Page Text
________________
जिणवण्णणं
२५९
सड्ढा चउ धणुसयाइं समूसिओ अजियजिणवरो होही । चत्तारि सरासणसयसमुसिओ संभवजिणिदो ॥३१००। अट्ठधणुसयाइं समूसियंगोभिनंदणजिणिदो । तिन्नेव धणुसयाई समसियंगो जिणो सुमई ॥३१०१।। दो सड्ढधणुसयाई उच्चत्तेणं जिणो उ पउमपहो । दो धण्सयप्पमाणो सुपासनामा जिणवरिंदो ॥३१०२।। तह सड्ढसरासणसयपमाणदेहो ससिप्पहजिणिदो । धणुसयपमाणदेहो सुविही होही जिणो नवमो ॥३१०३।। नउईसरासणाई उच्चत्तेणं तु सीयलजिणिदो । असिई सरासणाई समूसियंगो य सेज्जंसो ॥३१०४।। सत्तरिकोदंडाई समूसिओ वासपूज्जतित्थयरो । सट्ठीसरासणाई समूसिओ विमलजिणइंदो ॥३१०५।। पन्नासं चावाई समूसियंगो अणंतइजिणिदो । पणयालीससरासणसमूसिओ धम्मतित्थय रो ॥३१०६।। चालीसं धणुयाइं समूसियंगो उ संतिजिणनाहो । पंचतीससरासणपमाणदेहो जिणो कुंथू ॥३१०७।। तीसं चिय चावाइं उच्चत्तेणं तु अरजिणो होही । पणुवीसं चावाइं समूसिओ मल्लितित्थयरो ॥३१०८।। वीससरासणमाणो मुणिसुव्वयजिणवरो जगप्पवरो । पनरससगसणाई समूसियंगो नमीनाम ॥३१०९।। दसचावाई ममूसियदेहो सिरिरिट्टनेमिजिणनाहो । नवरयणिपमाणतणु भुवणपयासो जिणो पासो ॥३११०।। सत्तरयणिप्पमाणो होही सिरिवद्धमाणजिणनाहो । एयं देहपमाणं जिणाण नरनाह ! नायव्वं ॥३३११।। पन्नासा लखेहि समइक्कतेहिं अयरकोडीणं । होही कमाओ अजिओ बावत्तरिपुव्वलक्खाऊ ॥३११२।। तीसाए लक्खेहि समइक्कतेहि अयरकोडीणं । अजियाओ संभवो सट्टि पुटवलक्खाओ होही ॥३११३।। तह दसहि उ लक्खेहि सागरकोडीओ संभवजिणाओ । अभिनंदणजिणइंदो पन्नासं पुव्वलक्खाऊ ॥३११४।। अह नवहिओ लखेहि समइक्कतेहिं अयरकोडीणं । अभिनंदणा उ सुमई चालीसं पुब्बलक्खाऊ ॥३११५।। नउइए सहस्सेहिं समइक्कतेहिं अयरकोडीणं । सुमइजिणा पउमाभो तीसं चिय पुव्वलक्खाऊ ॥३११६।। नवहिं सहस्सेहिं तओ समइक्कतेहिं अयरकोडीणं । पउमप्पभा सुपासो बीसं चिय पुव्वलक्खाऊ ॥३११७।। सागरकोडिसएहिं नवहिं जिणाउ सुपासनामाओ । दसपुव्वसयसहस्साउओ चंदप्पहो भयवं ॥३११८।। तत्तो वोलीणाए नउए सागराण कोडीणं । चंदप्पहाओ सुविही होही दो पुव्वलक्खाऊ ॥३११९।। तो सागरोवमाणं नवहिं उ कोडीहिं सुविहिनामाओ। सिरिसीयलजिणचंदो होही इगपुव्वलक्खाऊ ॥३१२०॥ अयरसएणेगेणं छावठी वरिससयसहस्सेहिं । छव्वीसाए' तहा परिससहस्सेहि ऊणाए ॥३१२१।। अयरोवमकोडीए समइक्कंताए सीयलजिणाओ । सेज्जंसो चउरासी संवच्छरसयसहस्साऊ ।।३१२२॥ सेज्जंसजिणिदाओ चउपन्नाए गयाए अयराणं । वसपूज्जो बावत्तरि संवच्छरसयसहस्साऊ ।।३१२३॥ तीसेहिं अयरेहिं तओ गएहिं वसुपुज्जजिणवरिंदाओ । विमलजिणिदो सट्ठी संवच्छरसयसहस्साऊ ॥३१२४॥ विमलजिणिदाहिंतो समइक्कतेहिं नवहिं अयरेहिं । होहीती संवच्छरलक्खाऊणं तइ जिणिदो ॥३१२५।। चउहि अयरोवमेहि समइक्कतेहिं णत इजिणाओ । धम्मजिणिदो होही दसवच्छरसयसहस्साऊ ॥३१२६।। अयरतिगेण गएण पलियचउब्भागतिगविहीणेणं । धम्मजिणाओ संती संवच्छरसयसहस्साऊ ॥३१२७।। तत्तो पलियद्धणं समइक्कतेण संति नामाओ । पंचाणउई वच्छरसहसाऊ कुंथुतित्थयरो ॥३१२८।। पलियचउब्भाएणं सवच्छरकोडिसहसहीणेणं । कुंथूओ अरनामा चउरासी वरिससहस्साऊ ॥३१२९।। कोडिसहस्सेण तओ वरिसाण गएण अरजिणिदाओ । चउपण्णा संवच्छरसहसाऊमल्लितित्थयरो ॥३१२०।। मल्लिजिणाओ गएहिं चउप्पण्णाए य वासलक्खेहिं । मुणिसुव्वयनामा तीसवरिससहस्साउओ होही ॥३१३१।।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |