Page Text
________________
सिरिरिसहसा मिदेसणा
पुन्नाग- नाग-सीवन्निसरससयारपमुहविडविल्ला 1 रिच्छंछ- भल्ल - सद्दल - सरहहरि-मक्कडक्कंता तत्थ य दीहवडविड विकोट्टरेसु य मिहुणगं वसइ । तस्स कह कह वि जाओ सलक्खणो सूयगो एगो पक्खानिलपइदिणचूणिदाणओ वढिओ य सो तेहिं । थेवोवलद्धनहगमणसत्तिजुत्तोन्नदियहम्मि तावलयाए नीडा उड्डत्ता जाव गंतुमारद्धो । दुब्बलपक्खत्तणओ ता पडिओ अद्धमग्गम्मि तम एहि गहिओ सो तावसेहिं कोण । नीओ निययावासं कराविओ सयलकलगहणं तिहि वारम्मि पसत्थे मिलिऊणं मुणिकुमारयजणेण । सुगनासो त्ति सलीलं पइट्ठियं नायमेयस्स तम्मोहमोहियाई जणणी-जणयाणि तस्स तत्थेव । आगंतूण ठियाई सुयवयणा लोयणपराई एवं वच्चइ कालो अन्न दिणे सुणइ सूयगो एवं । वक्खाणं कुलवइणा कीरंतं ताव सजणस्स जलहिजलमज्झयारे हरिमेलो नाम अत्थि वरदीवो । सहयारपायवो अत्थि तस्स ईसाण कोणम्मि देवासुरनर- किन्नर - विज्जाहरमिहुणसेवियच्छाओ । अमियफलो अमिएणं सित्तो मूलाओ देवेहि देवाणुभावउच्चिय तस्स फलं जोहजीवई जीवां । तस्स जरा रोगा वि हु नासंति पुणन्नवो होइ सोऊण इमं वयणं सुनासो सूयगो विचितेइ । अत्थि मह गमणसत्ती जराभिभूयाणि जणगाणि गंतूण तत्थ दीवे सहय । रफलाणि दोन्नि आणेमि । नियजणणीजणयाणं रोगं च जरं च नासेमि संपत्तजोव्वणो जो न विणीओ होइ जणणि-जणयाण । किं तेण जणणिजोव्वणविउडणमेत्तेण पुत्तेण इय चितिऊण चलिओ कमेण पत्तो मणिच्छियं ठाणं । दरपक्का दढबंधा दुअंबयामंजरी गहिया वलिओ चलंतपक्खउडजणियगुरुखेयखेइयसरीरो । गमणासत्तो संतो जलहिजले निवडिओ सहसा एत्थतरम्मि दिट्ठो समुद्ददत्तेण पोयवणिएन । तद्देसमा गएणं गहिओ संजायकरुणेण भणिओ य सो सुए उवयारी जीवियप्पयाणेण । मज्झ तुमं कि कीरइ पच्चुवयारे न मे सत्ती विहु हसु अंबयमेगं मा कुणसु पत्थणं विहलं । वलिपलियरोगजरहरणपच्चलं दिट्ठमाहप्पं जाईए चेव तिरिओ एसो कम्मेहिं सुपुरिससमाणो । ईय चितिऊण गहियं समुद्ददत्तेण अंबफलं लंघित्तु लहुं जलहिं सुगो गओ जणणि-जणयपासम्मि । वणिओ विहु विजयपुरं पत्तो खेमेण कुसलेण भरिऊण थालमेगं मणि- मोत्तियपवरवत्थमाईणं । थालोवरि तमंबं मोत्तूण गओ निवसगासे नरवइपायाण पुरो थालं मोतूण विहियपणिवाओ । उचियासणे निसण्णो पुट्ठो कुसलं नरिंदेण हसिऊण भणिओ रण्णा किं एत्थ अंबया नत्थि । वणिणा कहिओ सब्वो जहट्टिओ वइयरो तस्स विम्हियमणेण सुचिरं तमंबयं पेक्खियं' नरिदेण । सम्माणिऊण सेट्ठी विसज्जिओ निययगेहम्मि फलमेगं परिवारो बहुओ महवल्लहो य ता नूणं । एगागिणो न जुत्तं भोत्तुं अच्चभूयं वत्युं जओ
देवगुरुसंविभत्तं दिनं सुहिसयणबंधवजणाण । जं भुज्जइ तं भुत्तं सेसं उयरग्गिविज्झवणं चितिऊण भणिया पुरिसा रोवेइ बीयमेयस्स । पालेह पयत्तेण जा फलइ कहेह ता मज्झ हि वि तव विहियं जाओ अंबो नमंतसाहालो । दरपिक्कफलो रम्मो रक्खिज्जइ पउरपुरिसेहि कह कह विपणपयं फलमेगं निवडियं तओ तुरियं । रयणीए विसहरेणं बद्धं विसभावियं जायं १ पुलइयं पा० । २ ग्रह जे० ।
Jain Education International
For Private & Personal Use Only
२६७
।।३३४४।।
।। ३३४५ ।।
।। ३३४६ ।। ।।३३४७।।
।।३३४८ ।।
।।३३४९ ।। ।।३३५० ।। ।।३३५१ ।।
।। ३३५२ ।।
।। ३३५३ ।।
।। ३३५४।।
।।३३५५ ।। ।।३३५६॥
।। ३३५७।।
।। ३३५८।। ।।३३५९ ।। ।।३३६० ॥ ।।३३६१॥
।। ३३६२ ।। ।।३३६३।। ।। ३३६४।।
।।३३६५॥
॥३३६६॥
।।३३६७।।
।।३३६८।।
।।३३६९ ।।
।।३३७० ।।
॥३३७१॥
॥३३७२ ।। ।।३३७३ ।।
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |