Page Text
________________
तवे तवतेअकुमार-कहा
२३
मंडवपवेसवासरो, पेसिओ सिरिसेणराइणा तेसि नराहिवाणं पहाणपुरिसो, सविणयं साहिओ तेण सयंवरामंडवागमणसमओ। ते विय अकय-कालविलंबा' विविहविहिविहियसिंगारा, निय नियसामग्गीए समागया उवविट्ठा पडिहारदंसियासणेसु । देवदिन्नकुमारो वि गहियवीणं गंधव्वियाण मज्झे सुरवइसहं पिव बहुदिवसवण्णणिज्जं नाणामणि-रयणमालोवमालियं वंदणघडसुकयतोरण-वणमालाविराईयं डझंतागरुकापूर-मधमपितधूवघडियाउलं पंचवन्नसमूसियवेजयंती-विराइयं सोत्थियसिरिवच्छ-नंदियावत्त-वद्धमाणग-कलस-मच्छजयलोवसोहियं विविह-करि-तुरग-मगर-मिगगण-मोर-पारावय-कवि-कीरजु यलविराइयरूवं लीलट्रियसालभंजियाकलियं सुरभिकुसुम-रयणकिरणमिसिमिसंतदिप्पंतसस्सिरीयरूवं विविहपल्लंकसयसमाउलं पविठ्ठो सयंवरामंडवं । तओ समाहयाई आउज्जाई आउज्जिएहिं, पगीया गंधव्विया-पणच्चियाओ नट्रियाओ । एयावसरे नीसासवायवज्झसुहमखोमजुयलेण संबुयसरीरा, थलकमलिणि व्व पवणायसलिलजणियफेणसंगया, ससि-किरणसंगय व्व कणयसेलकंदरा, दगरय-तुसारनिवहछाइया इव महोदहिवेला, सुकयपडिकम्मा, दिव्वालंकार 'भूसियंगी, गंधसमुग्गयपुप्फपडलयधारियाहिं वेडियाहिं गहियवरमालाए संगइयाए य समणुगम्ममाणमग्गा, मंजुमंजीरझंकाररवायदिडयरायहंसमंडला, कडिसुत्तयंतलग्गकणकिकिणीसरेण नियंबपुलिणसुहसुत्तबोहियमयरद्धया, हा-(रंत?)पत्तपयग पइट्टियपउमरायमणिणा सरागेणेव बालदिवायरेण सेविज्जमाणनाहीदहा, नित्तलामलामलयप्पमाणमुत्तमुत्तावलीमिसेण कामाउरेण व गहगणेण परिभुज्जमाणवच्छत्थला, मुहयंदगहणसमुत्थरियपव्वराहुगहणे 'व्व मसिण-कसिण सुसिणिद्ध-कुंतलकलावण मत्थएण विरायमाणी, अच्छचंदणविहियविलेवणा, सरससमुज्जलकुसुममाला विराइयसिरसेहरा, उभयपासनिवडतचारुचामरजुयला, सिरोवरि विरायंतसियायवत्ता, सरयससिजुण्ह ब्व निय दंसणामएण खोभयंती सयलमविरंगसायरं समागया सयंवरा मंडवं वसंतसिरी । महोदहि पिव महानई सीया चंदोयुब्भंतवम्महसलिलपूरिओ महोदहि व्व महारंगमहोदही किह वि हु उव्वेलं न गओ। आढत्ता य अम्मधाईया सवित्थरवण्णियकुल-वंसनाम-गोयपत्थिवे अणुपरिवाडीए दाएउं ।
कमेण गुणगणसहिए साहिती सब्वपत्थिवे गया अंतं । न य से कहिं पि दिट्टि पसीयइ विसायमवगया अंबधाई" ||२९२।।
किन्न एसा कि पि हियइच्छियं पुरिसं वरेइ ? ।" भणिया वसंतसिरी" "पुत्ति! कि विलंबेसि ? वरेहि जो हियइच्छिओ वरो, अइविलंबणाए दोसो, मा खभेज्ज तुह रूवमयणमोहिओ इमो रंगसायरो।" एवं भणियाए वसंत सिरीए गंतूण वीणं वायमाणस्स देवदिण्णकुमारस्स कंधराए पक्खित्तावर माला, हरियालिया-सिद्धत्थाईहिं पूइऊण वरमालं ठिया दाहिणपासे कूमरस्स । सामायमाणवयणकमलो परोप्परं महाणि जोइउं पवत्तो सम्वो कि महिंदसीहेण भणियं" भो सिरिसेण! जइ एस वो कुलक्कमो वीणावायगस्स दुहिया दायव्वा ता कि रायाणो निमंतिया?" किच--
का जाई? कं व कुलं? कत्तो व समागओ? सुओ कस्स? । एयं पि ताव पुच्छसु वीणावायंतगं एयं ॥२९२।। अवहत्थियजाइ-कुलं अवमाणियसयलनरवइसमूह। सरियं व नीयसरियं नियदुहियं किं न सिक्खवसि ? ॥२९३।।
सिरिसेणेण भणियं-'भो भणिईवियक्खण! जइ सयंवरामंडवे समभिरुइयं वरं वरेइ कण्णगा को एत्थ मज्झोवालंभो? कण्णगा वा कि सिक्खविज्जई ?"
कमरेण तओ भणियं कोवानलकंपमाणअहरेण । नीयाणमचियमेयं पयंपणं न उण इयराण ॥२९४|| अइविसमा कम्मगई विसमयरो तीय कज्जपरिणामो। लहुओ नहु हसियव्वो, अप्पा गरुओ न दट्टव्वो ।।२९५।। वणगहणछन्नतणुणो अकहिज्जंता वि केण वि परेण । नियपरिमलेण पयडा कुडय-कयंबा महुयराण ।।२९६।। जाई कुलं कलाओ गोत्तं नामं च जणणि-जणयाणि । सव्वं पि मज्झ एयं रणम्मि बाणा कहिस्संति ।।२९७।।
एवं सुणिय सावेसमाणसा नियनियावासेसु गया सव्वे वि धराहिवा, पारद्धा सन्नहिउं, पहयाओ संगामभेरीओ, जमगसमगं समायाउज्जसहपडिसद्दभरनिब्भरं फुट्ट व बभंडमंडलं। तओ संखुद्धचित्तेणं भणिओ जामाउओ सिरिसेणराइणा
१. विलंब वि. जे 1२. कार विभ. पा. । ३. नेतला. जे.। ४. पव्वराहणेव पा. । ५. विरइय पा. । ६. अम्मधाइई पा० । ७. वाएमाण पा० ।८. रंग जणो जे० ।९. विज्जउ पा० । १०. कुडव पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |