Page Text
________________
सिरिरिसहसा मिदेसणा
महुयरि सरिसा रोगा खय- कोढि - भगंदराइया बहवे । जेहि दुहतो सत्तो न लहइ विसए इहं भोक्तुं ॥२०६०॥ जो विय सो सरथंभो त आउं जेण जीवए जीवो। तं किण्ह सुक्कपक्खा छिदंति निरंतरं तुरिया ।।२०६१।। बहुदुक्ख विसयहं अप्पसुहं भंगुर मुणेऊण । को नाम करेज्ज इमं सोक्खे महुबिदुयसमा । २०६२ ।। एक्केक्कविसंयसत्ता मिगाइणो दुक्खसागरं पत्ता । पंचसु सत्तो सत्तो जं पावइ तं निसामेह ॥। २०६३।। अत्थि कलिंगा विसए रम्मं वणसंडडिओदेसं । कंचणरयणसमिद्धं कंचणनगरं ति नामेण || २०६४ ।। तम्मि पुरे धणवंतो रायामच्चाण सम्मओ सेढी । परिवसइ वसणरहिओ सुमंगलो नाम नामेण ॥। २०६५।। सेस तस्स भज्जा ससिवयणा कमलगब्भसुकुमाला । विणओवयारकुसुला जयावली नाम जयपडा || २०६६ ।। रूवेण जोव्वणेण य कलाहिं संजणियजणचमक्कारा । मयरद्धयघ रणिसमा ताण सुया सुंदरी णाम ||२०६७।। सा सुंदरेण दिट्ठा सुरसुंदरपवरसेट्ठिपुत्तेण । रायपहे वच्चंती सहियणसहिया वि सा लच्छी ||२०६८ ।। तम्मयमिव मन्नंतो घरं पुरं काणणं च उज्जाणं । मय रद्धयसरधोरणिविहुरिय हियओ घरं पत्तो || २०६९।। नाऊण पुत्तचित्तं पिउणा गंतूण मग्गिओ सेट्ठी । पडिवन्ना तेण तओ सत्था वत्थोवणी जाओ ।।२०७० || अन्नो वि तत्थ नयरे कुबेरनामो कुबेरसमविभवो । बहुसयणो वसइ वणी कुबेरदत्तो सुआ तस्स ॥। २०७१ ।। तेण वि गंतूण घरे जयावली पणयपत्थण पुव्वं । भणिया देहि दुहियरं सुयस्स मे तीए पडिवन्नं ।।२०७२।। महया महूसवेणं विवाहसामग्गियं कुणंताणं । संपत्तो सो दियहो वरा वि पत्ता घरदुवारे || २०७३ || समविहवा समसयणा समगणणा दो वि लोयमज्झम्मि । मत्तवणवारणा इव निरंकुसा दाणदुल्ललिया || २०७४।। सन्निद्धबद्धकवया होऊणं दो वि जुज्झिउं लग्गा । कायरभयसंजणणो हलबोलो तत्थ संजाओ ।। १०७५ ।। संकडमेयं कज्जं सुमंगलो पाहुडाणि घेत्तूण । सुहिसयणसंपरिवुडो संपत्तो रायपासम्म ||२०७६ ॥ विन्नत्तो तेण निवो जहट्ठियं साहिऊण वृत्तंत्तं । एह मह मंडवम्मी न अन्नहा कलहवोच्छेओ ।।२०७७ ।। पडवण्णं नरवइणा तेणेव समं समागओ तुरियं । मंडवमज्झट्ठियमउय- फासपल्लंकमासीणो ।।२०७८ ।। काऊण य उवयारं सुमंगलो निवडिऊण चलणेसु । नियदुहियं दाईतो एवं भणिउं समाढतो ।।२०७९ ।। एसा राय मह सुया सुंदरि नामेण सुंदरायारा । दिज्जऊ सामि सयं चिय जो भे चित्तस्स पडिहार || २०८० ।। दट्ठूण सुंदर नरवरो वि मयणेण मोहिओ संतो । भणइ सुमंगल संपइ सिरम्मिं मे वेयणा जाया ।। २०८१ ।। ता गम्मउ ताव घरं वरा विसज्जेसु चलउ लग्गमिणं । पच्छा वि हु जं जुत्तं तं चैव सयं करिस्समि ॥ २०८२ ॥ एवं भणिऊण गओ नियभवणे दुम्मणो नररिंदो । वासघरम्मि नुवण्णो सेवागयमंतिणा दिट्ठो || २०८३ || पुट्ठो य पणमिणं कहेसु जइ देव ! होइ कहणिज्जं । किमिमं तुम्ह सरीरे अथक्कायल्लयं जायं ॥। २०८४ ।। भइ निवो सुण कज्जं जइ सा सेट्ठिस्स अंगया मज्झं । न हवइ घरिणी तो मे मरणं सरणं न संदेहो ॥२०८५ ।। नेहडुला जुयारि जिम्व सविरलु भल्ला होइ । अणु ने न किज्जई जं तु सरड्ढी होइ ।। २०८६ ।। जं तु सरड्डी होइ लोइवयणिज्जं दावइ । किज्जंतु वि अइ घणउ नेहु माणुस संतावइ ।। २०८७ ।। सो विलु सयलु रसालु होइ न वि विहडइ वहिलु । जिम्व जोयारिहिच्छोड् तेम्व पियजणि नेहु डुला || २०८८|| भणिय भइ मंती सामिय हत्थागयं इमं कज्जं । जं सो मह साहीणो सुमंगलो सुंदरी जणओ || २०८९ ।। गंतूण तस्सभवणं सामेण नएण तह उवाएण । भणिऊण नेगमवरं जहा देइ तहा करिस्सामि ॥। २०९० ।।
Jain Education International
For Private & Personal Use Only
१९१
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |