Page Text
________________
सिरिरिसहसामिवेसणा
उब्भियभयए एवं दिणे-दिणे पयंपेइ । अण्णम्मि दिणे एयं सुणिय पूच्छिओ भोगदेवेण--"वच्छ! को एयरस जंपियस्स भावत्थो?" तेण भणियं--"सुण, एत्थेव नयरे दुग्गयपड.गो न.म तायस्स घरे कम्मयरो अहमहेसि महरिसिदाणफलेण एयस्स चेव घरस्स सामिओ जाओ। अओ एयं पयंपेमि।" एवं सूणिय जाओ केवलिवयणे भोगदेवस्स पच्चओ दाणबहुमाणो य ।
अण्णाम्म दिणे भिक्खट्ठा पवितॄण ट्ठिो अइसयनाणिणा गुणधरसाहुणा । भणिया य-“भो बालय ! न एगंतेण हरिसो कायव्वो । जओ
- जो ते पिया संचयसीलो अदिन्नदाणअभत्तधणो होंत दालिदिओ सो मरिऊण नागिलरोर-दारओ जाओ। अच्वंतवसो जणणि-जणयाण। असंपज्जंतपाण-भोयणो निरयपडिरुवियं वेयणं वेएमाणो कालं गमेइ ।
अओ हरिसविसाया समं चेव जीवाण वटुंति । एवं कहिअ गओ मुणिवरो तं सुणिय-- खद्ध न दिण्णु न धणिय-धणु, गडहिं गोविउ भुक्कु । न वि परलोउ न एहु भवु दुहिं वि पयारहं चक्कु ।।२२६९।। कम्मयरो धरसामी घरसामी तस्स चेव कम्मयरो। को सद्दहेइ एवं अन्वो ! विहिविलासयं विसमं ।।२२७०॥
एवं विचिंतियपरुण्णा सदुक्खं धणसुंदरी। तओ विसण्णमाणसाए सद्दावेऊण भणिओ नागिलो धणसुंदरीए-मह घरे तुब्भेहि कम्म कायव्वं । एस पुण पुत्तगो न वि माणेयव्वो महल्लगो संतो एसो वि मह घरे कम्मयरो भविस्सइ । पडिवण्णमणेहिं तहेव कुणंताण वच्चंति वासरा । अण्ण म्मि दिणे भोगदेवो रयणीए सुहपसुत्तो महिला जुयलस्स संलावं सुणेइ । एगा भणइ भइणि !. का तुमं?" बीयाए भणियं-" भोगदेवघरलच्छी" इयरीए भणियं-" कुसलं ते।" तीए भणियं-" अवरावरदाण-भोगकज्जासत्तेण भोगदेवेण वा वरिज्जमाणीए आणासारसामि कम्मयरीए विव कत्तो मे कुसलं?" बीयाए भणियं--"तुमं का? तीए भणियं-" अहं पुण संचयसीलसत्थवाहघरसिरी।" पढमाए भणियं-" सुहसंवासो ते?" तीए भणियं-" नरयंधयारमहल्लगड्डा एगो वियाए अदिट्ठससि-सूरकरनियराए वंदिणीए विव तमबहुलकारागारपक्खित्ताए कत्तो मे सुहवासो ? निरंतरं निरोह-दुक्खदुक्खिया दुक्खं वसामि ।" भोगदेवेण चितियं” दो वि दुक्खियाओ। अहो लच्छीए नत्थि थिरीकरणोवाओ। एसा हि लच्छी न सोह सज्झा न नासा य सज्झा न भत्तिगिज्झा न रक्खणतो सिरी। दाणभोगरोसिरी उवयारकारिणो वि दोसपोसिरी विसमसीला न नज्जइ कहमणुणेव्वा। जावज्जवि न मयइ ताव इमीए चाओ चेव साहुणो' त्ति, चितिऊण गओ नियनयरे। काऊण जिणसाहुपूयं दाऊण दीणाणाहाण दाणं संभासिऊण सुहिसयणवग्गं कुडुंबभारे ठवेऊण भोगदत्तपुत्तं पवड्ढमाणसुहज्झवसाणो कल्लं पव्वइस्सामि त्ति चिंतयंतो रयणीए सुत्तो । महिला रूवधारिणीए भणिओ लच्छीए-भोगदेव! जहिच्छं दिन्ना भुत्ता य अमुयंती चेव मुक्का तो छलिया है तए भण, किं करेमि?" तेण भणियं--"न मे कायव्वमत्थि। सुएण सहसम्मं वट्टेयव्वं" एवं ति पडिवज्जिय गया सिरी। बीयदिवसे भोगदेवो समं भोगवईए निक्खंतो पसंतायरियसमीवे परिपालिऊण निरइयारं सामण्णं विहिविहियाराहणो मरिऊण सव्वळें गओ। भोगवई वि तत्थेव समुप्पण्णा तत्तो चुयासिज्झिस्संति । इओ य सो सिरिदेवो सिरीए परिहरिओ परधरेसु कुकम्माणि कुणंतो भो सिरिदेव ! तिक्कालं पूयंतस्स वि ते कहिं गया लच्छी एवं सयलजणेण हसिज्जतो कालमइवाहेइ । एयावसरे उवरओ सिरिदेवस्स विलक्खणसुओ पुणो वि लच्छी सिरिदेवमंदिरमागया। जाओ सयलजणसम्मओ। ,
_एगया रणणीए वरपल्लंकगओ रुयमाणी महिलं पासइ। पुच्छ्यिा य--"भद्दे ! का तुमं? किं कारण वा सदुक्खं रोविज्जह?" तीए भणियं-"तह घरसिरी, रोयब्वे पूण इमं कारणं-'तए सह विओगो विय लक्खियइ। जओ-जा तए बीया घरिणी परिणीया सा अलच्छी, तीए सह नत्थि मह एगत्थ वासो पुणो दसणं" ति भणिय अदंसणं गया सिरी। भुज्जो वि तं चेव दालिदं सो चेव जणपराभवो' सिरिदेवस्स। १. महसिरिदाण पा० । २. घरलच्छी। इयरिए भणि ० पा० । ३. सुह वा संवाअोसो ? पा० । ४. लच्छी नासाय सज्झा। जे०। ५. छलिया हं पभण पा०। ६. जाया स. जे.। ७. चेव पराभ पा० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |