Page Text
________________
जुगाइजिणिद-चरिय
इओ तओ परियडती पणट्रमग्गा महाडवि पविट्ठा। चिरं च भमिऊण सुण्णारणे दीहद्धाण-परिखेइयंगी छहापिवासाउरा य पविसिऊण एग वंसकुडंगी एवं चितिउमारद्धा-'अहो ! जमिणं मायिंदजालविन्भमं मत्तमायंगघडारूढायड्ढियकरालकरवालरक्खियनरेहिं वि निवारिज्जइ, न पसाएण छिप्पइ, न विणएण बसीकिज्जइ, न बलवंतेण वि रुज्झइ, न य सिणेहेण आयभावमुवणिज्जइ, न विउसेहिं बसे किज्जइ, न माणीहिं निसेहिज्जइ , नो उवउत्तेहिं अक्कमिज्जइ, न तेयस्सिणा अभिभविज्जइ, नो वाएहिं छिज्जइ, न पुरिसकारेण लंधिज्जइ, न देसंतरेण वि खिज्जइ; किंच-कयाइ मित्तो विव अणुकंपइ, कयाइ सत्तू विव विसमेसु पहरइ, कयाइ जणओ विव परिपालेइ, कयाइ दाइओ विव परिपीडेइ, कयाइ मग्गेण पयट्टं पि उम्मग्गेण नेइ, कयाइ अजोगं पि जोगी करेड, कयाइ दुब्भगं पि सुभगं करेइ, कयाइ सगुणं पि निग्गुणं गणावेइ, रोरं पि ईसरं करेइ, धणवंतं पि निद्धणं धरेइ, करयलगयमवि नासेइ, दुरत्थं पि आणेइ, रणखग्गधाराजज्जरीकयदेहं पि जीवावेइ, जणणीकरयलगयमवि वावाएइ; तहा एयम्मि पडिकले अमयं पि विसं, रज्जू वि कण्हाही, गोपयं पि सायरो, तणं सत्थं, परमाणू वि सेलो, उंदरदरी वि रसायलं, जणओ वि सीहो, माया वि वग्घी; "किं बहुणा ? सव्वं पि विवरीयं; अणुकूले पुण इमम्मि सत्तू वि मित्तो, विसं पि अमयं, तं चेव सव्वं विवरीयं वत्तव्वं, सव्वहा नमो चिताइक्कंतकारिणो दिव्वविलसियस्स। एवं किंचि कालं सोइऊण सुत्ता सुद्धधरणीयले, समागया निहा। एत्थंतरे कत्तो वि समागंतूण गहिया वामपाए अयगरेणं 'हा किमेयं?' ति भयभीया उट्टिया, दिट्ठो राहु व्व ससि-बिबं वामपायं गसंतो अयगरो, अणण्णसरणाए भणियमणाए
भो भो! सुणंतु वणदेवयाओ! वणसंडकाणणगयाओ! सरणविहीणा दीणा पहभट्टा जं पयंपेमि ॥ आपाणिग्गहणाओ पियं पमोत्तूण जइ मए अन्नो। मण-वय-काएहिं नरो रमिओ ता अयगरो गसउ ॥१७८॥ अह मण-वय-काएहिं सुमिणे वि न सुमरिओ नरो अण्णो। तासील-मंत-थंभिय-वयणो मं अयगरो मुयउ ॥१७९।। एवं पयंपिऊणं जा विरमइ ताव अयगरो दिट्ठो। चित्तालिहिओ विव थंभिउ व्व नं जुण्णरज्जू व ॥१८०।। गहिऊण पुच्छदेसे सरोसमफालिऊण धरणियले । वणसंडे पक्खित्तो अदिगुरूवेण केणावि ॥१८१।। तण्हा-छुहाभिभूया जा दिढेि देइ चउसु वि दिसासु । सीलधणा ता पेच्छइ आहारं पवरथालम्मि ॥१८२।। नवकरवो सीयल-सलिलपूरिओ उवरिमक्कतंबोलो । मउओ सव्वंगसुहो पत्थरिओ पवरपल्लंको ।।१८३।। वच्छे ! भुंज जहिच्छं पिबसु पयं सुयसु पवरपल्लंके । गयणंगणम्मि कस्सइ समुट्टिओ एरिसो सहो ॥१८४।। अभिवंदिऊण देवे पंचनमोक्कारमंगलं सरिउं । पसरंतनयणसलिला भुत्ता संखेवओ अह सा ॥१८५।। वीसमिया नीसंकं सव्वंगसुहम्मि तम्मि पल्लंके । रयणी वि तत्थ गमिया पडिबुद्धा अह पभाए सा ॥१८६।। वणदेवयाण चलणे पणमिय खामेवि परमविणएण। भयतर (ल)तारनयणा पुव्वाभिमुही समुच्चलिया ।।१८७।। बीयम्मि दिणे रयणीए रक्खसो कविलकेस-रत्तच्छो । कालो अइविगरालो करकयसिय-कत्तिओ दिट्ठो ॥१८८॥ तं दणमणाए भणियं जइ पालियं' मए सीलं । ता कुलदेवि ! २ धरेज्जसु थंभियमिव रक्खसं एयं ॥१८९।। सो वि तह च्चेव ठिओ ठाणाओ पयं पि नेव संचलिओ। सा वि भमंती पत्ता तइयदिणे गविलवणगहणं ।।१९।। अभिमुहमागच्छंतं वणमहिसं रोसभरियसव्वंगं । खर-नहर-भीसणमुहं सीहं पुण पच्छओ इंतं ॥१९१॥ जमवाहणं व महिसं विहुणियकेसरसदं व मिगनाहं । घोरारसियं महिसं बोक्कारवभीसणं सीहं ॥१९२॥ दठूण थरथरती कयंजली भणइ भयवइ ! सुणाहि । वणमहिस! मावरज्झसु अवहियहियओ निसामेसु ।।१९३।। मुण्णारण्णे संपइ पियपरिचत्ताए मंदपुण्णाए । नत्थि महं. बलमन्नं मोत्तूण पइव्वयावायं ॥१९४॥ सोम-जम-वरुण-धणवइ पयडा वो सयललोयवावारा। हिययगयं पि हु भावं जाणह सव्वेसि सत्ताणं ॥१९५।। नियजणय-जणणिदिण्णं पई पमोत्तण जइ मए अण्णो । संकप्पेण वि रमिओ ता तुब्भे सक्खिया एत्थ ॥१९६॥ चिरपरिपालियनिम्मलविसालसीलस्स जइ फलं अत्थि । ता महिस-मइंदाणं मुहाओ मुंचेज्ज जीवंती ॥१९७॥ तुह सरिसविक्कमेणं मयवइ ! तुह सरिसमज्झभाएणं । जइ पइणाहं मुक्का तह दाणि तुमं पि मुंचाहि ॥१९८।।
तुह तुल्लकंधरेणं वणमहिस! महाडवि पविट्ठणं । जइ पइणा हं मुक्का तह दाणि तुमं पि मुंचाहि ॥१९९।। १. सीलि. पा० । २. देव ध० जे०।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |