Page Text
________________
२७६
जुगाइजिणिदचरियं
वीइमाणीओ चिट्ठेति । तासि णं जिणपडिमाणं पुरओ दो दो नागपडिमाओ दो दो जक्खपडिमाओ दो दो भयपडिमाओ दो दो कुंडधारपडिमाओ सव्वरयणामईओ कयंजलिपुडाओ कयाओ चिट्ठति । तत्थ णं देवछंदए चउवीसं घंटाओ चउवीसं अहागा चउवीसं रयणकरंडया चउवीसं पुप्फचंगेरीओ चउवीसं आभरणकरंडगा चउवीसं लोमहत्थया चउवीसं लोमहत्थय पडला चउवीसं धूवकडच्छुया । एवमाइतं चेइयं अणेगखंभसयसंनिविट्ठे अब्भुग्गयसुकयवरवइरवेइयागं समंतओ फलिहपायारपरिवेढियं । तोरण वररइयसालभंजियागं सूसिलिट्रविसिटुलट्रसंठियपसत्थवेरुलियविमलखंभ, नाणामणि-रयणकण गखचियउ जल-बहुसमसुविभत्तभूमिभाग ईहा-मिय-उसभ-तुरगनर-मगर-विहग-वालग-किन्नर-रुरुसरभ-चमर-कुंजर-वण लयपउमलय-भत्तिचित्तं, खंभुग्गयवरवेइयाभिरामं, अच्चिसहस्समालणीयं चक्खुलोयणलेसं सुहाफास सस्सिरीयं कंचणमणिरयणथूभियागं, पंचवण्णघंटापडागपरिमंडियग्गसिहरं, वरपउमरायकलसं, मरीचिकवयं विणिम्मुयंतं, लाउल्लोइयमहियं गोसीससरसरत्तचंदणदहरदिन्नपंचंगलितलं दहओ वारदेसरइयगोसीसचंदणचच्चियकलसं आसत्तोसत्तविमलवद्वग्धारिय मल्लदामकलावं पंचवण्णसरससुरहिमुक्कपुप्फपुंजोवयारकलियं कालागुरुपवरकंदुरुक्कतुरुक्कधूवमघमघेतं गंधुद्धयाभिरामं सुगंधवरगंधियगंधवद्रिभूयं अच्छरगणसंकिण्णं दिव्वतुडियसहसंपणादियं सव्वरयणामयं तिहुयणजणजणियविम्हयं भरहो जिणभवणं कारवेत्ता भाउयसयस्स तत्थेव पडिमाओ कारवेइ अप्पणो य पडिम पज्जुवासंतियं । सयं च थूभाणं-एगं तित्थयरस्स, अवसेसाणियएगणभाउयसयस्स । 'मा तत्थ कोइगमणागमणं करतो आसायणं करिस्सइ' त्ति जंताउत्ता लोहमया माणुस्सा ठाविया, जेहिं तत्थ मणया अइगंतुं चेव न सकेंति । पुणो दंडरयणेण समंतओ निन्नण्णयाणि भंजिऊण छिन्नटंकी अट्ठावयं कारेइ । मणुयमित्तालंघणिज्जाणि जोयणंतरियाणि अट्ठपयाणि कारावेइ । एवमाइसव्वं संपन्नं काऊण सुड. भूओ सरससुगंधजलथललयकुसुमेहिं उसभाइतित्थय राण पूर्व काऊण कालागरुकप्पूरपूरपरिमलभरियभवणब्भंतरं धूयं दहेऊण तारतवणिज्जतंदुलेहिं लिहिऊण अट्ठट्ठमंगलए विहिऊण विहिणा चेइयवंदणं कयपणिहाणो भत्तिभरपुलइयंगो भावसारमणिलियगुणसमुक्कित्तणं करेमाणो तित्थयरमुहकमलविणिविट्ठदिट्ठी वाहजलभरियलोयणो अक्खलियाइगुणजुयं पयंपएण समुच्चारेमाणो एवं थोउमाढत्तो
देव ! तिहुयण-पणय-पयकमल ! कमलोयर-कय-चरणकमल-गब्भसमवण्ण सामिय । रिसहेसर पढम-जिण पढम-धम्म-धर-धण धोरिय ।। अट्ठावय-'गिरिवर-सिहर-सेहर! परिस-पहाण। ताहं तह-ट्टिय भव-जलहि, जेहि न तुह कय आण ॥३५३७।। अजिय! निज्जिय-दुज्जयाणंग!
गय-लंछण ! गय-गमण, अजर! अमर ! सिव-सह-निबंधण। सम-सायर ! सिरि-निलय! विजय-देवि-जियसत्तनंदण। तं धणु धरणिहि भार-कर, अहव विडाविडि-सत्थ । जेण न पुइउ सामि! तृहं, भव-सायरि बोहित्थ ।।३५३८।। देव दुज्जय-मयण-मायंग-- करडयड-दारण-दरिय-हरि-किसोर भव-भवण-भजण । भव-सायर-पार-गय, गरु-पया नीरय निरंजण । संभव ! भव-संताव-हर ! लक्खण-लंछिय-गाय । पुन-विहीणहं दुल्लहिय, तुह पथ-पावय-छाय ।।३५३९।। भुवण-भूसण जणमणानंद! पुरिसोत्तिम! परम-पय-बद्ध-लक्ख ! अक्खय निरजण । सुपसत्थ-मंगल-निलय, भुवण-भाणु भव-भय-निरुंभण ।। संवर-सिद्धत्था-तणय, निज्जिय-विसय-कसाय । अभिनंदण-जिण तुहं सरणु, तिहुयण-पणमिय-पाय ॥३५४०।। सुमइ साहियसिद्धि-अत्थाणसन्नाण-दसण-चरण-निलय नाह जय-जीव-वच्छल । भव-रुंद-
कंदुक्खणण-वर-वराह धर-धरण-पच्चल ।। मेहराय-कुल-कित्ति-कर, कोह-दवानल-मेह । मंगल-देविहिं अंगह, कवणुलहइ तुह रेह
॥३५४१।। १. कडगं आव० चू० । २. चलण पा० । ३. जिण धम्म पढम धुर जे । ४. अट्ठाइव-गि० जे० ५. तहडिओ भ० पा० । ६. यर पारगय वि० पा० । ७. अहिव पा० १८.० र पायड परक्कम पा० । ६. प्राण जे० । १०. जइ जी० पा० । ११. कुदक्ख जे०।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |