Page Text
________________
जुगाइजिणिंद-चरिय
लट्ठीए पीलिओ विहु कुसएण समाहओ विमुह-मूले । तह विखलोन वि मेल्लइ खलत्तणं कडुयभावं च ॥२७॥ अवगणिओ वि न मुयइ मग्गं' डंडाहओ विनो ठाइ । पिसुणो सया भसंतो उव्वेयं कुणइ कविलो व्व ॥२८॥ अणदिट्ट-दोस-पज्जलिय-हियय-धूमंधयार-खल-वयणे । चंद-किरण व्व धवला कइणो रेहति गुणनिवहा ॥२९॥ अहवा (न) चेव निंदा कायव्वा दुज्जणाण वि जणाणं । गरुयाण एस मग्गो धम्म-कहाए विसेसेणं ॥३०॥
सा पुण कहा दुविहा-पुरिसपहाणा इत्थिपहाणा य। तत्थ पुरिसपहाणा हरिवंसाइ, इत्थिपहाणा तरंगवईयाइ। एक्केक्का पुणो तिविहा-अत्थपडिबद्धा, कामपडिबद्धा, धम्मपडिबद्धा य । तत्थ जीसे अवहत्थिया-सेसपूरिसत्यो अत्यो चेव केवलो सलहिज्जइ--जहा : अत्थवंतस्स अगुणा' वि गुणा, असज्जणा वि सज्जणा, अपढिए वि पंडियत्तणं, कूरूयत्तणे वि सुरूयत्तणं, थेरत्तणे वि तरुणत्तणं, अदितस्स वि वल्लहत्तणं । अवि य--
धणवंतहं सुहि सयण हुँति जणु आण-पडिच्छउ । कज्जकालि सयमेव लोउ तसु होइ बिइज्जउ ।। रावलु देउलु गणइ भणइ एहि ईसरपइसरि, दालिदिय मन रुधि ठाउ तुहूं बाहरि नीसरि ॥३१॥ जाई कुलं कलाओ रूवं विण्णाण-नाणसंबंधो। अत्थेण विणा सव्वे वि गुणगणा तिणसमा हंति ॥३२॥ अत्थो च्चिय पर एक्को जियलोए देवया गुरू जणओ। माया भाया भज्जा सुहि सयण-सुओ न उण अण्णो ॥३३॥
कि बहुणा ? जं जं जंपइ करेइ वा तं तं सव्वो वि जणो बहुमन्नइ, अओ अत्थो चेव पहाणपुरिसत्थो, एयं जत्थ वणिज्जइ सा अत्थकहा।
जीसे पुण इत्थि-पुरिसाण सिंगारागार-हाव-भाव-बिब्बोय-विलासा कामसत्थपडिबद्धा पहाणतणेण परूविज्जति । तद्यथा-- प्रिया दर्शनमेवास्तु किमन्यैर्दर्शनान्तरः । प्राप्यते येन निर्वाणं सरागेणापि चेतसा ॥३४॥ जइ नत्थि तत्थ सीमंतिणीओ मणहरपियंगुवण्णाओ । तारे सिद्धतिय ! बंधणं ति मोक्खो न सो मोक्खो ।।३५।। एक्कु अनुकूली घरिघरिणी, अन्नु लोइ जस पडहउ बज्जइ । एत्थु समप्पा मोक्ख-सुहु, मोक्खसुक्खु कि कवलिहि खज्जइ? || वेरग्गमणुसरंता जइ निंदं लिति लितु वरमुणिणो । हियए पुण ताण वि अभिरमंति तरुणीयण-विलासा ||३७।। एवमाइ जत्थोवदंसिज्जइ सा कामकहा ।
जत्थ पुण हिंसालिय-चोरिक्क-परदार-परिग्गह-परिहार-परम-संधि बंधणो सुविवेय-कण्णधारो, संवर-ठइयछिद्दो, सच्च-सोय-सियवडो, जिण-निज्जामयाहिट्ठिओ, संसार-समुद्द-निमज्जत-जंतु-नित्थारण' समत्थ-परम-पोय-समाणो, सयल-जय-जीव-दयालंकिओ, दुक्खिय-जण-जणणि-सन्निहो, सयल-कल्लाण-कारणं,सग्गापवग्ग-संसग्गि-निबंधणो, असेसदुह-दारु-दहण-दावानलो, गोयमाइ-परम-पुरिस-निसेविओ कम्म-वाहि-महोसहि-समाणो । अवि यकामह कारण दुक्खनिवारण,सोक्खह मूल भवण्णवतारण।छडिवि सेसु सव्वु जगसारउ, जण सेविज्जउ धम्मुभराडउ ।३८। धम्मिण अत्थु होइ हियइच्छउ, धम्मिण लब्भइ जं मणवंछिउ। धम्मविहणउ" भविभवि दुत्थिउ, धम्मिण जीव२ होइ परसुत्थिउ ॥३९।।
एवं धम्मो चेव केवलो जत्थ पसंसिज्जइ सा धम्मकहा।
सोयारा वि यतिविहा-अत्यत्थिया, कामत्थिया, विरलविरला धम्मत्थिया । फलं पुण अत्थ-कामकहाणं चउगइसंसारपरियट्टणं, अओ तप्परिहारेण अप्पपरोवयारिणी सया सप्पुरिससेविया धम्मकहा चेव कहेयव्वा । सा पुण परिसाए। परिसा वि दुविहा-उवट्टिया य अणुवटिया य । उवट्टियाए कहेयव्वा, न उण इयराए । जओ भणियं-- .
अणुवट्टियस्स धम्म मा ह कहेज्जासि सुट्ठ वि पियस्स । विच्छायं होइ महं विज्झायरिंग धमंतस्स ॥४०॥
उवट्ठिया वि तिविहा--जाणिया, अजाणिया, दुव्वियड्ढा य । दुण्हं पढमियाणं कहेयव्वा । १ मग्गे जे० । २ पुण पा० । ३ तस्स।विगुणा जे० । ४ सुरूवत्त पा० ।५ ईसर वइसरि जे० । ६ बाहिरि पा०। ७सिंगाराहाव जे० । ८ धि संधणों पा० ।९ निवारण समत्थो प० जे० ।१० छड्डिवि पा० । ११ विहीणज पा० । १२ जीउ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |