Page Text
________________
२७४
जुगाइजिणिदचरियं
एवं वयासी खिप्पामेव भो. खीरोदगसमुद्दाओ खीरोदगं आणेह । ते वि तहेव आणेति। सक्के वि तित्थयरसरीरगं खीरोदएणं ण्हाणेइ सरसेणं गोसीसवरचंदणेणं अणुलिंपड अणुलिंपडत्ता हंसलक्खणं पडसाडगं नियंसेइ नियंसइत्ता सव्वालंकारविभूसियं करेइ सेसदेवा वि गणहरसरीरगाणि सेसाणगारसरीराणि य खीरोदएण गृहाणिति सरसेणं वरगोसीस चंदणेणं अणुलिपति अह्याई दिव्वाई देवदूसजुयलाई नियंसेंति सव्वालंकारविभूसियाई करिति । तए, णं से सक्के ते देवे एवं वयासी--"खिप्पामेव भो! नाणाविहमणिरयणकिरणकरंबियं वरंतराओ विचित्तचित्तहराओ। पुरिससहस्सवाहिणीओ तओ सिबियाओ विउव्वह-एगा सामिस्स, एगा गणहाराणं, एगा अवसेसाणं मुणिवराणं । ते वि तहेव विउव्वंति। तए णं से सक्के सोयसंभारनिब्भरहियए सामिस्स पणट्ठजम्मजरामरणस्स सरीरगं सयमेव आरोहिति आरोहित्ता मया महसवेणं चियगाए ठवेइ अवसेसदेवा वि गणहराणं सेसाणगाराण य सरीरगाणि परमरिद्धीए सीयासु आरोहिति आरोहित्ता पुवरइयासु चियासु ठाविति। तए णं से सक्के अग्गिकुमारे देवे सद्दावेइ सहावित्ता एवं वयासी--"खिप्पामेव भो! तिसु वि चियासु अगणिकायं विउव्वह ।" ते वि तहेव विउव्वंति। तओ चेव 'अग्गिमुहा देवा' लोए पसिद्धि गया । वाउकुमारावि देवा सक्काएसेण वायं विउव्वंति विउव्वित्ता अगणिकायं उज्जालिंति । तए णं से सक्के ते बहवे भवणवइवाणमंतर-जोइसिय-वेमाणिए देवे एवं क्यासी---"खिप्पामेव भो! तिसु वि चियासु अगरुतुरुक्कं घणसारघयमहुं च भारग्गसो य कुंभग्गसो य साहरह । ते वि तहेव साहरति । जाहे मंसं सोणियं च झामियं ताहे सक्काएसेण मेहकुमारा देवा तिण्णि वि चियाओ खीरोदएणं निव्वति । ताहे सक्को सामिस्सुरिल्लं दाहिणं सकह गिण्हइ, ईसाणो वि उत्तरिल्लं गेण्हइ, चमरो वि हिट्रिलं दाहिणं बली य हिदिल्लं वाम. सेमा सका देवा य जहारिहं अवमेमदसणे अंगोवंगाणि य गिण्हंति।
तए णं से सक्के ते देवे एव वयासी--"खिप्पामेव भो! तिणि वि चेइयथूभे करेह। एगं सामिस्स, एगं गणहराणं ,एगं अवसेसाणं मुणिवराणं । ते वि तहेव करेंति। तए णं से बत्तीसं पि सुरवरिंदा नियनियपरिवारसहिया नंदीसरवरे गंतूण भगवओ नेव्वाणगमणपव्वयं अदाहिया महिमं पकरेंति । जओ नंदीसरस्स बहुमज्झदेसभाए चउसु वि दिसासु चत्तारि वइरामईओ वावीओ पन्नत्ताओ ताण मज्झभाए एक्केक्को अंजणपव्वओ एगमेगस्सणं अंजणपब्वयस्स चउसु वि दिसासू चत्तारिचत्तारिदहिमहपव्वया।
संखदलविमल निम्मल,दधि-घण-गोखीर-हारसंकाया । गगणतलमलिहंता, सोहंते दहिमहा रम्मा ।।३५२०।। ताणंतरेसु चउरो, चउरो वावीओ सच्छसलिलाओ। दो दो रइकरगिरिणो, बाहिरकोणेस वावीण ॥३५२१।। पुव्वेण अट्टअवरेण अट्ठ तह दाहिणुत्तरेणं च । पत्तेयं पत्तेयं अद्वैव य रइकरा भणिया ॥३५२२।। चउरो अंजणगिरिणो सोलसपुणदहिमुहा समक्खाया । बत्तीसं रइकरपव्वया उ सब्वे वि बावन्ना ॥३५२३।। अंजणगाइगिरीणं नाणामणिपज्जलंतसिहरेस । बावन्न जिणभवणा मणिरयण-विभसिया रम्मा ॥३५२४।। एएसू सव्वदेवा संबच्छरचाउम्मासपव्वेसू । जिणो चवण-जम्म-निक्खमण-नाणनिव्वाणदियहेसु ॥३५२५ ।। सासजिणपडिमाणं पंचधणू-सयपमाणदेहाणं । पूर्व काउं पच्छा नियनियठाणेसु वच्चंति ॥३५२६।। जिणसकहाओ वइरामएसु घेतूण वट्टगोलेसु । पच्छा पमुइयचित्ता सुरलोयसुहाई भंजंति ॥३५२५५।।
ते वि सड्ढा अग्गि-मकहाईणि पुणो पुणो जायंति, ताहे देवेहि भणियं---"अहो इमे केरिसगा जायग? ति ताहे लोगे पढमो जायगसद्दो। तित्थयराइचियरिंग घेत्तृण सड्ढामएसू सएसु गेहेसु ठवेंति, भत्तीए विज्जायंतं रक्खति। एवं कालेण आहियग्गिणो जाया। ते य अग्गिणो जो सामिचियासंतगो सो इयरासु दोसु वि चियासु संकमइ । इक्खागाणं तणओ इयरं संकमइ, सेसाणगारचिया संतिओ न कत्थ वि संकमाइ । भरहो वि तम्मि ठाणे बढइरयणेण जोयणायाम तिगाओ य समुस्सयं सीहनिसाई सिद्धाययणपलिभागं अणेगखंभसयसंनिविट्ठ पंचवण्णमणिरयणसिलासंचयसोहियं जिण भवणं कारेइ। तस्स णं चत्तारिफालियामया वरकणगथभिया गोदारा पण्णत्ता । तेसि णं दाराणं दुहओ पासिं सोलस
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |