Page Text
________________
२०४
जुगाइजिणिदरिय
भणियं--"तुह सोयदंसणत्यं" ति भणिय अदंसणं गया। सुडवोद्दो वि लज्जावणयकंधरो किलेससंपाइयपाणवित्ती सयलजणहसणिज्जो कालं गमेइ। ता कुमर ! एय पज्जवसाणा लच्छी । सिरिदेवेण पुण परिहरियसेसदेवयाणि कारिया लच्छीए पडिमा। पहाणपुप्फ-गंध-धूवाइएहिं करेइ तिक्कालमच्चणं । अण्णम्मि दिणे पहसियमुहं लच्छि पेच्छिऊण पुच्छइ"भगवइ! किं परिहासकारणं?" लच्छीए भणियं--"तुह चरियं ।" तेण भणियं केरिसं ?" लच्छीए भणियं--"जो तुम परमपयपसाहगे परकारुणिगे सचराचर-जीव-वच्छले सुरासुर-नरपमुहपणमियचलणे अरहताडदेवयाविसेसे विहुणियइहलोग फलपडिबद्धो मम मच्चवयोरेण उवरोहेसि ? जम्मंतरोवज्जियं पुण्णपरिणइवसेण मह थिरत्तणं न उण उवयारेण।" सिरिदेवेण भणियं-"भयवइ ! तुह पूयापरायणस्स जं होइ तं होउ" तहेव सिरिए सुस्सूसं कुणंतस्स वच्चंति वासरा।
अण्णम्मि दिणे साममुहं लच्छि ददृ ण पुच्छइ-"भगवइ-किं कारणमज्ज तुमं विवण्णवयणा विय लक्खीयसि ?" तीए भणियं-"जो एस ते दारओ जातो सो विलक्षणो। अओ तुह घरमुज्झिओ कामा तुह विओगासंकिरी एवंविहा जाया ।
सो कोवि घरे जाइ सलक्खणो मणूय-तिरियमज्झम्मि । जेण घरमागएणं वित्थरइ समंतओ लच्छी ।।२२६६।। सो को वि घरे जायइ विलक्खणो मणुय-तिरियमज्झम्मि । जेण घरमागएणं भीय व्व पलायए लच्छी ।।२२६७।।
सिरिदेवेण भणिय--“कहिं गच्छसि ?" तीए भणियं--"अत्थि एत्थेव नयरे जम्मंतरदिन्नमुणिदाणोवज्जियविसालभोगो भोगदेवो नाम सत्थवाहो। तस्स घरे ।" तहेव गया। कइवयदिणमज्झे वित्थरिओ हिरण्णाइणा भोगदेवो । भणिया भोगवई--"पिए! देहि जहिच्छाए भुंजसु य सयं जावेसा करिकण्णचंचला तह घरे धरइ लच्छी पच्छा पारत्तहियं करिस्सामो।" सा वि सयं चेव दाणरसिया बीयं पुण भत्तणा भणिया तहेव दाउमारद्धा सद्धा विसेसओ, जो जहा गिण्हइ तस्स तहेव वियरइ ।
संचयसीलसत्थवाह कहा--
अण्णया समागओ केवली । निग्गया वदणवडियाए लोय। । भोगदेवो वि गओ समं भोगवईए कया भगवया संसारनिव्वेयजणणी धम्मदेसणा। अवसरं लहिऊण पुच्छिओ भोगदेवेण केवली--"भयवं! दाणस्स कि फलं?" केवलिलिणा भणियं-"विसालसाले नयरे दुग्गयपडागो नाम संचयसीलसत्थवाहकम्मकरो पुच्छ्यिब्वो।" उवरया धम्मदेसणा। जहागयं पडिगया लोया। कइवयदिणावसाणे अण्णत्थविहरिओ केवली। भोगदेवो वि समं भोगवईए गओ विसालसाले , नयरे । भवियव्वयानिओगेण पविसंतेणेवं भोगदेवेण दिट्टा दुग्गयपडागघरिणी दुग्गिला। पुच्छिया य--"भद्दे ! कहि संचयसीलसत्थवाहस्स घरं?" तीए भणियं--"एह दंसेमि ।" गया णिहिटा । पुच्छ्यिा संचयसीलघरिणी धणसंदरी--"अत्थेत्थ तुम्ह घरे दुग्गयपडागो नाम कम्मयरो! तीए भणियं--"आसि, संपयं पुण नवमो मासो मयस्स।" धणसुंदरीए भणियं"किं तेण पओयणं? भोगदेवेण वि कहिओ केलिकहणवुत्तंतो। एत्थंतरे समागओ संचयसीलो। दंसियं घरमेगं भोगदेवस्स । ठिओ तहिं । अण्णम्मि दिणे पसूया धणसुंदरी। जाओ दारओ। वद्धादिओ घरदासीए सत्थवाहो। सो पुण अत्थव्ययभीरुओ मोणमासिओ। विलक्खवयणा पडिनियत्ता दासी। सत्थवाहो वि घराओ नीहरिय बाहिं गओ। अण्णम्मि दिणे भणिओ धणसुंदरीए सत्थवाहो--"पिययम! अपुत्ताए मे पूत्तगो जाओ। तुम पुण दाणभोगभीओ । कि करेसि इमाए भूभारकराए लच्छीए?" अहो! विभिण्णचित्ता अयाणया मे घरिणी। न याणइ अत्थोवज्जाणा किलेसं" ति, चितयंतो महया अज्झाणेण दिणं गमेऊण रयणीए विसूइया दोसेण मरिऊण समप्पण्णो तम्मि चेव नयरे नागिलदारिहियदारओ। आजम्माओ अणिट्टो जणणि-जणयाण । मह्या किलेसेण कालं गमेइ। पुत्तस्स वि समुचियसमए पइट्टावियं नाम धणदत्तो। सो पुण तं घरं घरपरियणं च दट्टण संजायजाईसरणोएगागी चेव एवं भणेइ--
दाण ज दिण्णउं मुणिवरहं चडिओ तं पत्तिय तोडि। रे कस्स वि मह संपडिय जं तेरस धण कोडि ॥२२६८॥ . १. ला मह घरे जे०। २. जाईसरणो बालोविव कंपाविय कंधरो उब्भियसमुनो एगागी चेव एवं पयंपइ--अहो ! पेच्छह सुपत्तदाणमाहम्प्पं जेणाहं दुग्गो वि होऊण तेरस कोडीसरो जाओ। एवं दिणे दिणे। पा० ३. य भुय पा प्रतौ नास्ति ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |