Jugaijinandachariyam

SR No.: 001593
Original Sutra Author: Vardhmansuri
Author: Rupendrakumar Pagariya, Dalsukh Malvania, Nagin J Shah
Publisher: L D Indology Ahmedabad
Publication Year: 1987
Total Pages: 322
Language: Sanskrit
Classification: Book_Devnagari, Literature, & Story
File Size: 8 MB

Page 205

१६४
जुगाइजिणिंदचरियं
पुरिसो भणइ चउत्थो मा बहुयं भणह एस मह बुद्धी। थवए छिदह तुब्भे तत्थ वि जे फलभरक्कते ॥१६२७।। अह पंचमेण भणिया मा पलवह किं चि कुणह मह वयणं । लउडेण हणह थवए पडियाणि फलाणि खाएह ॥१६२८।। सोऊण इमे वयणे ईसी हेलाए हसियवयणेण। छट्टपुरिसेण भणिया सव्वे वि नरा समं चेव ॥१६२९।। हा! कळं अन्नाणं अहो ! महारंभया भवंताणं । थोवा बुद्धी तुभं एरिसयं जेण मंतेह ।।१६३०॥ किं एत्थ समाढत्तं जंबूफलभक्खणं तु तुब्भेहिं । जइ ता किं एएहिं मूलाओ छिदणाईहिं ।। १६३१।। एए सहावपक्का पडिया तह पाडिया सुयाईहिं। पक्कफलजंबुनिवहा धरणिगया रयणनिवह व्व ॥१६३२॥ वीसमिऊण निवन्ना अहव नुवन्ना' ठिया व इच्छाए । घेत्तूण खाह तुन्भे वच्चह अह वा वि अन्नत्थ ॥१६३३॥ इय ते भणिया सव्वे एवं होउ त्ति नवर भणमाणा । असिउं च समाढत्ता फलाइं धरणीए पडियाई॥१६३४॥ ते तित्ता तेहिं चिय धरणीपडिएहिं नवर जंबूहि । सरिसो फलाण भोओ पावं पुण बहुविहं रागे ।।१६३५।। जो सो छिदइ मूलं थेवे कज्जम्मि बहुविहारंभो । मरिऊण कण्हलेसो अवस्स सो जाइ नरयम्मि ॥१६३६।। बीओ साहं छिदइ वरतरुओ सो वि नीललेसिल्लो। मरिऊण पावचितो नरयं तिरिएसु वा जाइ॥१६३७॥ तइओ वि पावपुरिसो भणइ पसाहाओ छिदिमो अम्हे । काओय-लेसभावो सो मरि जाइ-तिरिएसु ॥१६३८॥ जो उण चउत्थपुरिसो थवए सव्वे वि एत्थ अवहणह। सो तेयस-लेसाए पुरिसो वा होइ देवो वा ॥१६३९।। जो उण पंचमपुरिसो पक्के आमेव गिण्हिमो सव्वे । सो पउमलेसभावो अवस्स देवत्तणं लहइ ॥१६४०॥ जो पुण छट्ठो पुरिसो भूमिगए गिहिमो ति सदयमणो । सो होइ सुक्क-लेसो मोक्खस्स वि भायणं पुरिसो॥१६४१।। ता उसभसेण जाणसू कज्जे एक्कम्मि जंबु-भक्खणए। छहं पि भिन्नभावो लेसाभेओ य सव्वाणं ॥१६४२।। भिन्नो य कम्मबंधो भिन्ना य गई मई वि से भिन्ना। एक्कम्मि वि वावारे वदंता ते जहा भिन्ना ॥१६४३॥ एवं जं जं कज्ज केण वि पूरिसेण काउमाढतं। कज्जम्मि तम्मि एए छल्लेसा हंति नायव्वा ॥१६४४|| हण छिंद भिंद मारह चूरह चमढ़ेह लुपह जहिच्छं । जस्स न दया न धम्मो तं जाणह किण्हलेसं तु ॥१६४५॥ जो कुणइ पंच कज्जे अहम्मजुत्ते य भणइ तह वयणे। छठें पुण धम्मिळं तं जाणह नीललेसं ति ॥१६४६।। चत्तारि अकज्जाइं वयणाणि य भणइ पावजुत्ताई। सो धम्मदया जुत्तो वट्टइ काओयलेसाए ।।१६४७।। जो कुणइ तिन्नि पावे तिन्नि य वयणेण कक्कसे भणइ । धम्मम्मि कुणइ तिन्नि य तेऊलेसो हु सो पुरिसो॥१६४८।। काऊण दोन्नि पावे चत्तारि पुणो करेइ पुन्नाई। निदइ पावारंभं तं जाणसु पउमलेसं ति ॥१६४९।। एक्कं पावारंभं पंच य धम्मस्स कुणइ जो पुरिसो। सो होइ सुक्कलेसो लेसाईओ जिणो होइ ॥१६५०।। एगुत्तरवुड्ढीए नीलादारब्भ जाव सुक्कं ति। कम्माणि य वयणाणि य सुहाणि वटुंति अणुकमसो ॥१६५१।। ___ता भो सिरिप्पह! तुह सुयाणं जेट्ठो अप्पकसाओ कयन्नू जिइंदिओ विसुद्ध-परिणामो परोवयारी दयालुओ। कणिट्ठो पूण अंतो कोहवं माणवं मायवं लोहवं अकयन्न अजिइंदिओ अविसुद्धपरिमाणो सकज्जेक्करई मरणकाले वि भुयंगमे पडिबद्धवेरो मया अट्टज्झाणेण मरिऊण भुयंगमेसु चेव उववन्नो। तत्थ वि कूरज्झवसाओ मरिऊण नारय-तिरिय-नरामरेसू चिरकालं भमिऊण सकज्जसाहगो भविस्सइ। पढमो पूण सकम्मपरिणामफलमेयमम्हाण भ पुण निमित्तमेत्तमेव जाओ। एवंविहसुहपरिणामपरिणओ धम्मज्झाणेण मरिऊण सोहम्मे सुरवरो जाओ। तओ वि चुओ समाणो रज्जसिरि अणहविऊण सिद्धिसुहभायणं भविस्सइ। अओतुल्ले वि दाणाइकिरियारंभे परिणामभेया फलभेओ भणिओ। जओ--
१. अहव निसण्णा पा० । २. तुब्भे अहवा वच्चह अन्नत्थ पा०। ३. किण्ह पा० । ४. म्मि भणइ पा० ।