Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 238

सिरिरिसहसामिदेसणा
अहं परं चिरंतरेण । पहटमहपंकयाए भणियं तिरियगईए--"अहो ! अभिन्नहियओ मे दइओ ।" निज्जामयपूरिसेहि चितियं--"इमाणि थेवेण सुहंतराणि न किं चि भवियव्वाणि ।" भव्वेण भणियं-“भो निज्जामया! अहं कइवय वरिसावसाणे समागमिस्सामि ।" मणयगईए भणियं--"दइय! को तुमं मोत्तूण समुचियभासओ?" पुरिसेहिं चितियं-- "एसो वि न किं चि भणियव्वो।" आसण्णभव्वेण भणियं--"अहमेसिमेसं वच्छरे समागंता।" देवगईए भणियं"नाह ! संगयमेयं सो वि उवेहिओ।" तओ भणिओ निजामएहिं तब्भवसिद्धिओ-तुम कि करेसि?" तेण भणियं"सज्जो हं तुम्हें वयणकरणे नित्थारेह में इमाओ वसणसमद्दाओ । तुच्छमेत्थदीवे सोक्खं अणिच्चं बहपच्चवायं च अकयकालक्खेवं पयट्टह वच्चामो ।" सिद्धिगईए भणियं--"अहरियसुरगुरुमइविहवो ते विवेओ। विविहदुहाउलो मुच्चउ एस दीवो गम्मउ तडतओ ।" पयट्रो: तब्भवसिद्धिओ सह निजामएहिं । आरूढो दोणीए लहं चेव मिलिओ नाइत्तगस्स । पुच्छिओ तेण वृत्तंतो । साहिओ तब्भवसिद्धिएण। खेमेण पत्ता तडं । मिलिओ सुहि-सयणनिद्धबंधूणं तब्भवसिद्धिओ त्ति । भगवया भणियं--"कुरुकूमार! संपयं उवणयं निसामेह" जो एस जम्म-जरा-मरण-रोगसोगावत्तसंकुलो सो संसारोदही जो पूण इविओगाणिसंपओग-दारिद्रोहग्गाइदोसमिओ सारीरमाणसाणेग दुक्खदंदोलिसमाउलो कंथारिकुंडगीदीवो सो माणसजम्मो । जे पूण पंच पूरिसा ते पंचगइगामिणो जीवा । ताण घरिणी तुल्लाओ कउयच्छि, कथारि, वयरि, काउंबरि करुणा, कुडंगीओ जहण्णमज्झिमउत्तमाओ ।
नरयगई तिरियगई घरिणीओ दो वि पावघरिणीओ । पावाण जहण्णाणं पुरिसाणं तासु पडिबंधो ॥२१८८।। मणुयगई देवगई एयाओ दो वि मज्झिमगुणाओ । मज्झिमजगाण जायइ पडिबंधो तासु दोसुं पि ।।२१८९।। जे हुँति उत्तमनरा पडिबंधो ताण भावओ होइ । कल्लाणकारिणीए सिद्धिगईए सया कालं ॥२१९०॥
फलतुल्लाई तासिं चेव पुत्तभंडाई अणाइमोहमोहिया दारिदृ-वाहि-दूहसयसउणेहितो ते पूरिसा ताणि चेव सा रक्खंता चिट्ठति । सुवित्तनाइत्तगसरिसो धम्मायरिओ, निजामयपुरिसत्थाणीया मोक्खपहसहाया साहुणो, दोणी समाणा सव्वसावज्जविरइरूवा सव्वण्णुप्पणीया दिक्खा, तीरसरिच्छं नेव्वाणं, ति ।
संसारदुक्खतविए जीवे तारेति ते महासत्ता । निज्जामयसारिच्छा सुसाहुणो तेण वुच्चंति ॥२१९१।। भो भो तुच्छभोगा सुक्काइसमुभवा अइविलीणा । ता मोत्तुमिमे धम्मं करेह पावेह जेण सिवं ॥२१९२।। इमाए साहुवयणं सोऊण समुद्धरो, उवहसंतो । भणइ अभव्यो' एवं को मोक्खो केण सो दिट्ठो? ॥२१९३।। इह माणुसम्मि दीवे घरघरणि सुहाई डिभरूवाइं । वरवत्थाहरणाई मणवंछियपाण-भोज्जाइं ॥२१९४।। सद्द-रस-रूव-गंधा-फासाई मणोहरा इहं चेव । जत्थ न एयाइं तहिं मोक्खे दुक्खं न उण सोक्खं ॥२१९५।। एवं सो अवगण्णियसिद्धिसुहो विसयकद्दमासत्तो । घरकोइलो' व्व अभव्वो भमिही संसारकंतारे ॥२१९६।। तह दूरभवियपुरिसो मुणिवयणं सुणियदेसणा गभं। भणइ इमं तयहुत्तं चिराओ तुह वयणसज्जोहं ।।२१९७।। गभधरा मे घरिणी लहुओ बालो अट्टाविया दुहिया । ज जुत्तं तं काहं सुत्थं काऊण एयाण ॥२१९८।। एवं भणिऊण ठिओ बीए वरिसम्मि पसविया घरिणी । पुणरवि मुणीहिं भणिओ पुणरवि आलवणं एयं ॥२१९९।। नाऊण वि जिणवयणं जं वा तं वावलंबणं10 काउं। न मुयंति धरावासं कहिं वि जे दूरभव्वजणा ॥२२००।। तइओ पुण जो भव्वो पुरिसो पभणेइ1 साहुजणपुरओ । वासेमि घरावासं भयवं सत्तट्ठवासाइं ॥२२०१।। पच्छा भगवंताणं ताणं दुहियाण सव्वसत्ताण । दुग्गइगमणे आणं आणमहमसंसयं काहं ॥२२०२।।
आसन्नभव्वपुरिसो उवएस12 सुणियभणइ मणिपुरओ। एयावसरे नियमा करेमि निरवज्जपवज्जं ॥२२०३।। १ . पहिट्ठ जे० । २. पयट्टो जे० । ३. निसामेहि जे० । ४. लो संसारो सो महाजलनिही जे० । ५. दूसिनो जे० । ६. अहम्मो एवं जे० । ७. घर कालो व्व अभव्वो, जे० । ८. वयणमुणियदेस पा.० । ६. अट्ठाहिया जे० । १०. वि यालंवणं पा० ।११. रिसो सो भणइ पा० । १२, सो पाएसं मुणिय पा० ।