Page Text
________________
भरहचक्कवट्टिस्स वण्णओ
१८१
पच्चोरुहद्द पच्चोरुहित्ता सोलसदेवसहस्से सक्कारेइ सम्माणेइ पडिविसज्जेइ। एवं बत्तीसं रायवरसहस्से सेणावइ गाहावइ, वड्ढइ, पुरोहियरयणे तिन्नि सट्टा सूयार-सया अट्रारससेणिप्पसेणीओ अन्ने य बहवे राईसर-तलवर -माइंबिय-कोइंबिय-सेट्रि-सत्थवाह-पभिइओ सक्कारिता सम्माणित्ता पडिविसज्जेइ। इत्थीरयणेणं बत्तीसाए पवररायकन्नया सहस्सेहिं बत्तीसाए य जणवयप्पहाणकन्नया सहस्सेहिं बत्तीसाए य बत्तीसइबद्धेहिं नाडयसहस्सेहिं सद्धि संपरिवुडे कुबेरराया व केलाससिहरिसिंगभूयं भवणवरवडिसयं अणुपविठे। -
तए णं से भरहे राया पुव्वाभिमहे सिंहासणवरनिसपणे कयनाणाविहकोऊय-मंगलोवयारे विविहसंकहाहिं खणमेत्तमच्छिऊण मज्जणधरमणुपविसइ पवरमज्जणविहीए मज्जिए मित्त-नाइ-नियग-सयण-संबंधिपरियणेण अन्नेहिं य भड-भोईएहिं सद्धि अट्टमभत्ताओ पारेइ उप्पि पासायवरगए फूटतेहिं मइंगमत्थएहिं बत्तीसइबद्धेहिं नाडएहि उवलालिज्जमाणे २ उवगिज्जमाणे महया हय-नट्ट-गीय-वाइय-तंती-तल-ताल-मुइंगपडु-पवाइयरवेणं माणुस्सगाई भोगभोगाई भुंजमाणे विहरइ।
तए णं तस्स भरहस्सरण्णो अण्णया कयाइ ते देवाइया महारायाभिसेयं काउकामा भरहरायाणं विनवंति"जिए णं देवाणुप्पिएहिं भारहे वासे, वसमवागया विज्जाहराइया रायाणो तमणुजाणह महारायाभिसेयं करेमो।" भरहो वि तं देवाइयाण चवणमणुमण्णइ ते वि हतुट्ठा कयंजलिणो आभिओगिया देवा विणीयाए नयरीए उत्तरपुरस्थिमे दिसीभाए एगं महं अभिसेयमंडवं विउविसु विउवित्ता समुहोदगाणि य तित्थोदगाणि य महादहोदगाणि य गंगोदगाणि य णाणाविहाओ ओसहीओ य उवट्टवेंति । तए णं से भरहे. राया इत्थीरयणेणं सेसंतेउरेण य नाडगसहस्सेहिं य संपरिवुडे अभिसेगमंडवं अणुपविसइ ससिंहासणं ण्हाणपेढमणुपयाहिणी करेमाणे पुरथिमिल्लेणं ति सोमाणेणं दुरुहइ, ता सीहासणे परत्थाभिमुहे निसण्णे। तए णं ते बत्तीसं रायवरसहस्सा उत्तरिल्लेणं तिसोमाणेणं दुरुहंति दुरुहित्ता भरहस्स रणो नच्चासण्णे नाइदूरे निय-निय भद्दासणगया सुस्सूसमाणा नमसमाणा पंजलिउडा पज्जुवासिति । तए णं सेणावइरयणे गाहावइरयणे बढइरयणे पुरोहियरयणे अण्णे वि बहवे सेट्रि-सत्थवाहमाइया दाहिणिल्लेणं ति सोमाणेणं, दुरुहित्ता समुचियासणे सन्निसण्णा कयंजलिणो चिठ्ठति । तए णं ते आभिओगिया देवा महत्थं महग्धं महारिहं महारायाभिसेयं उव्वति। ताहे ते बत्तीसं रायवरसहस्सा आभिओगिया य देवा अण्णे य सेट्रि-सत्थवाहपभिईओ सोहणंसि तिहि-करण-नक्खत्त-महत्तंसि तेहिं तेहिं साभाविएहिं उत्तरवेउव्विएहि य रयणकलसेहिं कणयकलसेहिं रययकलसेहिं वरकमलपइदाणेहिं महया महया अभिसेएणं अभिसिंचंति २त्ता पत्तेयं पत्तेयं करयलपरिग्गहियं सिरसावत्तं अंजलि मत्थए कट जएणं विजएणं वद्धाविति वद्धावित्ता पम्हलसूमालाए गंधकासाईयाए गायाई लूहिति । मउडं सिरिउसभसंतियं सक्क वि दिण्णं पिणिधंति । तयणंतरं दद्दरमलयसुगंधिगंधिएहिं गायाई सुरकुंडं ति दिव्वं च सुमणदाम पिणद्धंति । दिव्वं देवंसुयजुयलं नियंसाविति । कि बहुणा कप्परुक्खं पिव अलंकियविभूसियं करेंसु देवा । तए णं से भरहे राया कोडुबियपुरिसे सद्दावेइ सद्दावेत्ता एवं बयासी-"खिप्पामेव भो! हत्थिखंधवरगया विणीयनगरि समंतओ हिंडिऊण उस्सुकं उक्करं अदंडिमं कुदंडिमं अभडप्पवेसं दुवालससंवच्छराणि महापमोयकलियं करेह कारवेह य करेत्ता कारवेत्ता य एयमाणत्तियं पच्चप्पिणह। ते वि तहेव करेत्ता पच्चप्पिणंति। तए णं से भरहे राया सिंहासणाओ अब्भुढेइ, अब्भुट्टित्ता पुरत्थिमेणं तिसोमाणेणं पच्चोरुहिता गयवई दुरूढे रायमाई वि जेणं दुरूढा तेणं ति सोमाणेणं पच्चोरुहंति पच्चोरुहित्ता समंतओ चक्कहरं परिवारेति। तए णं से भरहे राया बहुजणपरिवारपरिवरिए नियपासायवडेंसयमागए। तए णं चक्काहिवे दुवालससंवच्छरियंसि पमोयंसि निव्वत्तंसि समाणंसि ण्हाए कयबलिकम्मे कयकोऊयमंगलपायच्छित्ते अप्पमहग्घाभरणालंकियसरीरे सकोरेंटदामेणं छत्तेणं धरिज्जमाणेणं सेयवरचामराहिं उद्धव्वमाणीहिं२ ससि व्व पियदसणेहिं नरवई जेणेव बाहिरिया उवट्ठाणसाला तेणेव उवागच्छइ उवागच्छित्ता सिंहासणवरगते सोलसदेव सहस्से सक्कारेइ सम्माणेइ सम्माणित्ता पडिविसज्जेइ उप्पि पासायवरपए विसयसुहमणुहवमाणे विहरइ । भरहस्स णं रण्णो चक्करयणे छत्तरयणे दंडरयणे असिरयणे एए चत्तारि एगिदियरयणा आउहघरसालाए समुप्पण्णा। चम्मरयणे मणिरयणे कागिणि
१. कण्णयाण सह. पा.१. पहाणा कन्न पा.३. अदंडिम अभड़ जे.
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |