________________
बच्चाणक्यामरगुरुमायाधिशुक्रादिकाना प्रागुत्पादं व्यधित भुवने मन्त्रिणां बुद्धिधाम्नाम् । चक्रेऽभ्यासः स खलु विधिना नूनमेनं विधातु तेजःपाल कथमितरथाधिक्यमापैष तेषु ।।48।। अस्ति स्वस्तिनिकेतनं तनुभृतां श्रीवस्तुपालानुजस्तेजःपाल इति स्थिति बलिकृतामूर्वीतले पालयन् ।
आत्मीयं बहुमन्यते न हि गुणग्रामं च कामन्दकिश्चाणक्योऽपि चमत्करोति न हृदि प्रेक्षास्पदं प्रेक्ष्य यंम् ।।49।।
इतश्च महं० श्रीतेजःपालस्य पत्न्याः श्रीअनुपमदेव्याः पितृवंशवर्णनम् ।। प्राग्वाटान्वयमण्डनैकमुकुट: श्रीसान्द्रचन्द्रावतीवास्तव्यः स्तवनीयकीतिलहरिप्रक्षालितक्ष्मातलः । श्रीगागाभिधया सुधीरजनि यद्वृत्तानुरागादभूत् को नाप्तप्रमदो न दोलितशिरा नोद्भूतरोमा पुमान् ।।50।। अनुसृतसज्जनसरणिर्धरणिगनामा बभूव तत्तनयः । स्वप्रभु हृदये गुणिना हारेणेव स्थितं येन ।।51।। त्रिभुवनदेवी तस्य त्रिभुवनविख्यातशीलसम्पन्ना दयिताऽभूदनयोः पुनरंग द्वेधा मनस्त्वेकम् ।। 52।। अनुपमदेवी देवी साक्षाद्दाक्षायणीव शीलेन
तदुहिता सहिता श्रीतेजःपालेन पत्न्याऽभूत् ।।53।। इयमनुपमदेवी दिव्यवृत्तप्रसून-व्रतति रजनि तेजःपालमन्त्रीशपत्नी । नयविनयविवेकौचित्यदाक्षिण्यदान
प्रमुखगुणगणेन्दुद्योतिताशेषगोत्रा ।।54॥ लावण्यसिंहस्तनयस्तयोरयं रयं जयन्निन्द्रियदुष्टवाजिनाम् लब्ध्वापि मीनध्वजमंगलं वयः प्रयाति धर्मेकविधायिनाऽध्वना ।।55।। श्रीतेजःपालतनयस्य गुणानमुष्य श्रीलूणसिंहकृतिनः कति न स्तुवन्ति । श्रीबन्धनोधुरतरैरपि यः समन्ता
दुद्दामता त्रिजगति क्रियते स्म कीर्तेः ।।56।। गुणधननिधानकलशः प्रकटोऽयमवेष्टितश्च खलसर्पः । उपचयमयते सततं सुजनैरुपजीव्यमानोऽपि ।।57।।
Jain Education International
For Private & Personal Use Only
www.jainelibrary.org
