Page Text
________________
जुगाइदिचयं
। २०२८ ।।
।। २०२९ ।।
जं इंदियविसयसुहं न तं सुहं पंडिया पसंसंति । सासयमउलमणंतं जं सोक्खं तं बुहा बेंति कहतं भण्णइ सुक्ख सुचिरेण वि जस्स दुक्खमल्लियइ । जं च खणेण विणस्सइ जस्स य मरणं धुवं अंते जं विरत्तस्स सुहं जंच सुहं कामरागरत्तस्स । दोण्ह वि सुहाण विउसा महंतर अंतरं बेंति । २०३० || कामिकामरई मोहियस्स पियजणस्स विओगकालम्मि । जं उप्पज्जइ दुक्खं कत्तो तं वीयरागस्स ॥। २०३१ ।। विणियत्तविसयतिहो निराउलो कामरागरइरहिओ । जं सो पावइ सोक्खं कत्तो तमवीयरागस्स ।। २०३२।। तेलोक्कसव्वसारं सोक्खाणं जं च उत्तमं सोक्खं । मोत्तृणं विसयसुहं तम्मि मई कुणह किं बहुणा ।।२०३३ || तं सुणह कहिज्जतं उवमा दिट्ठतकारणनिबद्धं । जत्तियमेत्तं सोक्खं दुक्खं वा विसयगिद्धस्स ।। २०३४ || तित्थाण दंसणत्थं कोई पुरिसो महीए हिंडतो । अडवि महाकडिल्लं सावयसयसंकुलं पत्तो । २०३५ ।। भीमभयद्दहियओ वच्चइ सो सव्वओ पलोईतो । पेच्छइ य मग्गं लग्गं वणहत्थि कालदूयं व || २०३६।। मरणमह भयभीओ तो सो वेगेण पत्थिओ पुरिसो । अह पेच्छइ वडरुक्खं तस्स अहे सुक्ककूयं च ।। २०३७।। संपत्तो य गयवरो रुक्खं व विलग्गिजं न सक्केइ । कूयस्स तडे पेच्छइ सरथंभं ऊसियं दीहं ॥। २०३८ || वणगयभयसंतत्थो सरथंभं गिहिऊण सो पुरिसो । कूयम्मि मुयइ अप्पं अच्छइ सरथंभलंबतो । २०३९ ।। तेण पडतेण तहिं चउसु वि य दिसासु दित्तउग्गविसा । पडिबोहिया भुयंगा ते तं डसिउं अभिलसंति ॥ २०४० ॥ लंबतो उद्धभुओ तडं न अल्लियइ ताण भयभीओ । अह हिट्ठे वि नियच्छइ उड्ढमुहं अयगरं घोरं । २०४१ ।। सुक्किल कहा य दुवे खणंति मूलाई मूसया तस्स । सरथंभस्स य तुरियं जत्थ य सो लंबए पुरिसो || २०४२ ।। का मज्झ जीवियासा जत्थ वि लंबामि सो वि अचिरेण । पडिही मए समाणं सरथंभो अयगरमुहम्मि || २०४३ || रोसाऊरियनयणो वडखंध हणइ दंतेहि ॥। २०४४।। घेत्तृणमवायंतो तं पुरिसं गयवरं । गुलगुलितो । संचालिओ तरुवरो तस्स य कूवस्स उवरि सालाए । आसि महुकंडरं गुरु तं पि हु संचालियं तेण ।। २०४५ ॥ संचालिए महुम्मि उ उड्डेडं महुयरीओ रुसियाओ । पुरिसं निच्चलचिट्ठे डसंति तं अंगमंगेसु || २०४६ ।। वायविहुए मम्मी कह वि तु लग्गेण तस्स पुरिसस्स । पडिया निडालवट्ठे महुबिंदू परमछुहियस्स ॥। २०४७॥ Bafi मयमत्तकरी हिट्ठा वि हु अयगरो जमसरिच्छो । मुसा छिदंति सरं एवं सो संकडावडिओ || २०४८ ।। अवहत्थियसेसभओ निडालवडियाओ' वयणमावडियं । आसायइ महुबिंदू तग्गयचित्तो रसासत्तो || २०४९ ।। तं हत्थिभयं घोरं सप्पभयं अयगरस्स जं व भयं । महुयरिडसणभयं चिय न चितियं तेण पुरिसेण ॥। २०५०|| सरथंभछंदणं पिय पडणं वि य अयगरमुहम्मि घोरम्मि । जिब्भिदियमणुरत्तो न गणेइ भयाई सव्वाई ॥। २०५१ । । अवगण्णियमरणभओ बहूह दुक्खेहिं दुक्खियसरीरो । तह वि महुबिंदुतिसिओ महुबिंदु रसइ सो पुरिसो । २०५२ ।। ता भी कह तुभे एवं दुहट्टस्स तस्स पुरिसस्स । कित्तियमेतं सोक्खं दुक्खं वा केत्तियं मेत्तं ।। २०५३ ।। तो ते भांति भयवं ! वसणसमुद्दम्मि तस्स पडियस्स । बहुयं दुक्खं दीसइ थोवं महुबिंदुपडणसुहं ॥। २०५४ || गज्जो सो पुरिसो पडिओ वसणम्मि निरवसाणम्मि । पत्थेइ तह वि सोक्खं महुबिदुसमुब्भवं तुच्छं ।। २०५५ ।। भइ त भुवणगुरू दिट्ठतो एस विसयतिसियस्स । पुरिसस्स महिलियाए उवसंहारं निसामेह || २०५६ ।। जह हत्थी तह मच्चू मणुयभवो सुक्ककुवसारिच्छो । संसाराडवि मज्झे कह वि भमंतेण सो लद्धो । २०५७।। जे ते सप्पा चउरो उग्गविसा कोह- माण- मय- लोभा । डक्को जेहि मणूसो कज्जाकज्जाईन मुणेइ ।। २०५८ ।। जो विय अयगरसप्पो सो नरओ पावकम्मकारिस्स । पडिओ जत्थ मणुसो अणुहवइ बहूणि दुक्खाणि ।। २०५९ ।। १ सं मयगलो पा. २ वडखंभं जे. । ३ रम दुहिय जे । ४ ल बद्धाश्र जे. ।
१९०
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |