंदज्झया य पोक्खरिणिया य पासेसुं । कंकेल्लिसत्तवन्नयचंपयचूयवणजुयाओ ॥१४७८ ॥ नंदुत्तरा य नंदा आणंदा नंदिवद्धणा नाम । पुक्खरिणीओ चउरो पुवंजणचउदिसिं संति ॥१४७९ ॥ विक्खंभायामेहिं जोयणलक्खप्पमाणजुत्ताओ। दसजोयसियाओ चउदिसितोरणवणजुयाओ ॥१४८० ॥ तासिं मझे दहिमुह महीहरा दुद्धदहियसियवन्ना। पोक्खरिणीकल्लोलाहणणोब्भवफेणपिण्डुव्व ॥१४८१ ॥ चउसट्ठिसहस्सुच्चा दसजोयणसहस्सवित्थडा सव्वे । सहसमहो उवगाढा उवरि अहो पल्लयागारा ॥१४८२ ॥ अंजणगिरिसिहरेसु व तेसुवि जिणमंदिराई रुंदाई। वावीणमंतरालेसु पव्वयदुगं दुगं अस्थि ॥१४८३ ॥ ते रइकराभिहाणा विदिसिठिया अट्ठ पउमरायाभा। उवरिठियजिणिंदसिणाणधुसिणरससंगपिंगुव्व ॥१४८४ ॥ अच्चंतमसिणफासा अमरेसरविंदविहियआवासा। दसजोयणसहसुच्चा उव्विद्धा गाउयसहस्सं ॥१४८५ ॥ झल्लरिसंठाणठिया उच्चत्तसमाणवित्थडा सव्वे । तेसुवि जिणभवणाइं नेयाइं जहुत्तमाणाई ॥१४८६ ॥ दाहिणदिसाए भद्दा विसालवावी य कुमुयपुक्खरिणी। तह पुंडरीगिणी मणितोरणआरामरमणीया ॥१४८७ ॥
Jain Education International
For Private & Personal Use Only
www.jainelibrary.org
