Page Text
________________
सिरिरिसहसामिवण्णणं
१४९
तुह चित्तायणट्ठा एसा दालिद्दओसही दिन्ना । विज्जेहि य विउसेहि य तेण तुमं पउणओ जाओ ।। १३१७ ।। तओ सत्यावत्थो घरकज्जाणि चितिउमारद्धो पवणपोओ। समागया खेमेण चत्तारि वि पोया । जाओ कणयरयणमहासंगहो । ईसिसि समुब्भूओ पुणो वि सामवाओ ।
इओ य इमाए चेव नयरीए अपरिमियधणो, पियंवओ, अविकत्थणो, अवसणी, गुणन्नुओ, गुणाणुरागी, अपिसुणो, अमच्छरी, कयन्नुओ, पसंतवेसो, देव-गुरु-चलण-कमलचंचरीयचरिओ, सुहि-सयणसामन्नधणो, परकलत्तसहोयरो, तरुणो वि वुड्ढसमायारो, न नडिओ लच्छिमएणं । अतित्तो गुणगणावज्जणे पवणकेऊ नाम सत्थवाहो परिवसइ । वियसियकमलाणणा कमलसिरी से भारिया । चंदकंति व्व समाणंदियलोयलोयणा कंतिसिरी तीए दारिया ।
अन्ना सहियायणसहिय उज्जाणमइगया दिट्ठा कणयसिरी पवणपोयपुत्तेण हारप्पहेण । तओ सो तं पइ जायारागो । विमणदुम्मणो सघरमागओ । पुच्छिओ जणणि जणएहि -- "वच्छ ! किं कारणं उब्विग्गो विय लक्खीयसि ? " सो वि अदिण्ण- पडिवयणो अहोमुहो द्विओ । कहियं घरदासेण ताण उव्वेयकारणं । तेहि भणियं "वच्छ ! थेवमेयं पओयणं तहा जइस्लामो जहा वच्छस्स तीए सह संजोगो भवइ ।" तओ पओसे गंतूण मग्गिओ पवणपोएण पवणकेऊ । तेण वि दिन्ना । निरूवियं लग्गं । पारद्धा विवाहसामग्गी । कमेण समागओ परिणयणवासरो । जायं महारिद्धीए पाणिग्रहणं । भमियाणि मंडलाणि, दिनं कंतिसिरीए पिउणा हिरन्नाइयं । निसन्ना घरमंडवे दो वि । विवाहिया, सम्माणिओ वरवत्थाभरण - पुप्फ- तंबोल- विलेवणाईहिं जहारिहं सव्वो वि परियणो । पारद्धं पेच्छणयं । लद्धावसरेण पढियं मागण
गरुओ वरस्स बप्पो, बहूए जणओ वि गरुयतो चेव । समपुरिसाणं विहिणा, घडिओ दोण्हं पि संबंधो । " ।। १३१८ ।। एवं "सुणियको व कंपंताहरेण भणियं पवणपोएण" -- रे मागह! हत्थि - मसगाणं कोइल - कागाणं हंस-बगाणं विज्जाहरवानराणं सायर-गोपयाणं मेरु- सरिसवाणं दिवायर - खज्जोयाणं राम-रावणाणं तुल्लत्तणं पगासेंतो' को तुमं मागहाणं ?
अहवा न तुज्झ दोसो, दोसो एयस्स पवणकेउस्स । जो अलिएण वि तुट्ठो, हसइ मणे न हु निवारेइ |
जर कह वि विहिवसेणं धणउरं को य मंडवे मिलिया । ता किं ते दो वि समा मागह मूढोसि किं भणिमो ।। १३१९ ।। सयलनिहाणनिहाणं, धणयं मोत्तूण थुणइ जो रोरं । जो वा सुणइ न वारइ, ते दो वि अयाणुया पुरिसा ।। १३२० ।। समयगुणेहि अह समगुणेहिं जो होइ एत्थ संबंधो । सो सलहिज्जइ लोए परिणामो सुंदरो तस्स ।। १३२१ । ही गुणेहिं समं पुण संबंधो आम-मट्टियघडो व्व । विहडइ समंडवम्मि विन सुंदरी तस्स परिणामो ।। १३२२ ।।
एवं भणिऊण सावलेवमाणसो रंगभंगं काऊण सपरियणो उट्ठिओ पवणपोओ। “असंगयमेयं गम्मउ पुणो विवाहमंडवं" ति पन्नविओ वि पहाण - पुरिसेहिं न पडिवज्जइ । कह कह वि पेसिया धणसिरी । दिट्ठो तीए अभिन्नमुहराओ जारिसा पुव्वि तारिसो चेव विवाहिओ कयसम्माणा तेण निसन्ना दंसियासणे पुच्छिया तेण समागमणकारणं । अह पवणकेऊ पुरओ होऊण पयंपियं धणसिरीए विणयविहियंजलीए संभमुब्भंतनयणाए ।
गरुण तुमं गरुओ, पढमो परमत्थकयवियाराण । कह हुंति तुज्झ चित्ते अविवेयसमुब्भवा भावा ।। १३२३ । इह ताव च्चिय जाय कसायमोहेहि मोहिओ जीवो । ज्ञाव न विवेय लोयण - उम्मेसो होइ हिययम्मि ।। १३२४ || ताजं साहंकारं भणियं वेवाहिएण तुह पुरओ । तं सव्वं खमियव्वं मणम्मि खेओ न कायव्वो ।। १३२५ । अह भणइ पवणकेऊ न हु खेओ मज्झमाणसे कोइ । जइ सच्चं को खेओ अह अलियं किमिह खेएण ? ।। १३२६ । एक्को य दो यतिन्निव अवयरिए जे मुयंति न हु मेत्ति । अहव उदासीणा वि हु हवंति जे ते वि दो तिन्नि ।। १३२७ ।। उवयारकए जे होंति सज्जणा दुज्जणा न ते सुयणा । कह ते वि सुयण- सद्दं समुव्वहंता न लज्जति ।। १३२८ ।। अवयरिए वि न कुप्पs कडुए वि पर्यंपिए न रूसेइ । दाणं पि जो न जोयइ सो सुयणो दुज्जणो सेसो ।। १३२९ । । १. न पयासितो ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |